[8rea7]

السلام عليكم ورحمة الله وبركاته
أسعد الله أوقاتكم بكل خير وكل عام وانتم بصحة وسلامة
أخواني انا طالب بجامعة الملك سعود سنة تحضيرية
عندي مادة بخلصها بعد 3 اسابيع وبعدها اتخصص ومعدلي حتى الان 4.08 من 5 وان شاءلله يوصل لـ النص بعد
ماخلص المادة اللي عندي الان.

أنا حطيت هندسة عمارة وتخطيط كـ 1 تخصص
و 2 تخصص نظم معلومات حاسب

لكن أحب الطيران ومااشوف نفسي مرتاح مع اي تخصص غيرهـ
كيف لو بغيت اتخصص طيران وش الاشياء المطلوبة مني وهل هي ابتعاث خارجي ام داخلي

عدد السنوات اللي بدرسها.

وبرضوا ماعندي خلفية أبدا عن التقديم , اذا تقدرون تساعدوني وتشروحون لي الوضع.
واذا كان الموضوع ابتعاث هل هو على حسابي ام على حساب الحكومة.

اذا على اللغة ( جيدة جدا ) ومع ذلك باخذ الترم الجاي أبتعاث خارجي ( معهد )
لاني سمعت ان الموضوع يحتاج شهادة توفل.

حلمي أكون كابتن طيار وكنت أحسب ان مثل هالوظيفة لناس معينين أو أصحاب رتب
حتى جاني عكس هالكلام من انسان جزاه الله خير.

القدرات : 74
والثانوية : 96
اما التحصيلي 65

[8rea7]

أنا راح أترك دراستي بالجامعة لان هذا الشي اللي أرغب فيه
اذا فرصتي كانت قوية بالموضوع , يصير أطلع أدرس لغة وبعدها أدرس طيران
لكن ماعندي خلفية أبدا ومحتاج مساعدتكم أتمنى ماتقصرون معي وانتم أهلها.

[ابو مشاري]

هذا مستقبلك و اعتقد أنه ليس بكثير أنه تعطيه ساعات قليلة من وقتك تقرأ فيه المواضيع بالاقسام و ستجد اجابات و تحليلات كافية و من بعدها تتخذ القرار.
نصيحة لن يتخذ أحد لك القرار ولا تدع أحد يتخذ لك القرار
إقرأ و تفكر و تدبر ثم قرر بنفسك

[8rea7]

أبو مشاري انا قررت وصملت
لكن تنقصني معلومات عن التقديم فقط.
سبق وقرأت المواضيع لكن مالقيت أجابات لـ اسئلتي

[8rea7]

معقولة مافي أي مساعدة

أبي اعرف كم عدد سنوات الدراسة لو بغيت اقدم على أكاديمية طيران
ووش الاكاديمية اللي تعتبر مقبولة في الخطوط السعودية او الخطوط الامارتيه وكم تكلف تقريبا.

ولو بغيت أدرس على حسابي في الخطوط الامارتيه في دبي كم تكلف
أتمنى اني اختصرت عليكم.

[Kro0omy]

هلا وسهلا اخوي .. والله يوفقك في وين ما تتمنى ..
انت اول شي عندك خيارين : الاول انك تدرس بكالوريوس علوم طيران مع الرخص الي تأهلك تكون طيار ومدتها اربع سنوات بدون اللغة اعتقد .
الخيار الثاني انك تدرس رخص علطول وتكون اما على بعثة الخطوط او على حسابك , اذا على حسابك تاخذ من 6-10 شهور تقريبا على حسب جهدك , وتكلفك تقريبا 55000 الى 60000 دولار .
بالنسبة للاكاديمية او المدرسة الي الخطوط تقبل فيها ما فيه مدرسة او اكاديمية معينه اهم شي تكون مدرسة معروفه وقوية وتحقق شروط الخطوط السعودية او طيران ناس , اما الخطوط الاخرى كل شركة ولها نظامها وما افتيك فيها .
وان شاء الله اني افدتك وبالتوفيق للجميع :)