[Dreamliner_787]

السلام عليكم
هذا الموضوع سنناقش فيه ما تحتاجه الخطوط الجويه الكويتيه لكي تستعيد توازنها ومكانتها :poster_dots:
سأضع ثلاث أسأله أتمنى الكل ينسخها ويضع جوابه تحت السؤال بلون مختلف

1- هل تعتقد أن الخطوط الجويه الكويتيه بحاجه لطائرات جديده ؟؟؟ أذكرها مع العدد المطلوب

2- هل تعتقد أن الخطوط الجويه الكويتيه تحتاج لبيع بعض طائراتها ؟؟؟ أذكرها

3- هل تعتقد أن الخصخصه ستفيد الخطوط الجويه الكويتيه ؟؟ لماذا ؟؟

أتمنى أن يحوز النقاش على رضائكم

[AHMAD42]

اقتباس:     المشاركة الأصلية كتبت بواسطة Dreamliner_787  

السلام عليكم

هذا الموضوع سنناقش فيه ما تحتاجه الخطوط الجويه الكويتيه لكي تستعيد توازنها ومكانتها :poster_dots:
سأضع ثلاث أسأله أتمنى الكل ينسخها ويضع جوابه تحت السؤال بلون مختلف

1- هل تعتقد أن الخطوط الجويه الكويتيه بحاجه لطائرات جديده ؟؟؟ أذكرها مع العدد المطلوب

2- هل تعتقد أن الخطوط الجويه الكويتيه تحتاج لبيع بعض طائراتها ؟؟؟ أذكرها

3- هل تعتقد أن الخصخصه ستفيد الخطوط الجويه الكويتيه ؟؟ لماذا ؟؟

أتمنى أن يحوز النقاش على رضائكم

اشكرك اخوي فهد على الموضوع الرائع وبصراحه الاجابه على هذي الاسئله تحتاج الوقت الكثير لكن انا راح اختصرها لك ...

1- بخصوص الكويتيه وهل تحتاج طائرات جديده انا اقولك نعم تحتاج لكن الان نحن متجهين للخصخصه السؤال جاء متاخر جدا لانها كانت تتبع الدوله الان اصبحت تتبع شركه وناس مساهمين ويمكن والله اعلم راح يتغير الاسم من الكويتيه الى الوطنيه كما سمعت ولكن لست متاكد.

2-بخصوص بيع الطائرات ,الكويتيه لديها طائرات قديمه والمفروض تكون خارج الخدمه مثل الايرباص 600-300 ولكن ما فائدة بيعها الان ونحن نتجه للخصخصه .

3- بخصوص الخصخصه على الحال اللي عليه الكويتيه اكيد راح يكون أفيد لان الكويتيه من بعد الغزو بفتره تم ايقاف الدعم الحكومي عنها وكانت قبل الغزو تحصل سنويا من الحكومه على دعم كذا مليون دينار ما اذكر بالضبط كم المبلغ فلهذا تجدها اصبحت تتخلف عن الاساطيل الخليجيه والعالميه والعربيه وسبقها الكثير من كانت بالمقدمه وتنافس على المراكز الاولى فالخصخصه براى المتواضع افضل بكثير .

تقبل تحياتي ..

أخوك : AHMAD42

[إمبراطور الطيران]

اول ماتحتاج إليه الخطوط الجوية الكويتية هو دعم حكومي كبير لكي تقف على رجلها مرة اخرى

بالتأكيد كل طائرات الأسطول تقريبا تحتاج إلى إستبدال,وشراء طائرات ذات البدن الضيق والعريض,مع الأخذ بعين الإعتبار وجود ثلاث شركات عاملة بالمطار
اذا كانت هناك خصخصة للخطوط,نتمنى ان يحسن مالكوها الجدد التصرف
تحياتي

[KUWAIT AIRWAYS]

1- هل تعتقد أن الخطوط الجويه الكويتيه بحاجه لطائرات جديده ؟؟؟ أذكرها مع العدد المطلوب
نعم تحتاج وكان في طلب بسس للاسف الحكومه رفضت عندك الكثير من الطائرات المرقوبه (330-340-777-787-حتى 380 لو ثنتين او ثلاث بالنهايه كلهم يفيدون
2- هل تعتقد أن الخطوط الجويه الكويتيه تحتاج لبيع بعض طائراتها ؟؟؟ أذكرها
تحتاج لبيع اكيد تحتاج تبيع 300 وهم بعد 310
3- هل تعتقد أن الخصخصه ستفيد الخطوط الجويه الكويتيه ؟؟ لماذا ؟؟
بهل النقطه سامحني لانه كل شي بيد الله مانعلم الغيب ولا نسبق الاحداث فاقدم اسفي بهل النقطه بس بضيف شي (انت ماتدري الشخص الي يبي يمسك الخطوط شنو تفكيره شنو منهجه يمكن تفكيره بالفلوس مايهمه راحة المسافر .....الخ
أتمنى أن يحوز النقاش على رضائكم
مشكوور حبيبي على الاساله تقبل مروري

[kuwaity_pilot]

[quote=Dreamliner_787;469953]

1- هل تعتقد أن الخطوط الجويه الكويتيه بحاجه لطائرات جديده ؟؟؟ أذكرها مع العدد المطلوب

الكويتية بحاجة لاكثر من 30طيارة متنوعة الاحجام مثل الايرباص380 و330 و320 و350 عشان تقدر تلبي الطلب المحلي فقط بدون الترانزيت

2- هل تعتقد أن الخطوط الجويه الكويتيه تحتاج لبيع بعض طائراتها ؟؟؟ أذكرها

الكويتية تحتاج بيع كل طائراتها او تحويلهم للشحن خاصة انة في طيارات بالمؤسسة عمرها 20 سنة واخر طيارة تم استلامها من المصنع البوينغ777 سنة 1998

3- هل تعتقد أن الخصخصه ستفيد الخطوط الجويه الكويتيه ؟؟ لماذا ؟؟

اكيد راح تفيد المؤسسة لان اللي شرى المؤسسسة يهمة جم الارباح بنهاية السنة مو نفس الوضع الحين

وهذة وجهة نظري بالنسبة لوضع الكويتية وانشاء الله مابقى غير اشهر ويتم المزاد على أسهم الكويتية وتنتقل ادارة المؤسسة للمستثمر الجديد

[a340]

1- هل تعتقد أن الخطوط الجويه الكويتيه بحاجه لطائرات جديده ؟؟؟ أذكرها مع العدد المطلوب
اي اي اي تحتاج الى اكثر من 30 طياره من نوع ( 777 - 340 - 380 - 350 - 320 - 787 - و الكثير الكثير بس اهم طياره 380 )

2- هل تعتقد أن الخطوط الجويه الكويتيه تحتاج لبيع بعض طائراتها ؟؟؟ أذكرها
نعم تحتاج لبيع جميع طائراتها خصتا 747 - 310 - 300 لانه عن جد قيما و اذا تبي تخلي طياره ممكن تخلي 777 ( قاروه ) لاكن تحتاج الى بيع جميع طائراتها

3- هل تعتقد أن الخصخصه ستفيد الخطوط الجويه الكويتيه ؟؟ لماذا ؟؟
نعم طبعا لانه راح يغيرون الاداره و هذا اللازم و لازم يكووون في دعم من الكحومه من دعم نقديه و معنويه


و بالتوفيق للخطوط الجويه الكويتية
و شكرأأأأ

[kuwaity_pilot]

[quote=a340;470096]

2- هل تعتقد أن الخطوط الجويه الكويتيه تحتاج لبيع بعض طائراتها ؟؟؟ أذكرها

نعم تحتاج لبيع جميع طائراتها خصتا 747 - 310 - 300 لانه عن جد قيما و اذا تبي تخلي طياره ممكن تخلي 777 ( قاروه ) لاكن تحتاج الى بيع جميع طائراتها

البوينغ 747 تابعة للاسطول الاميري مو تابعة للكويتية

وتستخدمها الكويتية لما تكون الطيارة فاضية لخط لندن والقاهر اكثر شي

[a340]

ثنكيو على الملاحظة و اسف على الغلط

[كابتن:يوسف البهرامي]

السلام عليكم و رحمة الله و بركاته :
أولا: نعم الخطوط الجوية الكويتية تحتاج الى طائرات مثل التزود بطائرات B777 و شراء طائرات B747-400 تابعة للكويتية و فتحة خط سير رحلات جديدة مثل لوس أنجلوس باختصار الولايات المتحدة الأمريكية مو جميع الولايات عاد لا البعض الأسطوول زين اذا وصل 40 أو 50 طائرة مثل :A330 , A321 ,A340,B777-200&300
B747-400 طبعا اذا صار جذي يكون ممتاز.
ثانية: بنسبة الى الطائرات في طياريتين الي تكون المشاكل عليها واجد مثل A300 ,A310 أهما راح يطلعون من الخدمة .
وبنسبة للخصخصة نعم الكويتية تحتاج .
تحياتي لكم :
أخوكم: يوسف بهرامي

[rashed]

1- هل تعتقد أن الخطوط الجويه الكويتيه بحاجه لطائرات جديده ؟؟؟ أذكرها مع العدد المطلوب

نعم بالتأكيد تحتاج طائرات جديده وخصوصا تبديل طائرات 320 لانها اقدم طائرات وتعبانه جدا بالاضافه لكثره طيرانها
من وجهه نظري الكويتيه تحتاج الى عدد :
7 طائرات 320
13 طائره 330-200
6 طائرات 777-300ER
4 طائرات 777-200LR

2- هل تعتقد أن الخطوط الجويه الكويتيه تحتاج لبيع بعض طائراتها ؟؟؟ أذكرها

نعم تحتاج لبيع جميييييييييييييييييييييييع الطائرات

3- هل تعتقد أن الخصخصه ستفيد الخطوط الجويه الكويتيه ؟؟ لماذا ؟؟

اي ليش لا بما انه كثرت السرقات فخلها للقطاع الخاص احسن تتطور ومحد يقدر يبووووق

[Dreamliner_787]

أشكر جميع الأخوه الذين شاركوا والله يعطيكم العافيه

[Dreamliner_787]

جاء دوري للإجابه

1- هل تعتقد أن الخطوط الجويه الكويتيه بحاجه لطائرات جديده ؟؟؟ أذكرها مع العدد المطلوب

نعم أنا أعتقد أنها بحاجه لــ 5 طائرات A320
و 10 طائرات B777 متنوعه ER و LR
و 5 طائرات A340 بعيدة المدى
وكذلك 10 A330
و5 A380
و3 B787

2- هل تعتقد أن الخطوط الجويه الكويتيه تحتاج لبيع بعض طائراتها ؟؟؟ أذكرها

كل الطائرات وأولها A310

3- هل تعتقد أن الخصخصه ستفيد الخطوط الجويه الكويتيه ؟؟ لماذا ؟؟

إن شاء الله ستفيد إذا بدأ الرئيس الجديد بعقد صفقات لشراء طائرات
وتشغيل وجهات جديده

في آسيا :

صلاله - المدينه المنوره - إسطنبول
طوكيو - سيول - المالديف
وزيادة رحلات كولالمبور

في أوروبا :

مدريد - برشلونه - لشبونه - فيينا - براغ - ستوكهولم - أمستردام - ميلان - بروكسل

في أفريقيا :

تونس - طرابلس - الرباط - كيب تاون

في أمريكيتين :

لوس أنجلوس - فلوريدا - مونتريال - ساو باولو - بونس آيريس

في أوقيانوسيا :

سيدني - نيوزلندا

طبعاً هذا راح يكون على المدى البعيد يعني 15 سنه على الأقل

[عبد الله المهنا]

كل كلام الاخوان صحيح

و أزيد عليه : يجب أن يكون لها مطار لائق يساعدها على الانطلاقة من جديد و حبذا أن يكون مبنى خاص بها

[Dreamliner_787]

أشكرك أخوي طيران الجزيره على المرور بالفعل مطار الكويت مثل محكر الحمام ..!!
يجب بناء مطار جديد في مكان جديد أيضاً

[KUWAIT ATC]

السلام عليكم ورحمة الله وبركاته
شلونكم شباب شخباركم؟
واعذروني صارلي مده ماشبكت عشان الامتحانات

اخوي انا ما راح اجاوب الاسئله بالظبط بس بعطيك هالجم كلمه


الكويتيه الكل لاحظه سقوطها بعد الغزو ...واسطولها صار ماينفع حق الطيران وترى على فكرة في ناس قاليو انه الاحسن نبيع ال300-600 يعني بذمتكم منوو بيشتريها ؟؟!
لازم الاسطول كلها ينباع او ينقط بمتحف على الاقل لو يسون متحف احسلهم

ومن ناحية احتياجهم لطائرات جديده صح اهم محتاجين بس الاخوان شوي كبروها يعني مره واحد 380!!

الاماراتيه بعد سنين من الابداع المتواصل زين حصلتها

يعني الحين نبدا من اول وجديد بطائرات من 320 الى 340 و 777 لانه افضل وطبعا زيادة الاسطول وزيادة عدد الراحلات

والدعم الاعلامي لها


الخصخصه::
طبعا الخصخصه راح تنفعها وراح تغيرها 360 درجه لان انت فكر فيها صاحب الشركة اكيد بيفكر بالربح وعشان يربح لازم يطور اسطولها ويزيد رحلاتها,,,,لطالما كان القطاع الخاص احسن مافيه بواقين


وفي النهايه عندي ملاحظه::ترى الكويتيه نزلت لان الشغله مو بيدها الشغله بيد الوزراء واعضاء مجلس الامه وطبعا اهم مو متخصصين بالشغله هذي فماراح تفرق عندهم.

ومطار الكويت ترا راح يوسعونه وراح يجددونه وجاري بناء تصميم له ولكنه راح يكون بمكانه نفسه.

KAC-PILOT
KAC101

[Dreamliner_787]

تسلم كابتن على المرور
بالنسبه لإيرباص 380
إحنا قلنا أن الكويتيه تضع طلب ومتى ما توصل توصل إن شاء الله بعد 16 سنه مو مشكله بس المهم أن تطلب B777 للرحلات الطويله وأعتقد أن هذه الطائره ما عليها ضغط بالطلبيات
وبالتوفيق لك بإمتحان الفيزيا غداً

[بنت الكويت]

الكويتيه تحتاج الى الكثير الجميع قال شي بس الكل نسى شغله مهمه من خلال تجربتي بالسفر مع شركات مثل الميدل ايست و الايماراتيه و الخليج و السيريلانكيه و التايلنديه و الكويتيه و القطريه لحظت ان اغلب افراد المضيفين بنات من الجاليه الاسويه اما بالكويتيه فوالله العظيم هالشي شفته بعيني مضيفه على الدرجه الاولى حتى تسريحة شعرها قدييييييييييييييمه جدا جدا و المضيف كان شكله غير لائق نهائيا اما على رجال الاعمال فكان اكو مضيف شفته اول ماركبت الطياره قدم القهوه و التمر و بعدها دخل غرفة الكابتن و ماخرج منها الا وقت الهبوووط يعني الكويتيه تحتاج انها تفصل نفس هالمضيفين الغير ملتزمين بعملهم و الي ما يهتمون بشكلهم و صدقني لو فاصلين نفس هالموضفين كان ما وصلت الكويتييه لي هالمرحله
اما عن الاخ كاتب الموضوع فمهقوله الرئيس الجديد بيفتح كل هالمحطات.؟ و مطار الكويت يعتبر اتعس و اصغر مطار انا دخلته بحياتي؟الناس وقت الترانزيت وين راح تجلس؟
عموما الكويتييه تحتاج الى بناء من الجذوور مع فصل بعض المضيفين غير الملتزمين

تحياتي

[KUWAIT ATC]

دريم لابنر::صح كلامك اخوي اذا على المدى البعيد ممكن اي بس بالاول المطار يتعدل
اخت كويت دودا::اختي احنا قلنا انه الكويتيه محتاجه تعديل 360 درجه يعني كل شي يشمل طاقم طائرات خطط رحلات كل شي.

[Dreamliner_787]

اقتباس:     المشاركة الأصلية كتبت بواسطة doda q8  

الكويتيه تحتاج الى الكثير الجميع قال شي بس الكل نسى شغله مهمه من خلال تجربتي بالسفر مع شركات مثل الميدل ايست و الايماراتيه و الخليج و السيريلانكيه و التايلنديه و الكويتيه و القطريه لحظت ان اغلب افراد المضيفين بنات من الجاليه الاسويه اما بالكويتيه فوالله العظيم هالشي شفته بعيني مضيفه على الدرجه الاولى حتى تسريحة شعرها قدييييييييييييييمه جدا جدا و المضيف كان شكله غير لائق نهائيا اما على رجال الاعمال فكان اكو مضيف شفته اول ماركبت الطياره قدم القهوه و التمر و بعدها دخل غرفة الكابتن و ماخرج منها الا وقت الهبوووط يعني الكويتيه تحتاج انها تفصل نفس هالمضيفين الغير ملتزمين بعملهم و الي ما يهتمون بشكلهم و صدقني لو فاصلين نفس هالموضفين كان ما وصلت الكويتييه لي هالمرحله
اما عن الاخ كاتب الموضوع فمهقوله الرئيس الجديد بيفتح كل هالمحطات.؟ و مطار الكويت يعتبر اتعس و اصغر مطار انا دخلته بحياتي؟الناس وقت الترانزيت وين راح تجلس؟
عموما الكويتييه تحتاج الى بناء من الجذوور مع فصل بعض المضيفين غير الملتزمين

تحياتي

أهلاً أختي
شكراً على المرور
أن معاج لازم يكون في تشديد على المضيفين
وبالنسبه للمطار قلنا أن لازم يتوسع وايد أو ينبني مطار جديد في منطقه ثانيه
والمحطات اليديده إن شاء الله راح تكون بالتدريج كل ما نستلم دفعه من الطائرات نضيف محطات
وتحياتي

[Dreamliner_787]

من المواقف التي حدثت مع المضيفين
كان في راكب هندي طلب Panadol من المضيفه فــ راحت المضيفه لأحد المضيفين الكويتين وطلب منه panadol
فقال : حق منو ؟؟؟
قالت : حق الراكب الي هناك ( أشرت على الهندي )
قال : خليه يوّلي ...!!

[Dreamliner_787]

خبر مهم
الكويتيه ستستلم مبلغ 300 مليون دولار من الخطوط الجويه العراقيه بسبب السرقات التي حدثت في الغزو
هذا المبلغ يكفي لشراء 6 طائرات A320
وبالتالي تسريح 6 طائرات قديمه لديها وهي A320 و A310
علماً بأن الكويتيه تمتلك 3 طائرات من كلا النوعين

[kuwaity_pilot]

اقتباس:     المشاركة الأصلية كتبت بواسطة Dreamliner_787  

خبر مهم

الكويتيه ستستلم مبلغ 300 مليون دولار من الخطوط الجويه العراقيه بسبب السرقات التي حدثت في الغزو
هذا المبلغ يكفي لشراء 6 طائرات A320
وبالتالي تسريح 6 طائرات قديمه لديها وهي A320 و A310

علماً بأن الكويتيه تمتلك 3 طائرات من كلا النوعين

الكويتية ماتقدر تشتري طيارات لين يتم تحويلها للمستثمر الجديد

[Dreamliner_787]

اقتباس:     المشاركة الأصلية كتبت بواسطة kuwaity_pilot  

الكويتية ماتقدر تشتري طيارات لين يتم تحويلها للمستثمر الجديد

:twaret::f62ar::f56ar::f54ar:

[K . A . A]

أول شي انا ما أعرف حال أسطول الخطوط الكويتيه

بس في نضري أي تحتاج طائرات بعيدت المدا عشان رحلات الكويت الداخليه قليلة

وثاني شي تصدق توني أدري أنها عندها a310

الي أعرفه أنها أنتهت صلحيتها انا ما أدري شلون عايشه هذا الطائرت


أتمنا من الخبراء ان يشاركو برئيهم



وتقبللللللل خالص تحياتي

K . A . A

[طيار السعوديه]

اي شركه يبليها دعم مااااااااااااااااااااااااااااااااااااااااااااااااا ااادي

في دعم مااااااااااااااااااااااااااااااادي في كل شي مافي مافي شي

[Dreamliner_787]

اقتباس:     المشاركة الأصلية كتبت بواسطة K . A . A  

أول شي انا ما أعرف حال أسطول الخطوط الكويتيه

بس في نضري أي تحتاج طائرات بعيدت المدا عشان رحلات الكويت الداخليه قليلة

وثاني شي تصدق توني أدري أنها عندها a310

الي أعرفه أنها أنتهت صلحيتها انا ما أدري شلون عايشه هذا الطائرت

أتمنا من الخبراء ان يشاركو برئيهم

وتقبللللللل خالص تحياتي

K . A . A

اقتباس:     المشاركة الأصلية كتبت بواسطة طيار السعوديه  

اي شركه يبليها دعم مااااااااااااااااااااااااااااااااااااااااااااااااا ااادي

في دعم مااااااااااااااااااااااااااااااادي في كل شي مافي مافي شي

يعطيكم العافيه على المرور
ورأيكم على العين والراس
وبالنسبه للرحلات الداخليه يا أخوي خالد
الكويت ما يتم فيها رحلات داخليه لانها صغير جداً

[Pilot:Bader]

يا شباب قبل ما نفكر نزيد طائرات الخطوط الجوية الكويتية مثلا الى 50 أو 60 طائرة

لازم نفكر بمطار كبييير طبعا حتى لو تكلمنا لا حياة لمن تنادي

[Pilot:Bader]

الظاهر ما يرتاحون الى اذا وقعت الكارثة لأنه خلاص الطايرات صارت قدم أنا بعرف الى متى الكويت طوفة هبيطة صدقني الدولة يمديها تضخ ملايين على الكويتية بس فالحين هل الملايين حق أمريكا ولا الأردن و لا تبرع جم مليار احنا ما قلنا لا تتبرعون بس سوو خيير بديرتكم قبل ما تفكرون تعطون حق الي برا

[Dreamliner_787]

Pilot:Bader

الف شكر على مرورك
أحنا بس قاعدين نحط حلول وندري أن ماراح يسمعونها
الكويتيه تحتاج فلوس ووقت كبير علشان ترد إلى مستواها المعروف
أعتقد أنها تحتاج من 15 - 20 سنه
وميزانيه 5 مليارات على الأقل

[كابتن:يوسف البهرامي]

لا لا مو لهدرجة صدقني مخ مديرنا أنظف