[alameerm]

كل عام من شهر شوال إلى شهر ذي الحجة ، يمر مطار الملك عبدالعزيز الدولي بجدة بكثافة طيران عالية ، نظراً لدخول ميقات الحج ، ولكن السنة هذي 1429هـ لا أرى الكثافة المعهودة من قبل !!!

[@@جامبو@@]

والله وانا اخوك حتى في ذروة موسم الحج كثافة مطار جده ماتجي نصف كثافة الترافيك على مطار هيثرو بلندن لكن اعتقد انه الى الآن مادخل وقت الذروة اعتقد الكثافه ترتفع مع دخول شهر 12 .

[rayan797]

لانهم فاتحين مطار المدينه المنوره استقبال الحجيج.....لهذا السبب قلة الحركه الجويه في مطار جده

[alameerm]

شكراً لك اخي كابتن/جامبو على المرور والمشاركة.
لا أخفي عليك أخي بمجاورة سكني لأرض المطار (حي النزهة) أكثر من عشر سنوات وانا معتاد على الكثافة هذي ، خلال أشهر الحج ، بأسثناء السنة هذي ! ايش السبب ما أدري ؟

[alameerm]

اقتباس:     المشاركة الأصلية كتبت بواسطة rayan797  

لانهم فاتحين مطار المدينه المنوره استقبال الحجيج.....لهذا السبب قلة الحركه الجويه في مطار جده

شكراً لك أخي ريان على هذه المعلومة.

[wacher]

الهدوء الذي يسبق العاصفــــــــــــفه
واعتقد انه تنظيم عالي جدا للحركه (flow control )
او طامه كبرى سنشاهدها الأسبوع المقبل

[commander-115]

السلام عليكم ورحمة الله وبركاته ,
وفي سبب اخر هو لانه الخطوط السعودية تغطي معظم العواصم العالمية
وقلة مرتادي الطائرات الاخرى

[الطيار الوسيم]

انا اعتقد انه بسبب تحويل مطار المدينة المنورة الى مطار دولي

والله اعلم

وتقبلوا تحياتي

[c130 crew]

اقتباس:     المشاركة الأصلية كتبت بواسطة alameerm  

شكراً لك اخي كابتن/جامبو على المرور والمشاركة.
لا أخفي عليك أخي بمجاورة سكني لأرض المطار (حي النزهة) أكثر من عشر سنوات وانا معتاد على الكثافة هذي ، خلال أشهر الحج ، بأسثناء السنة هذي ! ايش السبب ما أدري ؟

حياك الله ياجار
السبب عندي
بالنسبة للكثافة فهي موجودة وعلى طووووووووووووول
انت ساكن في حي النزهة والمدرج 34Cبالضبط على حي النزهة
OK
والآن المدرج 34Lمقفول للصيانة
والباقي 34C يستخدم لعمليات الإقلاع بالتأكيد ماراح تسمع صوت طيارات لأنها مقلعة على جهة أبحر
و34R لعمليات الهبوط روح حي المروة وشوف الكثافة
تحـــــــــــياتي

[just_emotion]

السلام عليكم

امس في طائرات هبطت على 34C وكذلك 34R ؟

ولكن الملاحظ بالفعل الكثافة قلت بشكل واحظ

يعني ابدا ماتقارن بشهر رمضان ؟ في شهر رمضان كنت اطالع في السماء الاقي 5 طائرات دفعه واحدة متجهه الى المطار ؟ الي جاي من الشمال والي من الجنوب ؟

اما الفتره هذي طائرة واحدة اوطائرتان بالكثير في مجال جدة الجوي ؟

اتوقع والعلم عند الله تحويل مطار المدينة المنورة الى مطار دولي هو السبب ؟

لأنه سابقا كانوا الحجاج يوصلوا على جدة ومن المطار يركبوا باص الى المدينه هذولي يسموهم (زيارة المدينة قبل الحج ) اما الان الطائرة تهبط في المدينه على طول وبالتالي يوفروا قيمة تذكرة الباص من جدة الى المدينة.

انا اشتغلت في المطار السنوات الماضية وتحديدا في مدينة الحجاج ولاحظنا كيف انه كل سنه يقل الترافيك على المطار تدريجيا

[تاورجي]

اقتباس:     المشاركة الأصلية كتبت بواسطة c130 crew  

حياك الله ياجار

السبب عندي
بالنسبة للكثافة فهي موجودة وعلى طووووووووووووول
انت ساكن في حي النزهة والمدرج 34Cبالضبط على حي النزهة
OK
والآن المدرج 34Lمقفول للصيانة
والباقي 34C يستخدم لعمليات الإقلاع بالتأكيد ماراح تسمع صوت طيارات لأنها مقلعة على جهة أبحر
و34R لعمليات الهبوط روح حي المروة وشوف الكثافة

تحـــــــــــياتي

:poster_withstupid:اجابة في الثمانيات " تعبير كروي "

[ahm747]

الاجابة ان شاء الله راح تشوفها لايف

بعد اسبوع من الان

والله يســـــــــــــــــــــــــــتر

[final app]

الحركة الجويه هي نفسها

وحركة الحج هي نفسها للأعوام الي فاتت

الي صار انه كل الرحلات القادمه راحت على المدرج اليمين 34ٌR

علمي وسلامتكم

[KSA Dream]

مشكوووووووووور