[habnet]

سلام من الله عليكم ورحمته وبركاته




اخوكم في الله ديم يخش القسم هذا

ولا هو عارف وش قاعدين تتكلمون عنه:twaret:

الي عرفت ان هذي لعبه اونلاين

بس وش النظام وكيف نلعبها ومن وين نحمل اللعبه والله ما ادري

عشان كذا اتمنى منكم تفيدوني ياكباتن

واكون شاكر لكم



habnet

[habnet]

مستنيكم ياكباتن

[Hassn166]

اول وعليكم السلام ورحمة الله وبركاتو
ثاني شغله هاذه مااسمة لعبة هاذه اسمة برناامج لتدريب الطيرااان الحين انت ماتسمع عن اذه الطيار اذه بيشتغل كطيااار يعلمونا اول شي في الارض نظري وعملي نظري خو فاهمين احنا معنا نظري يعني معادلات ومسائل واختبارات ورقية وغيره بس عملي شنو المقصود بعملي في الارض يعني انك تذهب لجهااااز طائرة تشبيهي موجود على الارض وتطير بل ارض يعني انك انت طيار جديد ماتطير على الطياره مباشرة لانها غالية تذهب لتشبيهي فيها قمرت قياادة وكل الازرار والسستم الحقيقي ولكن تشبيهي هاذه مفهوم الطيراان التشبيهي عاد احنا على قد حالنا مانقدر نشتري هاذه الجهاااز الضخم الي نستطيع منه الجلوس في قمرة القياادة ونطير لا احنا نقدر نسحب اللوكيشن من البرنامج او مثل فقط البرنامج ونزلة على جهاااز عادي ونطير على طائراات عادية في شاشة الكمبيوتر انشالله فهمت شنو اهو هاذه البرنامج وليس لعبة
ثالث قاوعد البرنامج وقواعد الاون لاين هي كما الحقيقه بظبط بس في شغلة اسمها منظمة يعني شركة انا اصراحه اطير على منظمة الايفو لانها فيها اشهر وااقوي الدفجنات او الدفجنات يعني ادارة الدول يعني دفجن كويتي دفجن سوعدي ادارة الكويت ادارة السعودية جذية وفيها ترافيك قوي لعرب المهم القوانين نفسها تاما في الحقيقه يعني انك تجهز الطائرة من البوابة الاقلاع الي بوابة الوصول وماتتحرك اله بأذن مراااقب وتكون مسوي كل اشغالك مثااال شغله اسمها فلايت بلان هاذه بل حقيقه تعبية قبل الرحلة بيوم يعني ارتفاعك وجهتك من والي سرعتك وكل كل شي اما بل اون لاين تقدر تعبية وقت الاقلاع ومافي مشكلة نفس الحقيقه بعدين عقب ماتخلص تقدر تاخذ اذن من المراقب لتحرك بس اذه ماكان فيه مراااقب تتحرك على راحتك بس بقوانين تقدر تقرااه المهم خل نتكلم عن المراقبة اذه كان فيه مراقب جوي تقدر تطلب الاذن منه لرجوع الي الخلف كما في الحقيقه وماتقلع اله بأذن وترتفع اليه بأذن وكل شي بأذن واذه تبي تتعلم كيفية المحادثة بين المراقب والطيااار فيه وايد مواضيع تعلمك عليها
بعدين شغله مهمه انت اول ماتشبك اون لان لازم تعتبر نفسك رحلة حقيقيه يعني ماتستهبل وتقعد تستعبط امام الطيارين على اساس ماكو مراااقب تره فيه مراقبين لمنظمة مخفين ويراقبون السيرفس 24 ساعه ويقدرون بسهولة طردك واذه بتسوي روحك ذكي بتسجل مره ثانية بأميل ثاني يعرفووون انك طاير بنفس الجهااااز
واذه فيه اي سؤااال تفضل :)

[habnet]

الله يعطك الف الف عافيه اخوي

انا الحين سجلت في الموقع لمنظمه ivao

واحتاج البرنامج وماني لاقيه اذا تتكرم على اخوي

وتدلني على طريقه لتحميله

وهل يحتاج الى باتش او لا


ومعليش اذا تعبناك معانا

[ك.أبو الندر]

أخونا موسى ما قصر نهائيا كفيت ووفيت وإختثصر الكلام على البلاطهزي ما يقولون .. شو يا كبتن المنظمه هاذي عالميه على مستوى العالم وأنا أنصحك إنك تتأكد 10000% إنك تقدر تطير على الطائرات البروفيشنال لأنه كل الطائرات أو أغلبها بروفيشنال بمعنى مو حلوه قدام الكل تطير ستاندر حاول تتعب حبتين على حالك وتطير من مدن قريبه عشان يزبط الإقلاع والهبوط لأنه في أِشياء كثيــــــــره لازم تتعلمها ما اتوقع وبكل صراحه أحد يعلمك هيا حاول تستعمل قدراتك وإمكانياتك لتطوير نفسك .. هذا من جهة الشيء الثاني لا تستعجل نهاااائيا ونصيحتي الكبرى إبدأ زي حبه حبه وتعلم من السلحفاء مع الوقت تلاقي إنتاج عظيم ما توقعته وعلى كلام الدكتور إبراهيم الفقي (إقترب من حلمك يوميا 10 سنتمتر) يعني خذ رااحتك وحتى لو كنت متخرج من الثنوي حاول تنظم وقتك وتستغل كل ساعه من يومك .. بالنسبه للأون لاين أنا أنصحك بهاي الفتره لا تسجل والجواب لكلمة (ليش) لأنه المراقبين كلهم تقريبا مشغولين بإفنت الدمام بتاريخ 4 / 6 /2010م .. يعني مافي احد يساعدك تمام .. أما البرامج عندك مواضيع بالمنتدى ليييييين تزهق وتتعب .. وإذا ما فهمت شيء أنا تحت أمرك فاتح بأي وقت المسنجر أطلب ولا يهمك شيء.. والمحادثه مع المراقب كلها إنجلش تقريبا يعني لازم أقل القليل لو عايز تعمل رحله أون لاين (مش لعبه) تكون عارف أساسيات الطيران بالحقيقه والسيموليتر بصفه خاصه .. إن شاء الله ما اكون طولت عليك ولا كثرت الكلام بس هاذي نصائح مجرب وشخص أكل التراب زي ما يقولوا إتوكل على ربك واربط الحزام وعانق الغيوم .. تحياتي لك .. ك.نادر ..

[yazan alazab]

في قسم الفاتسم في المنتدى رح تلاقي شرح كامل من الصفر الى درجة الاحتراف في الاون لاين




واتمنى لك الاستفادة

[الملكية الأردنية]

في ألأقسام المتخصصة !!

[alan78]

اخوانى مين فيكم عنده الوقت لشرح السمليتور فى الفانتسم حياكم الله

[علي يلع]

عدل كلامكم ياكباتن ...

أنا كنت كذا في البداية , ومشيت على كلام أخونا أبو أيوب والأعضاء الكرام ,
اتعلمت أول على السيسنا وحبة حبة ,,, مش على البروفيشينال على طول

بس في الأول أكيد ((أوف لاين)) عشان لا أضايق أحد وأتعلم على راحتي ,, والمنتدى ماقصر فيه كل الشروحات اللي تحتاجها وزيادة...

تحياتي للجميع....

[علي يلع]

!!!!!!!!!!!

[THE PILOT NASSER]

ما فهمت ويش السالفة يا أخوان؟؟؟؟؟؟؟؟؟؟؟؟؟؟؟؟؟؟