[يونس2008]

السلام عليكم ورحمة الله وبركاته ، بينما تسعى جميع المطارات إلى العالمية فمطار الكويت الدولي يسعى دائما إلى العشوائية

أحببت أن أشترك معكم في صورتين من صور عديد ألتقطها في مطار الكويت الدولي

* موظف تابع لإحدى شركات الخدمات الأرضية ، نايم .
* ألا يوجد " كمبيوتر " تقدرون تكتبون فيه مغلق للصيانة ؟؟؟؟

[ابراا]

وقت مايكون فيه ادارة جاده مفكره راح يتطور المطار

[s-a-l-e-m]

هذي الورقه ماعتقد انها في مكان عام او ماكو مصدر رسمي يوضح لنا
يعني مع احترامي لك اخوي يونس موضوعك يتيم العامل الي نايم ماندري منو اهوا وشنو يشتغل
الشي الثاني الورقه يعني مثلا تبي يحطونلك ايباد !! او لوحه من ذهب

بالعكس مطار الكويت متطور وكل شي فيه و مريح و خصوصا بالفتره الاخيره صار افضل بوايد و بالمناسبه ترى المطار مصنف 4 نقاط من اصل 5

[G650]

دوله من اغنى الدول

والاوله في سوء التخطيط

ولما يكون المطار واجهة الدوله الاولى ويكون بالشكل هذا ماتقدر تقول غير

الله المستعان

[يونس2008]

اقتباس:     المشاركة الأصلية كتبت بواسطة s-a-l-e-m  

هذي الورقه ماعتقد انها في مكان عام او ماكو مصدر رسمي يوضح لنا
يعني مع احترامي لك اخوي يونس موضوعك يتيم العامل الي نايم ماندري منو اهوا وشنو يشتغل
الشي الثاني الورقه يعني مثلا تبي يحطونلك ايباد !! او لوحه من ذهب

بالعكس مطار الكويت متطور وكل شي فيه و مريح و خصوصا بالفتره الاخيره صار افضل بوايد و بالمناسبه ترى المطار مصنف 4 نقاط من اصل 5

هذا الموظف يعمل بشركة لخدمات الأرضية بدون ذكر أسماء ، وهو نائم أثناء نوبته ليلية وأنا ما حبيت أحط صورة أوضح حتى لا أضره وترى في نفس الوقت يوجد موظف من نفس الشركة نائم على الصوفة من الجهة الأخرى .

هادي الورقة موجود في الحمام الموجود في الدور الأول فوق منطقة الوزرن رقم 2 بجانب مكاتب شركة التي تدير السوق الحرة .

أنت تقول مطار الكويت متطور ؟ عيل ليش ما يحطون أيباد ؟ مطار متطور مثل مطار سانغفوره أو هونج كونج حاطين شاشات إلكترونية في الحمام حتى تقيم الخدمة وإذا كان مسكر الحمام يكتبون لك مسكر على لوحة إلكترونية مش ورقة وقلم ...!

تبي تشوف المطار المتطور أدعوك لزيارة متكقى مكاتب الطيران وتشوف مرادم النفايات لي بطرقتها ، تبي تشوف المطار المتطور زر بعض الحمام لي فيها صراصر كبر التماسيح ، تبي تشوف مطار متطور روح شوف كيف أنه سير أمتعة واحد يستقبل حقائب 3 رحلات مرة واحدة ...!! وتبي وتبي وتبي ....!! خلني ساكت احسن .

مطار الكويت ممكن أقول أنه في طور التطور بعد التجديدات الأخيرة ولكن ما نقول عليه متطور لأنه إذا مطار الكويت متطور شنقول على مطارات مثل دبي و سانغفوره وبكين و هونج كونج و و و و ......

تحياتي وتقديري،،،

[mohammad alajmi]

هذي مستحيل تصير بمطارات دبي وحمد الدولي.
لأن اهناك في عقاب مباشر ولاتهاون مع اي متهاون في عملة.
انا مااشك بالصورة الا لو كانت في مطار دبي او قطر.. لكن بالعكس دام انها في مطار الكويت ممكن تصير ويصير أسوأ من هالموضوع.
الله يصلح الامور.

[s-a-l-e-m]

اقتباس:     المشاركة الأصلية كتبت بواسطة يونس2008  

هذا الموظف يعمل بشركة لخدمات الأرضية بدون ذكر أسماء ، وهو نائم أثناء نوبته ليلية وأنا ما حبيت أحط صورة أوضح حتى لا أضره وترى في نفس الوقت يوجد موظف من نفس الشركة نائم على الصوفة من الجهة الأخرى .

هادي الورقة موجود في الحمام الموجود في الدور الأول فوق منطقة الوزرن رقم 2 بجانب مكاتب شركة التي تدير السوق الحرة .

أنت تقول مطار الكويت متطور ؟ عيل ليش ما يحطون أيباد ؟ مطار متطور مثل مطار سانغفوره أو هونج كونج حاطين شاشات إلكترونية في الحمام حتى تقيم الخدمة وإذا كان مسكر الحمام يكتبون لك مسكر على لوحة إلكترونية مش ورقة وقلم ...!

تبي تشوف المطار المتطور أدعوك لزيارة متكقى مكاتب الطيران وتشوف مرادم النفايات لي بطرقتها ، تبي تشوف المطار المتطور زر بعض الحمام لي فيها صراصر كبر التماسيح ، تبي تشوف مطار متطور روح شوف كيف أنه سير أمتعة واحد يستقبل حقائب 3 رحلات مرة واحدة ...!! وتبي وتبي وتبي ....!! خلني ساكت احسن .

مطار الكويت ممكن أقول أنه في طور التطور بعد التجديدات الأخيرة ولكن ما نقول عليه متطور لأنه إذا مطار الكويت متطور شنقول على مطارات مثل دبي و سانغفوره وبكين و هونج كونج و و و و ......

تحياتي وتقديري،،،

هلا والله اخوي يونس انا قلت متطور وفيه كل شي ماقلت افضل مطار الله يهداك عشان تفتح مجال المقارنات وانا ماقلت هل الكلام من فراغ تقريبا كل الاشياء الاساسيه في كل مطار ناجح موجوده عندنا
اما موضوع الموظفين
انزين انت الحين تقول ماتبي تذكر اسمااء وخايف علي بلدك بنفس الوقت روح اشتك عليه عند المسؤولين هذا ياي يشتغل ولا ينام
بدال ما تنشر بالمنتدى بدون مصادر رسميه مع فائق احترامي لك وللجميع

[يونس2008]

اقتباس:     المشاركة الأصلية كتبت بواسطة s-a-l-e-m  

هلا والله اخوي يونس انا قلت متطور وفيه كل شي ماقلت افضل مطار الله يهداك عشان تفتح مجال المقارنات وانا ماقلت هل الكلام من فراغ تقريبا كل الاشياء الاساسيه في كل مطار ناجح موجوده عندنا
اما موضوع الموظفين
انزين انت الحين تقول ماتبي تذكر اسمااء وخايف علي بلدك بنفس الوقت روح اشتك عليه عند المسؤولين هذا ياي يشتغل ولا ينام
بدال ما تنشر بالمنتدى بدون مصادر رسميه مع فائق احترامي لك وللجميع

الصورة تحدث نفسها اعتبرها رسمية مو رسمية فالصورة تكفي ،،،،

تقولي اشتكي ،!؟!؟ يعني لو الموظف عرف انه في عقاب مكان نام وسط المطار ورايح وجاي يشوفه .... صح ولا انا غلطان؟

عن الشكوى في مطار الكويت. ، فعن تجربة شكوى او اقتراح ما منه فايده

انت تكلمت عن مطار متطور ؟! في مطار متطور مافيه كمبيوتر يطبع ورقة مغلق للصيانة .

[kuwaity-pilot]

يعني يااخ يونس خليت كل الايجابيات والتطورات وصورتلي ورقه خير ياطير ورقه وحاطينها هل يعقل يحطون شاشه عشان خبر ههههههه الله يهديك الكل يمدح مطار الكويت بعد التجديد ربعي الخليجين قالو مشالله حلو ومرتب وجديد قلتلهم لا هاذا عقب التجديد الي يزوره اول مره يقول توهم مفتتحينه مشالله تغير شامل للديكورات الداخليه والخارجيه الا مول المطار معاك دورات المياه تفشل حتي صابون مافيه اما صوب الترانزيت والمغادره روووعه وحتي مركبين شاشه مثل الايباد فيها كيبورد بصاله المغادره لتتبع الرحلات وتقيم المطار حاليا 4 من 5 نقاط دش قوقل وشوف فلا تقعد تهول وتزيد الموضوع وقريبا يبدون بالمطار اليديد

[s-a-l-e-m]

اقتباس:     المشاركة الأصلية كتبت بواسطة يونس2008  

الصورة تحدث نفسها اعتبرها رسمية مو رسمية فالصورة تكفي ،،،،

تقولي اشتكي ،!؟!؟ يعني لو الموظف عرف انه في عقاب مكان نام وسط المطار ورايح وجاي يشوفه .... صح ولا انا غلطان؟

عن الشكوى في مطار الكويت. ، فعن تجربة شكوى او اقتراح ما منه فايده

انت تكلمت عن مطار متطور ؟! في مطار متطور مافيه كمبيوتر يطبع ورقة مغلق للصيانة .

والله ياخوي يونس مادري شقولك موضوعك مادري شلون صاير مثل ما قلتلك يتيم وسب ان وضعت خبر بنفس الطريقه ولكن فيديو و كان اوضح و يوجد ادله بس بدون مصدر رسمي لانه ماذكر بالصحافه واداره المنتدى احذفته واعتبرته اتهامات باطله لذلك اعتقد ان موضوعك مخالف للقوانين لانه اتهامات بدون ادله

اما عن الشكوى اي نعم حسب ماعرفت انك انت موظف بالمطار سابقا روح اشتك عند المدير حتى لو ماسوو شي عل الاقل ريحت ظميرك والشي الثاني والي استغرب منه دام مافي قانون اذكر اسمائهم افضحهم وين المشكله

عموما انا هذا رايي و رايي عندي ورايك عندك
وسلاممتك

[Ali_albader]

اول سبب لتأخر الكويت هو نفاق البعض ،، اخوي ترى صورك تعتبر لا شي من الواقع المؤسف للمطار

[حزن النبلاء]

الكويت مساحتها صغيره ومافيها الا مطار دولي واحد المفروظ يكون هناك اهتمام على اعلا مستوى

[يونس2008]

بسم الله الرحمن الرحيم

{وَذَكِّرْ فَإِنَّ الذِّكْرَى تَنْفَعُ المُؤْمِنِينَ} - صدق الله العظيم




(صور فجر اليوم )



السقف " يخر ماي " مع أنه مافي أمطار ...!!!!









بمطار الكويت الدولي فقط

[Ali_albader]

اقتباس:     المشاركة الأصلية كتبت بواسطة يونس2008  

بسم الله الرحمن الرحيم

{وَذَكِّرْ فَإِنَّ الذِّكْرَى تَنْفَعُ المُؤْمِنِينَ} - صدق الله العظيم




(صور فجر اليوم )



السقف " يخر ماي " مع أنه مافي أمطار ...!!!!









بمطار الكويت الدولي فقط

راح يقولون لك المطار ممتاز وعالمي وعنده 4 نجوم وما نبي تأزيم :)

[kuwaity-pilot]

الصراحة منظر يفشل اتمني يصلحون الخلل والخلل واضح بالسنترال واتمني بعد يجددون دورات المياة الي بمول المطار ساعات حتي صابون مافيه والله مايستحون فشلونا انا لاحظت التطويرات فقط بعد الجوازات صوب الترانزيت اما قبل الجوازات مساة نبي تجديد وصيانة شامله علي مايخلص المبني اليديد الي لازال ماختارو شركة تنفذة

[EK-A380]

اقتباس:     المشاركة الأصلية كتبت بواسطة s-a-l-e-m  

هذي الورقه ماعتقد انها في مكان عام او ماكو مصدر رسمي يوضح لنا
يعني مع احترامي لك اخوي يونس موضوعك يتيم العامل الي نايم ماندري منو اهوا وشنو يشتغل
الشي الثاني الورقه يعني مثلا تبي يحطونلك ايباد !! او لوحه من ذهب

بالعكس مطار الكويت متطور وكل شي فيه و مريح و خصوصا بالفتره الاخيره صار افضل بوايد و بالمناسبه ترى المطار مصنف 4 نقاط من اصل 5

وانا ايدك 100%

ولا ازيد عن كلامك.

[مواطن كويتي]

الوقيان لـ" دروازة نيوز" مطار الكويت غير الدولي.. النظام فيه لا يعمل فهل هذا واجهة بلد ؟

عبر استاذ الإعلام الدكتور بركات الوقيان عن استيائه من جراء تعطل النظام داخل مطار الكويت الدولي .

وقال الوقيان في تصريح لـ" دروازة نيوز" هل يعقل أن تتعطل رحلات المسافرين لتعطل النظام داخل مطار الكويت غير الدولي.

وأشار إلى أن المسافر والمغادر كلاهما يأتيان في نفس التوقيت، وهذا الأمر لا يحدث في أي مطار في العالم إلا في مطار الكويت وهذا الأمر غير آمن.

ووجه الوقيان إلى رسالة إلى الجهات المسؤولة متسائلا هل يعقل أن يكون هذا المطار واجهة بلد مثل الكويت؟

[مواطن كويتي]

صرح رئيس الادارة العامة للطيران المدني فواز الفرح أن نظام قبول الركاب و الامتعه الخاص بعدد من شركات الطيران العامله في مطار الكويت الدولي و المرتبط بشركة (( سيتا )) العالمية قد تعرض اليوم لتوقف الخدمة لمدة حوالي ثلاث ساعات بسبب انقطاع الخط الدولي الذي يغذيها عبر احدى شركات الانترنت .

وذكر رئيس الطيران المدني أن هذا التوقف سبب تأخيرا وارباكا لحركة المسافرين على تلك الشركات في مبنى الركاب وقد بذل موظفوا الادارة جهودا ضخمه لتنظيم الحركة و تسهيلها الى أن عادت الخدمة للنظام فيما بعد.
وأوضح أن هذا النظام يخص شركات الطيران المتعاقده مع شركة (( سيتا )) العالمية لتقديم الخدمة و ليس للادارة العامة للطيران المدني علاقة به كما ذكرت بعض مواقع التواصل الاجتماعي و المواقع الاخباريه.