[Mai said]

ya3eny eh enty mai

[gogoo]

اقتباس:     المشاركة الأصلية كتبت بواسطة shemoza  

يابنات انا رحت الانترفيو وكتبت كل حاجه حصلت هناك بالظبط، و انا على فكره اتقبلت في الانترفيو و لسه الكشف الطبي ربنا يسهل بقى. و لما ادخل الكشف الطبي هقولكوا برضه ايه اللي حصل.

الف مبروووك ياقمر
وعقبال الكشف الطبي لما يعدي على خير
بالتوفيق لك

[Mai said]

hi
shemoza enty 2olty enhom by2olo 3rfy nfsk w t2rfy war2a ok
2olely b2a 5aloky tsmhy 2odamhm wala la2 .w so2l eh elly sa2alholk w kont nasyaah da w bys2lo as2la 3amah wala la2 ..asl kol kalamk elly fat kan 3la el labss w bass 3yzeen n3rff akteer law sam7ty.

[shemoza]

معلش انا كان قصدي انتي و مي شكرا ليكوا يعني

[shemoza]

انا كلامي كان على اللبس عشان حسيت ان ده كان اهم حاجه (المظهر) لاني عكيت الدنيا اصلا في الانترفيو كل الاجابات الي كنت محضراها في دماغي قلت عكسها تماما، يعني السؤال الشهير ليه عايزه تكوني مضيفه؟ انا كنت محضره ليه اجابه و لما اتسألته جاوبت اغبى اجابه ممكنه قلتلهم عشان عايزه اجرب حاجه جديده فاراح قالي يعني معنى كده انك كل شويه هتحبي تجربي حاجه جديده وتسيبي الشغل؟ قلتله لاء طبعا انا طول عمري نفسي اكون مضيفه، فا قالي طب وليه ما اشتغلتيهاش الاول؟ (اصل اما بشتغل و عندي 25 سنه) فاقولتله عشان ماكانش في فرصه و مصر لطيران ماكنتش طالبه مضيفات، و الؤال الي انا اتسألته كان سؤال بالصدفه يعني ماحدش هيتسأله لانهم سألوني كنت في مدرسة ايه فاقلتلهم نبويه موسى فسألوني تعرفي ايه عن نبويه موسى بس. و خلوني امشي رايح جاي كده في اول مادخلت و خلاص.

[shemoza]

شكرا ليكي يا جوجو

[Mai said]

ya3eny sa2loky leeh 3yza tb2y modefa bl 3rbyy..w konty baslhom w enty bttmshy wala basa 2odamk w enty bt2ry bardo .

[shemoza]

اكيد كنت باصه قدامي وانا بمشي و باصه في الورقه وانا بقرأ البرجراف و باصالهم وهما بيسألوني.بصي يامي اتصرفي بطبيعيه جدا بس خليكي مبتسمه على طول و تبصيلهم كلهم ماتركزيش مع حد واحد بس. و الموضوع بسيط وكل الاسئله و النترفيو كان بالعربي ماعدا لما قرأت البرجراف و لما قالولي اتكلم عن نفسي بالانجليزي.

[Mai said]

Rbna m3na 5eeeeeeeer isaa

[suri]

السلام عليكم
ازيكم كلكم ومتأسفة على التاخير بس كان عندى ظروف مكنتش بدخل
الاول انا متشكرة اوى لكل اللى سالوا عليا وميرسى اوى اوى ليكم
وانا عاوزة احكيلكم على اللى حصل فى مصر للطيران
انا لما رحت الانترفيو كنت متاخرة شوية عشان المشوار كان صعب عليا وكده
بس بصراحة مستر حسنى ده كان زوء معايا جدا .. ومأليش اى حاجة على التاخير
بس الاهم انى رحت فى يوم كان يوم غريب اصلا لان هناك عرفت ان الانترفيو بيبقى كل يوم خميس او لية يوم معين فى الاسبوع بس على حظى انا كنت فى يوم غريب معرفش لية يعنى من ناحية كل حاجة من ناحية الناس اللى كانوا هناك من ناحية البنات من ناحية اللجنة
لانى اول ما رحت لاقيت حوالى 20 بنت فى منهم دخل انترفيو وطلعين مستغربين اللى حصل وفى لسة مش دخلوا ... يعنى فى بنات قالوا اننا دخلنا الانترفيو اللجنة عاملتهم بقلة زوء واخر بواااخة وقالهوهم اول ما دخلوا اقرى القطعة بس كده وخلاص من غير اى كلمة تانية
يعنى تخيلى انتى داخلة انترفيو الهدف منه انهم يتعرفوا على شخصيتك وكده تلاقيهم بيسالوكى يقولك ( اقرى القطعة ) اول كلمة فى وشك كده من غير اى كلام تانى وبعد ما تخلصى يقولك اوك متشكرين مع السلامة
دى اول واحدة سالتها عملتى اية كانت قاعدة معايا على التربيزة فى الكاففتريا
وكمان كان فى بنات لابسين بنطلونات وعملين شعرهم كيرلى ومعاهم راجل كده شكلة شغال هناك دخل قبلهم معرفش الله اعلم دخل عمل اية للجنة وطلع او قال اية وبعدين لاقينا البنتين دول وبكل استهتار وفى لبان فى بئهم داخلين الانترفيو يضحكوا واخر (......) مقدرش اقول غير كده عنهم . ودخلوا سوا يعنى بنتيت دخلوا انترفيو واحد مع بعض الله اعلم ازاى
وكمان حاجة ودى مهمة اوى
كان فى بنت هناك بصراحة يا جماعة مش عارفة اقولكم اية بالظبط كانت عبارة عن طول زيادة عن اللازم ووزن زيادة عن اللازم يعنى شكلها من الاخر لاتنفع ببصلة اوك بس معاها والدها لواء فى الجوية والحمد الله طلعت تقول لاصحابها نجحت وهعمل كشف طبى معرفش عرفت النتيجة فى يومها اززززززززااااى ..اوك واخدين بالكوا *_^
وكمان حاجة العن واضل
ان الجيب كل ما تكون اقصر كل ما تكون مدة الانترفيو اطوووووول
ودى المعلومة اللى مكنتش اعرفها بجد فى مصر للطيران واللى كنت فاهما غلط من المضيفات اللى هناك .
لان البنات اللى لابسهم عادى يعنى اللى هو المفروض المطلوب جيب سكيرت وشميز عادى ابيض وجاكت وكده كانت فرصتهم وحشة اوى
لكن البنات اللى كانوا ببلوزات مفتوحة من فوق اووى والللى الجيب بتاعهم مشمئز والله بكل صراحة كانوا بيقعدوا فى الانترفيو بتاع ربع ساعة
واخر حاجة عاوزاه اقولهلكم يا جماعة انى لسة معرفتش نتيجة الانترفيو بتاعى لانى مقروفة بصراحة اشتغل فى شركة كده وانا بأذن االله بعد اللى شفتوا هيعمل زى ( ياسمين) واقدم فى شركات اللى بتقبل المحجبات ^_^
ودى يمكن اكتر حاجة استفادها من اليوم ده يعنى انا لو عرفت انى قبلت
ان شا الله مش رايحة لا كشف طبى ولا بطيخ
ابقى خدينى معاكى يا (ياسمين) نقدم سوا فى الشركات السعودية واللى بتقبل محجبات ^_^
وانا اسفة لو طولت عليكم بس حبيت احكيلكم اللى حصل بالظبط
والله اعلم انى حكيت كل كلمة حقيقية
وش معنى كده ان الشركة وحشة بس الله اعلم يمكن انا رحت فى يوم غلط
او يمكن كان فى حاجة غريبة فى اليوم ده لانه بجد مكنش طبيعى وده مش رأيى لوحدى ده كذا بنت هناااك
وفرصة سعيدة للى مقدمين فى مصر للطيران
وتانى ميرؤسى لكل اللى سالوا عليا وحبوا يطمنوا عليا ^_^
و

[beautyflower]

ربنا معاكي يا سوري بس حاجه غريبه اوي يعني هما استفادوا ايه لما قريتي قدامهم و من غير ما يسألوكي اي حاجه ده زي ما يكونوا كانوا عايزين يخلصوا و خلاص و معندهمش وقت ربنا يستر بقى و الله فيه الخير يقدموا ربنا للجميع ان شاء الله

[{yasmeen}]

السلام عليكم سورى

اولا كل سنه وانتى طيبة ياجميل

ثانيا بصى تفسير اللى حصل ده واضح طبعااااا للكل

البنات اللى كانو رايحين شعرهم كيرلى ومش لابسين فورمال

والبنت اللى مش مناسبة لا طول ولا وزن دى

طبعـــــــــــــــــا واسطــــــــــــــــــــــة مش اكتر

حكاية اللى بيلبسو جيب قصير اكتر يعدو اكتر والكلام ده فى كل الشركاااات

مع انى سمعت قبل كدا ان فعلا مش باللبس والبنت لما تبقى متوسطة فى كل حاجة بيحترموها اكتر ... بس مدام كدا يبقى مش دايما

اللى بيقولو لهم اقرو القطعة على طول ومنغير ولا كلمة تانى دول من اول يدخلو من اول يعنى لما يشوفوهم بيبقو مش مقبولين بس طبعا مش هيقولولهم يلا امشى خلاص انتى مش مقبولة

فبيخلوها تقرأ القطعة على الاقل وخلاص عشان مش يحرجوها

بصى ياسورى زى مقولتى ياقمر ان شاء الله لما ينزل اعلان الخطوط السعودية هاخدك ونروح سوا نقدم

بتقبل محجبات وغيرمحجبات بردو وكمان اليونيفورم محتشم كتير عن الشركات التانية

والانترفيو بيكون بسيط وسهل ومش بيبصو للبس المفتوح لان اغلب اللى بيروحو محجبين وبيبقو لابسين بدله فورمال وحجاب

وربنا يسهل يااااااااااااارب

عموما بالتووووووفيق لجميع المتقدمات فى مصر للطيران وكل الشركات .. :)

[suri]

اقتباس:     المشاركة الأصلية كتبت بواسطة beautyflower  

ربنا معاكي يا سوري بس حاجه غريبه اوي يعني هما استفادوا ايه لما قريتي قدامهم و من غير ما يسألوكي اي حاجه ده زي ما يكونوا كانوا عايزين يخلصوا و خلاص و معندهمش وقت ربنا يستر بقى و الله فيه الخير يقدموا ربنا للجميع ان شاء الله

انا معاكى فى الرأى والله
وكمان انا كان فى ناس كتير اوى قايلين ليا ان مصر للطيران فيها واسطة وكده بس انا كنت عاوزة اخد فكرة عن الانترفيو بيكون ازاى وكدا
وبالتوووفيق للكل

[suri]

اقتباس:     المشاركة الأصلية كتبت بواسطة {yasmeen}  

السلام عليكم سورى

اولا كل سنه وانتى طيبة ياجميل

ثانيا بصى تفسير اللى حصل ده واضح طبعااااا للكل

البنات اللى كانو رايحين شعرهم كيرلى ومش لابسين فورمال

والبنت اللى مش مناسبة لا طول ولا وزن دى

طبعـــــــــــــــــا واسطــــــــــــــــــــــة مش اكتر

حكاية اللى بيلبسو جيب قصير اكتر يعدو اكتر والكلام ده فى كل الشركاااات

مع انى سمعت قبل كدا ان فعلا مش باللبس والبنت لما تبقى متوسطة فى كل حاجة بيحترموها اكتر ... بس مدام كدا يبقى مش دايما

اللى بيقولو لهم اقرو القطعة على طول ومنغير ولا كلمة تانى دول من اول يدخلو من اول يعنى لما يشوفوهم بيبقو مش مقبولين بس طبعا مش هيقولولهم يلا امشى خلاص انتى مش مقبولة

فبيخلوها تقرأ القطعة على الاقل وخلاص عشان مش يحرجوها

بصى ياسورى زى مقولتى ياقمر ان شاء الله لما ينزل اعلان الخطوط السعودية هاخدك ونروح سوا نقدم

بتقبل محجبات وغيرمحجبات بردو وكمان اليونيفورم محتشم كتير عن الشركات التانية

والانترفيو بيكون بسيط وسهل ومش بيبصو للبس المفتوح لان اغلب اللى بيروحو محجبين وبيبقو لابسين بدله فورمال وحجاب

وربنا يسهل يااااااااااااارب

عموما بالتووووووفيق لجميع المتقدمات فى مصر للطيران وكل الشركات .. :)

بصى يا ياسمين
انا سبحان الله زى ما يكون حصل كده علشان اغير وجهة نظرى وطباعى شوية
يعنى انا دلوقتى ان شا الله مش ناوية اقدم غير فى الشركات اللى بتقبل محجبات بس :ANSmile15:
علشان خلاص انا شلت من دماغى فكرة مصر للطيران دى خااالص
واى حاجة بنفس النظام اللى هو لازم جيب قصير فى الانترفيو ومعرفش اية واية
فربنا يسهل بقى ونبقى نقدم انا وانت مع بعض وان شا الله ربنا يوفقنا ويوفق الجميع

[shemoza]

معلش ياسوري، هو شكله يوم الاثنين كان يوم الواسطه لان انا اعرف ان الانترفيو بتكون يوم خميس. لكن ماتضايقيش نفسك كله خير ان شاء الله. بس هو البنتين الي قولتي عليهم دول يعني كان شكلهم ماينفعش خالص؟ و مع ذلك خدوهم؟ اصل انا برضه كان معايا بنات و كان معاهم ناس برضه تقريبا بيشتغلوا في المطار لكن انا ماعرفش اذا كانوا اتقبلوا و لا لاء، بس انا قعدت ادعي و انا داخله( اللهم اني اجعلك في قلوبهم) انا مش عارفه الدعاء ده سمعته فين قبل كده بس هو الجزء ده بس الي افتكرته منه لكن انا الي اعرفه انه احنا كنا حوالي 20 بنت برضه ما اتخدش منهم غير 4 بس لدرجة اني كنت فاقده الامل اني اتاخد لاني عارفه ان كل انترفيو بياخدو 4 بس. لكن انا واسطتي كانت ربنا و رفضت اي حد يكلم لي اي حد مع العلم ان خالي بيشتغل في المطار. و الجيب الي كنت لابساها ماكنتش قصيره قوي كانت لحد تحت الركبه و القميص كنت مدخلاه من جوه وماكنش مفتوح خالص. بس هو عموما فعلا دي حاجة غريبه ان يعملوا كده و انا متأكده ان ربنا شايلك حاجه احسن.

[Mai said]

hii y suriii
isa 5eer mat22lesh bas bardo mafhmtesh mn kalmk homa 3mlo m3ky kda bardo 5aloky t2ry w bas ..aslk bt7ky 3an el kol ma2oltesh 3mlo m3ky eh ta7dedn..

[المعتز]

اختي سوري وجميع الاخوات الكرام
كنا متفائلين من مصر للطيران بعد انظامهما للتحالف الدولي ستار الينيز
ان تنتهي فيها هذه الامور لكن يبدو انها مازالت موجودة
على العموم الشركة اولا واخيرا هيا المتضرر الاول من قبول البنات بالواسطة
كانت الواسطة والمحسوبيات في الماضي تتم تحت الطاولات وخلف الستار
اما الان فكما يقول المثل ( على عينك ياتاجر )
وفقكم الله جميعا ويسركم للخير وان شاء الله الجاي احسن

[PRINCESS OF FLYINGWAY]

اقتباس:     المشاركة الأصلية كتبت بواسطة المعتز  

اختي سوري وجميع الاخوات الكرام
كنا متفائلين من مصر للطيران بعد انظامهما للتحالف الدولي ستار الينيز
ان تنتهي فيها هذه الامور لكن يبدو انها مازالت موجودة

والله ياااحمد الواسطة موجوده ف كل مكان مش ف مصر وبس
ربنا يكتر الكوسة ف البلاد العربية كلها

[suri]

اقتباس:     المشاركة الأصلية كتبت بواسطة shemoza  

معلش ياسوري، هو شكله يوم الاثنين كان يوم الواسطه لان انا اعرف ان الانترفيو بتكون يوم خميس. لكن ماتضايقيش نفسك كله خير ان شاء الله. بس هو البنتين الي قولتي عليهم دول يعني كان شكلهم ماينفعش خالص؟ و مع ذلك خدوهم؟ اصل انا برضه كان معايا بنات و كان معاهم ناس برضه تقريبا بيشتغلوا في المطار لكن انا ماعرفش اذا كانوا اتقبلوا و لا لاء، بس انا قعدت ادعي و انا داخله( اللهم اني اجعلك في قلوبهم) انا مش عارفه الدعاء ده سمعته فين قبل كده بس هو الجزء ده بس الي افتكرته منه لكن انا الي اعرفه انه احنا كنا حوالي 20 بنت برضه ما اتخدش منهم غير 4 بس لدرجة اني كنت فاقده الامل اني اتاخد لاني عارفه ان كل انترفيو بياخدو 4 بس. لكن انا واسطتي كانت ربنا و رفضت اي حد يكلم لي اي حد مع العلم ان خالي بيشتغل في المطار. و الجيب الي كنت لابساها ماكنتش قصيره قوي كانت لحد تحت الركبه و القميص كنت مدخلاه من جوه وماكنش مفتوح خالص. بس هو عموما فعلا دي حاجة غريبه ان يعملوا كده و انا متأكده ان ربنا شايلك حاجه احسن.

بصى يا شيمو انا فهمت منهم هناك ومن مستر حسنى نفسة الكلام ده ان اليوم دااا غريب لان الانترفيو بيكون الخميس فعلا بس
اما انا كنت يوم الاتنين بس اقولك على حاجة احسن بردو لان الموضوع ده جة على حظى
يعنى انا دلوقتى ان شا الله مش ناوية اقدم غير فى شركات للمحجبات بس مع احترامى لكل الشركات ولكل المتقدمين اى كانوا محجبين او لاء بس انا خلاص دى بقت وجهة نظرى
ويا شيمو والله البنت اللى حجكتلك عنها الللى مش فيها اى مواصفات دى نجحت وطلعت قالت لبابها واصحابها كده لانى كنت قاعدة فى التربيزة اللى قدامها عالطول حتى انا وقتها ضحكت بينى وبين نفسى على المنظر
بس ماعلينا المهم ربنا معاكى ويوفئك
وطبعا انا متاكدة ان ربنا شايلى الاحسن لانى استفدت جامد من الموضوع ده
ولو اية باللذى انا مش هقدم فى مصر للطيران دى

[suri]

اقتباس:     المشاركة الأصلية كتبت بواسطة Mai said  

hii y suriii
isa 5eer mat22lesh bas bardo mafhmtesh mn kalmk homa 3mlo m3ky kda bardo 5aloky t2ry w bas ..aslk bt7ky 3an el kol ma2oltesh 3mlo m3ky eh ta7dedn..

ازيك يا مى
يابنتى انا كنت من الناس اللى اتسالت الاسئلة العادية يعنى كام سوال تافه كده مع البرجراف
وكان فى واحد هناك اول ما دخلت قعد يقولى ازيك وكده ورديت علية عادى بس بصراحة كان باين عليا الغباء لانى كان محروق دمى ومكنتش عاوزة ادخل اصلا انترفيو بعد اللى شفتوا
وبعدين قريت القطعة السهلة المملة اللى من رأيى متنفعش انها تحدد مستوى اى جاهل فى الانجلش لانها كانت باينة اوى انهم طبخنها سوا
وكمان عاوزة اقولك على حاجة هما كتير فى الانترفيو فحاولى تبينى انك عادى لانك لما تبينهلم الاهتمام اوى بيحسوا انك مرتبكة
اهم حاجة تكونى طبيعية ده اللى اقدر افيدك بها
ونصيحة متروحيش انترفيو يوم انتين :iconloli:
اوك

[suri]

اقتباس:     المشاركة الأصلية كتبت بواسطة المعتز  

اختي سوري وجميع الاخوات الكرام
كنا متفائلين من مصر للطيران بعد انظامهما للتحالف الدولي ستار الينيز
ان تنتهي فيها هذه الامور لكن يبدو انها مازالت موجودة
على العموم الشركة اولا واخيرا هيا المتضرر الاول من قبول البنات بالواسطة
كانت الواسطة والمحسوبيات في الماضي تتم تحت الطاولات وخلف الستار
اما الان فكما يقول المثل ( على عينك ياتاجر )
وفقكم الله جميعا ويسركم للخير وان شاء الله الجاي احسن

لالالالا متفاااائلين اية بس يا معتز بقولك البنات دخلين الانترفيو باللبان فى بوئهم تقولى متفائلين
ده نظااااااااام اسووود:iconloli:
ميتقلش غير كده
وكمان بصراحة هيا دى ايجبت فعااادى بقى
وميرسى ليك ^^

[suri]

اقتباس:     المشاركة الأصلية كتبت بواسطة PRINCESS OF FLYINGWAY  

والله ياااحمد الواسطة موجوده ف كل مكان مش ف مصر وبس
ربنا يكتر الكوسة ف البلاد العربية كلها

معاكى حق فعلا ان الواسطة موجودة فى كل مكان بس معلشى عاوزة اعرف حاجة هوا لما فى واسطة ليييييييه تعبين الناس معاهم وعاملين اعلان فى الجرايد وعارفين ان فى ناس بتعانى لحد ما تجى المشوار ده يبقى لية ماكانوا اخدوهم وخلاص ومية مية على كده
بس احب اقولك ان اللجنة الللى انا شفتها دى قابضين مبالغ جامدة لان كل اللى كانوا بيعملوة ده انترفيو سورى كده يعنى شكلى بس
اما الورقة اللى كانت مكتوب فيها الاسامى واقسم بالله كان فيها علامات زارقة كده على اسامى شوية بنات
بس متهيالى كده وضحت اوى
وربنا معا الجميع
ومعرفش اقول اية على الواسطة :iconloli:

[Mai said]

surii
tab ma2alolkesh 3mlty eh fel exam wala el oral.w eh no3 el asl2a elly sa2lholak

[Mai said]

tab 7osny ma2lkesh 7ga 3la el wazn y surii ..w eh el 3amlat dy elly fel war2aa

[beautyflower]

ana bardo 3yza a3raf 3amlo eh m3ako fe el wazn yomeha y3ni el over weight 3amalo fe eh

[suri]

اقتباس:     المشاركة الأصلية كتبت بواسطة Mai said  

tab 7osny ma2lkesh 7ga 3la el wazn y surii ..w eh el 3amlat dy elly fel war2aa

بصى يا مى هو الاسئلة زى اسمك اية ؟
حبيتى تكون مضيفة لية ؟
والله ما فاكرة اية تانى لانى مكنتش مركزة
اما العلامات اللى فى الورق دى كان فى واحدة اتعرفت علييها هناك فى الكافتريا البنت دى انا وهيا كنا رايحين سوا نستنى ندخل الانترفيو
وبعدين مستر حسنى كان كويس جدا فى التعامل معانا فالبنت دى جاية بتبص فى الورقة اللى فيها الاسامى عشان تعرف نتيجتها ف الانجلش
فلاحظنا ان وشة اتقلب بمعنى اصح :iconloli:
يعنى اضايق كده وقالها لا لا محدش بيص على الورق وكده
والورقة دى نفسها كانت مع اللجنة جوة
فالبنت دى بتقولى ان الورقة فى اسامى كانت متعلم عليها بالازرق وفعلا والله انا شفتها بس من بعيد هيا شفتها وقالتلى انا وبنت كمان انها سمعت ان البنات اللى هيتقبلوا بيبقوا معروفين من الاول ودافعين فلوس وكده ... بس طبعا مش بيقولوا كده قدام اى حد نهائى لان غلط انهم يقولوا كده
وان كللللللل ده بيبقى منظر بس
فهمتى بقى
والله اعلم هل كل انترفيو بيبقى كده ولا اليوم الغريب اللى انا كنت فيه بس يا مى
فحاولى نصيحة منى تروحى فى يوم الخميس الانترفيو بتاعك لان يوم الاتنين ده كاااااااان غرييييييييييييييييييييييب
يارب اكون افدتك

[suri]

اقتباس:     المشاركة الأصلية كتبت بواسطة beautyflower  

ana bardo 3yza a3raf 3amlo eh m3ako fe el wazn yomeha y3ni el over weight 3amalo fe eh

بصى يا بيوتى انا لما رحت لاقيت نفسى 60 كيلو بس لانى نزلت شوية فى الكام يوم دول اوك
بس على فكرة هما بيزودوا كيلو على كل واحدة يعنى لو انتى 60 يكتبوا فى الورق 61 معرفش لية بصراحة:poster_nospam:
وهما لو انتى وزن زيادة بيقولوك تعالى عيدى انترفيو بعد فترة و خسى وبيدوكى مدة تانية فهمتى بقى
بس على فكرة كان فية بنات هنااك اووووووووووووفر وايت جداااا ومعرفش قبلوا ازاى :iconloli::poster_nospam:
ولو عاوزة تعرفى حاجة قولى

[PRINCESS OF FLYINGWAY]

اقتباس:     المشاركة الأصلية كتبت بواسطة suri  

معاكى حق فعلا ان الواسطة موجودة فى كل مكان بس معلشى عاوزة اعرف حاجة هوا لما فى واسطة ليييييييه تعبين الناس معاهم وعاملين اعلان فى الجرايد وعارفين ان فى ناس بتعانى لحد ما تجى المشوار ده يبقى لية ماكانوا اخدوهم وخلاص ومية مية على كده
بس احب اقولك ان اللجنة الللى انا شفتها دى قابضين مبالغ جامدة لان كل اللى كانوا بيعملوة ده انترفيو سورى كده يعنى شكلى بس
اما الورقة اللى كانت مكتوب فيها الاسامى واقسم بالله كان فيها علامات زارقة كده على اسامى شوية بنات
بس متهيالى كده وضحت اوى
وربنا معا الجميع
ومعرفش اقول اية على الواسطة :iconloli:

[suri]

أأأية يا جمااعة هو مفيش اى بنت تانى راحت انترفيو تبع مصر للطيران ^_*
ولا اية اللى حصل انا حاسة ان محدش خالص قال اى حاجة لحد دلوقتى
وشيمو عملتى اية فى الكشف الطبى ابقى طمنينا عليكى ؟؟
وانتى يا مى عملتى اية ؟

[monna]

السلام عليكم ... بليز يا جماعه لو حد عمل الانترفيو فى مصر للطيران اللى كان تبع الاعلانات الاخيره يقول حصل ايه ؟؟؟ ... وكمان يا ريت لو حد قبل وعارف المده بين القبول فى الانترفيو والكشف الطبى اد ايه يفيدنا .... لأن بصراحه مافيش حاجه واضحه لحد دلوقتى ، زى مايكون اللى بيقبلوا بيختفوا ... وكمان إحنا مش عارفين هما عايزين كام واحده ... بيقولوا فى 30 طياره جديده جايه ، والطياره بتكون محتاجه 13 مضيفه مثلا ، بس فى الاخر الحسبه بتاعة 350 مضيفه مثلا .... واللى مقدمين كتييييييييير اوى ، الوفات يعنى ربنا يزيد ويبارك .... فأى مساعده بليز