Centennial Flight Centre

Abu Bakr · 03-05-2009, 06:33 PM

بسم الله الرحمن الرحيم
الحمد لله والصلاة والسلام على رسول سيدنا محمد عليه أفضل الصلاة والتسليم
******
أما بعد إخواني وأخواتي الأعضاء والزوار في هذا المنتدى الغالي ، سلام الله عليكم ورحمته وبركاته
أحب أطرح لكم تقرير عن مدرسة طيران بكندا
والتي تقع بمدينة أدمنتون والتي تعد عاصمة مقاطعة البرتا
في الحقيقة أنا وصديقي أحمد الحمدان
(المشرف قسم الأكاديميات god,s lion) راسلنا كثير كليات طيران بكندا وكل كلية كانت لها مميزات وعيوب
وأخوانا أحمد الله يعطيه العافية وضع لنا برنامج عن تلك الكليات وهذا البرنامج تجدونه في المواضيع المثبتة لهذا القسم
بس الحمد لله استقرينا على هذه الكلية

Centennial Flight Centre

الموقع الرسمي للمدرسة :

https://www.centennial.ca/

الذي يدرس بهذه المدرسة أخونا وضاح النهار . الأخ وضاح النهار وضع بعض المعلومات حول الكلية هذه بس أنا حبيت أني أتوسع بالمعلومات أكثر من ناحية الأسعار وكيفية الإلتحاق وبعض شروط الكلية ويمكن يكون موضوعي فكرته مكرره ولكن أحببت أن أضيف معلومات كانت ناقصة بموضوع الأخ وضاح النهار
وتفضلو الرابط لموضوع الأخ وضاح النهار
كندا تفتح ابوابها لكم و الحلم اصبح حقيقه

وبفضل الله تعالى قمت أنا بمراسلة الكلية وأخذت منهم تفاصيل دقيقة حول الدراسة فيها وأسعار الرخص

ومعلومات عامة حول السكن وكيفية دفع التكاليف
وكيفية الإلتحاق بالكلية .. وها أنا ذا أضع لكم التفاصيل الي يحتاجها كل طالب طيران
وسوف أبدآ أولآ بتعريف حول المدينة أدمنتون مع صور للمدرسة :
*******
مدينة أدمنتون
هي عاصمة المقاطعة البرتا كما عرفناها سابقآ .. حيث تتمع مقاطعة البرتا من أدنى المعدلات من تكاليف المعيشة عن باقي المقاطعات الكندية وبإنخفاض الضرائب فيها وسهولة البحث عن العمل للطلاب .
كما يبلغ عدد سكان مدينة أدمنتون 700000 نسمة

صورتين للمدرسة :

*****

بإمكانك أن تشاهد كل الصور عند زيارة موقعهم

الإلكتروني

والآن سوف ندخل بالتفاصيل والأشياء المهمة

Abu Bakr · 03-05-2009, 06:46 PM

والآن يا شباب نبدآ بأهم نقطة بكل الموضوع وهي الأسعار الرخص والتكاليف الإجمالية ..

أولا : رخصة الطيار الخاص PPL
من شروط الكلية التي فرضتها على الطالب للحصول على الرخصة الخاصة ما يلي :

1- ) أن لا تقل عن 17 سنة من العمر.
2-) أن تكون حاصل على الشهادة الطبية من الفئة الثالثة
3-) أن تكون مواطن كندي الأصل أو تكون من أحد المهاجرين . أو تكون طالب ويكون توجدك بكندا بصورة قانوينة وأهم من كل هذا هو : أن تتقن الإنجليزية جيدآ لأن الدراسة سوف تكون بالإنجليزيط

سعر الرخصة الخاصة الإجمالية هي : 7930 دولار مقسمة على النحو التالي :
مجموع الساعات للطيران الفعلي هي
45 ساعة منهــا :
30 ساعة مع المدرب على الطائرة
Cessna 172
(سعر 30 ساعة مع مدرب 5160 دولار)

15 ساعة طيران فعلي لوحدك أيضآ على الطائرة
Cessna 172
(سعر 15 ساعة لوحدك 1785 دولار)

أما عن الدراسة الأرضية ( Ground School)
فهي تشمل 60 ساعة
(وسعرها هذه 60 ساعة 325 دولار)

لاوزم وأدوات الطالب 250 دولار
رسوم إختبار الطيران 250 دولار
رسوم إختبار التحريري (الكتابة يعني ) 105 دولار
رسوم الترخيص 55 دولار

وهيك بيكون السعر مثل ما قلت الإجمالي 7930 دولار
لـ 45 ساعة طيران فعلي موضحة بالأعلى ..
وهلآ نقدر نقول عليك مبروك عليك الرخصة الخاصة

وطبعآ بعد الرخصة الخاصة في عنا الرخصة التجارية
(CPL) الشروط التي يجب توافرها بالطالب قبل أن يدرس هذه الرخصة :
1-) إتقان اللغة الإنجليزية
2-) أن تكون حاصل على الرخصة الخاصة
3-) أن تكون حاصل على الشهادة الطبية من الدرجة الأولى
4-) أن تكون حاصل على شهادة الثانوية أو ما يعادلها
5-) أن لا يقل عمر الطالب عن 18 سنة

طبعآ يا شباب هذه الشروط المعروفة للراغبين في الحصول على الرخصة التجارية سواء في الكلية التي أتحدث عنها أو أي كلية طيران بالعالم

وهلآ صار وقت الأسعار التفصيلية
سعر الرخصة التجارية الإجمالية : 17407 دولار
هذا السعر ينقصم إلى :
ساعة مع مدرب على الطائرة Cessna 172
سعرها 6020 $
30 ساعة منفرد على الطائرة Cessna 172
سعرها 3570$
105 ساعة دراسة أرضية (Ground School
سعرها 450 $
رسوم إختبار الطيران Flight Test Fee
سعرها 250$
رسوم إختبار التحريري (الكتابي )
سعرها 105 $
رسوم الترخيص Licencing Fee
سعرها 110 $

هيك بيكون المجموع السعر هو 10505 $ لـ 65 ساعة طيران فعلي
((( إنتباه : 65 ساعة بالسعر 10505$)))

أضف إلى ذلك هناك ساعات أخرى منفردة 58 ساعة
على الطائرة Cessna 152
سعرها 6902 $ ولا بد من إنك تاخذ هذه الساعات كلها وتكمل إلى 200 ساعة لكي تستطيع أن تقدم الإختبار لهذه الرخصة ومن ثم يعطونك الترخيص
وهيك بيكون السعر الإجمالي للرخصة CPL
17407 $

ملاحظة مهمة :
طبعآ هلآ أنت لازم تجمع عدد ساعات أكثر من يلي قلت لكم عليه وكن علم أن معظم الكليات تعطيك هذا البرنامج وأنت لازم تجمع الساعات الي بدك ياها يعني لكل طالب عدد ساعات مختلفة عن الثاني يعني على حسب كل خطوط بلده شو تطلب . يعني السعر رح يزداد عليك على حسب كل طالب بالساعات يلي بدو يحصل عليها
وسوف أضع لكم الأجارات لكل من الطائرات والمدربين بالساعة في نهاية التقرير ..

Abu Bakr · 03-05-2009, 06:48 PM

وهلآ بعد الرخصة الخاصة والتجارية (ppl-cpl) في عنا رخصة الملتي إنجن (محركين )
Multi-engine
السعر الإجمالي لهذه الرخصة 3203 $ دولار مقسمة على النحو التالــي :

3 ساعات سيموليتر مع مدرب (طيران تشبيهي )
simulator dual
سعرها 294 $

8 ساعات بيبر سينيكا
Piper Seneca (هذا اسم طائرة ضمن الإسطول)
سعرها 2464 $

3 ساعات دراسة ارضية
ground school
سعرها 165 $

سوم اختبار الطيران
Flight Test Fee
سعرها 250$

رسوم الترخيص
Licencing Fee
سعرها 30$

وهيك منقول لك مبروك عليك الرخصة الملتي إنجن

وهلآ في عنا آخر رخصة ضمن برنامج الكلية وهي رخصة :
رخصة العدادات IR
Instrument rating

شروط هذه الرخصة ما يلي :
1-)أن تكون حاصل على الرخصة التجارية (cpl)
2-) أن يكون لديك 50 ساعة طيران مقسمة على
cross-country pilot-in-command
3-) ويكون معاك رخصة الملتي إنجن

هلأ خلينا نروح للأسعار
(( يالله تعالو معي بس لا تعملو زحمة سير ))

السعر الإجمالي للرخصة :
8980 $ مقسمة على النحو التالي :

20ساعة سيموليتر مع مدرب
سعرها 1960$

20ساعات بير سكينا مع مدرب
سعرها 6160$

الكتب والأدوات المستخدمة
سعرها 100$

الدراسة الأرضية
سعرها 450 $

رسوم الترخيص مع إختبار الطيران سوا
280$

رسوم الإختبار التحريري (الكتابي يعني )
30$

وهـــيك يا شبـــاب بيـكون إجمالي ســعر الرخص يلي تكلمت عنها :
37,520 $

آجار المدربين والطائرات بالساعة الواحدة :

أولآ : أجار الطائرات :

Cessna 152 سعرها 104 $

Cesnna 172 سعرها 119 $

ATC 810 Simulator (dual only سعرها 98 $

Piper Seneca I سعرها 253$

Piper Arrow سعرها 168 $

ثانيآ : أجار المدربين :

Instructor (Private سعره 53 $

Instructor (Commercial سعره 53$

Instructor (Advanced سعره 55 $

ملاحظات مهمة :

أولآ : الأسعار طبعآ للرخص والأجارات بالدولار الكندي . والأسعار قابلة للتغير دون إنذار مسبق
وأيضآ هذه الأسعار متضمنة الضرائب ولكن يجب عليك أن تضيف 7% من سعر الوقود لكل ساعة واحدة يعني 4 دولار زيادة لكل ساعة

ثانيآ :
أما بخصوص رخصة (ATPL) فا للأسف هذه الرخصة غير موجودة من ضمن الرخص .. ولكن أنا إستفسرت عنها وقالو لي بإمكانك شراء مواد الرخصة و الحصول على المساعدة من قبل المدربين ..
يعني بإمكانك إنك تدرس Frozen ATPL ورح يساعدوك المدربين إن شاء الله ومافي خوف من أجل هذه النقطة بإذن الله تعالى

ثالثآ :
في بعض الأعضاء ما يعرفو شو معنى :
cross-country pilot-in-command

فا المعنى يا شباب أن cross-country
تعني رحلة من مطار إلى مطار آخر . لأنو أو تدريبك بالمدرسة الطيران بتأقلع من مطار وبتاخذ لك دروة بالجو وتهبط بنفس المطار يلي أقلعت منو . بس كروس كانتري مثل ما قلت إنو تأقلع من مطار وتهبط بمطار آآآخر يعني غير المطار يلي أقلعت منو

و العبارة pilot-in-command
تعني : إنك تكون المسؤل الأول والأخير عن الطائرة يعني بتكون أنت قائدها وقبل الإقلاع لازم تلقي نظرة على الطائرة وتتأكد من سلامتها ..

رابعآ : بخصوص رخصة العدادات فا هي لها اسمين بس ما في اختلاف بين الإسمين
الإسم المتعارف عليه هو :
Instrument rating
والإختصار حيكون IR

وفي إسم ثانية وهو المذكور في موقع المدرسة يلي أنا بتكلم عنها وهو :
Instrument Flight Rules
والإختصار حيكون IFR

Abu Bakr · 11:07 PM

كيفية الإلتحاق بالكلية :

إن شاء الله تعالى إذ اعتمدت على الكلية هي أو أي كلية أخرى الكلية رح ترسل لك على الإيميل أبليكيشن و لازم من أجل أن تأخذ ورقة قبول من عندهم أن تقوم بإرسال أبليكشن تكتب فيه معلوماتك وبعدها الكلية رح تقلك كيف ترسل المبلغ وعلى أي بنك تتعامل معاه والمبلغ وهو 2000$ قيمة القبول . هذا المبلغ طبعآ رح يروح جزء منه للقبول ورح يكون باقي جزء من المبلغ يروح ثمن التدريب ولما المبلغ يلخص لازم تأودع مبالغ أخرى لكي تقدر تكمل باقي الرخص وكن على علم أن أقل مبلغ لازم يكون معاك بحسابك الشخصي في البنك بكندا هو 1500 دولار وهيك أظن الفكرة واضحة تمام

طبعآ رح يكون الدفع كل درس بدرسه يعني مافي داعي إنك تدفع كل التكاليف عليك ..

بخصوص السكن :
الطالب فور وصوله إن شاء الله تعالى إلى أدمنتون سوف تساعدك الكلية بالبحث عن سكن مناسب . وكما قالو لي الكلية أن أجار السكن هناك يبدآ من 600 دولار بالشهر إلى 800 دولار غير شامل الأكل والأثاث ..
بس طبعآ رح يكون فيه سكن خاص للطلاب والكلية سوف تعطيك المعلومات الكافية حول هذا الموضوع .
وطبعآ السعر رح يختلف إذا كان معاك زميل بالشقة ورح تقل التكلفة عليك

التاريخ المناسب للدراسة :

على حسب ماقالو لي المدرسة إنو أفضل وقت للدراسة هي بشهر مارش (الشهر الثالث من السنة الميلادية )
لأنو بهذا الوقت بيكون فصل الصيف بكندا على ما أعتقد
ولو إنك تقدر تباشر بالدراسة فور وصولك للمدرسة مباشرة بس أنا أقول الأفضل من ناحية الجو

هذا والحمد لله رب العالمين الذي وفقني وتم نشر الموضوع ..
كما أتمنى أن كل واحد فينا يستفيد من هذا التقرير وكما أوجه شكري وامتناني لأخي وحبيب قلبي أحمد الحمدان المشرف الحالي الذي ساعدني في إنشاء هذا الموضوع
مع تحياتي لكم جميعآ
أبوبكر

عاشق الطيارات · 03-05-2009, 07:10 PM

جزاااااااك الله الف الف الف خير اخي ابوك بكر واخي أحمد ( god,s lion ) على هذه المعلومات والتقرير الراااااااااائع جداً جداً .....واللله يسهلل اموركم وامور الجميع ويوفقكم يارب....شكراً لكم ....

wadahnahar · 03-05-2009, 07:40 PM

يسلم لسانكم ياشباب والله ريحتوني تمام هذا يلي بيصير الله يوفقكم و اي استفسار انا حاضر

Cpt.Ahmad · 03-05-2009, 09:11 PM

بكر جزاك الله الف خير واشهد بلله انك كفوووو وتستاهل كل خير ياطيب .
ملاحظه صغيره بعد يذن حضرتك كندا وامريكا بلدين كبااار كتير وفي ولايات كتير وفيهم اكاديميات طيران كتير بحيث انو بكندا فيها تقريبا بحدود ال 500 اكاديمية وبامريكا ايضا بحدود ال600 طبعا هدول فقط الاكاديميات يلي يلهم ويب سايت على النت لذلك الخيارات كتيره فبلنسبة لالبرتا ماحد بروح يلها غير يلي حابب يطول بدراسة الطيران بحيث انو جوها قاسي بلشتاء وفي كتير رحلات طيران تلغى وفي ولايات تاني الجو فيها معتدل طول السنه فأنا يمكن البرتا تناسبني وغيره ماتناسبه يناسبه ولاية تاني لذلك ارجو عند الاستفسار عن الاكاديميات بكندا اوامريكا يقول الشخص المده يلي حابب يدرس فيها الطيران وكم حاطط انو يدفع للسكن وغيره . .
مره تااااااني مشكور بكر وجزاك الله خير وحاضرين للاستفسارات ان شاء الله .
تحياتي .

Cpt.Mohammed · 03-05-2009, 10:15 PM

ما شاء الله حكمة منقطعة النظير و جهد تشكر عليه أبوبكر ... الله يوفقك بس قولي هتطلع أمتى , و كام واحد من الأصدقاء هيطلع ... عشان لو كدا ... نطلع كلنا مع بعض ونسكن في سكن واحد .....

Abu Bakr · 03-05-2009, 10:51 PM

اقتباس: المشاركة الأصلية كتبت بواسطة عاشق الطيارات

جزاااااااك الله الف الف الف خير اخي ابوك بكر واخي أحمد ( god,s lion ) على هذه المعلومات والتقرير الراااااااااائع جداً جداً .....واللله يسهلل اموركم وامور الجميع ويوفقكم يارب....شكراً لكم ....

أهلآ أهلآ أخي عاشق أخبارك يا الغالي
الله يخليك يارب وشكرآ على كلامك العسل وهذا واجبنا إنو نقدم ماهو جديد لدينا من مدارس طيران و معلومات أفضل ..
وتحياتي لك عزيزي

Abu Bakr · 03-05-2009, 10:53 PM

اقتباس: المشاركة الأصلية كتبت بواسطة wadahnahar

يسلم لسانكم ياشباب والله ريحتوني تمام هذا يلي بيصير الله يوفقكم و اي استفسار انا حاضر

أهلآ بيك أخي وضاح وأشكرك على مرورك للموضوع وهمتك في المساعدة .. أنا بإذن الله سأقوم بما عندي من معلومات وكمان صاحبي أحمد وإذا شي ما عرفناه رح نسألك وأشكر مرة اخرى

Abu Bakr · 03-05-2009, 10:57 PM

اقتباس: المشاركة الأصلية كتبت بواسطة god,s lion

بكر جزاك الله الف خير واشهد بلله انك كفوووو وتستاهل كل خير ياطيب .
ملاحظه صغيره بعد يذن حضرتك كندا وامريكا بلدين كبااار كتير وفي ولايات كتير وفيهم اكاديميات طيران كتير بحيث انو بكندا فيها تقريبا بحدود ال 500 اكاديمية وبامريكا ايضا بحدود ال600 طبعا هدول فقط الاكاديميات يلي يلهم ويب سايت على النت لذلك الخيارات كتيره فبلنسبة لالبرتا ماحد بروح يلها غير يلي حابب يطول بدراسة الطيران بحيث انو جوها قاسي بلشتاء وفي كتير رحلات طيران تلغى وفي ولايات تاني الجو فيها معتدل طول السنه فأنا يمكن البرتا تناسبني وغيره ماتناسبه يناسبه ولاية تاني لذلك ارجو عند الاستفسار عن الاكاديميات بكندا اوامريكا يقول الشخص المده يلي حابب يدرس فيها الطيران وكم حاطط انو يدفع للسكن وغيره . .
مره تااااااني مشكور بكر وجزاك الله خير وحاضرين للاستفسارات ان شاء الله .
تحياتي .

أولآ : أشكرك جزيل الشكر يا أحمد على مساعدتك لي في الموضوع ..
ثانيآ : الموضوع موضوعك تقدر تقول شو مابدك وعلى راحتك أخي أحمد ولو إنت من جماعة الـ aviation
ثالثآ : كلامك صحيح أحمد عما قلته بشأن البرتا والدراسة القاصية فيها من ناحية الجو بس مثل ما قلت لكم المدرسة قالت لي إنو أفضل وقت للدراسة هو في شهر مارش لأنو بهذاك الوقت بيكون عندهم فصل الصيف ونقدر نباشر الطيران بكل سهولة
مجددآ أشكرك أخي أحمد وتقبل تحياتي

Abu Bakr · 03-05-2009, 11:03 PM

اقتباس: المشاركة الأصلية كتبت بواسطة Cpt.Mohammed

ما شاء الله حكمة منقطعة النظير و جهد تشكر عليه أبوبكر ... الله يوفقك بس قولي هتطلع أمتى , و كام واحد من الأصدقاء هيطلع ... عشان لو كدا ... نطلع كلنا مع بعض ونسكن في سكن واحد .....

أنت مو قلت إنك رح تروح على الفلبين ؟؟
والله يا أخ محمد بخصوص سفري لكندا فا مابعرف تحديدآ متى بسافر لأنو لسا ما قدمت للفيزا وغير هيك حصلت لي ظروف خاصة أخرت سفرتي بس إن شاء الله مسافر وكلو خير . أنا بإذن الله طالع مع صاحبي أحمد الحمدان يعني بإذن الله رح نكون بكلية وحدة وسكن واحد وما في أحد ثاني جاي معنا على كندا لحد الآن وإذا بدك تجي معنا حياك الله ..
وتقبل تحياتي أخ محمد

المعتزبالله · 04-05-2009, 12:45 AM

كل الشكر والتقدير والاحترام للجميع الكباتن ابوبكر والاخ احمد الحمدان على هالتقرير المميزجدا جدا والرائع بكل ماتعنيه من كلمه ....لايسعني الا ان اقول لك كابتن الله يوفقنا جميعا..... بس كابتن كيف المناخ في المنطقه هذي وكم مده الدراسه بشكل متوسط!!!

اخي وحبيب قلبي ابو بكر لك كل التقدير والاحترم مره اخره

تقبل موتي اخي

Abu Bakr · 04-05-2009, 01:17 AM

اقتباس: المشاركة الأصلية كتبت بواسطة المعتزبالله

كل الشكر والتقدير والاحترام للجميع الكباتن ابوبكر والاخ احمد الحمدان على هالتقرير المميزجدا جدا والرائع بكل ماتعنيه من كلمه ....لايسعني الا ان اقول لك كابتن الله يوفقنا جميعا..... بس كابتن كيف المناخ في المنطقه هذي وكم مده الدراسه بشكل متوسط!!!

اخي وحبيب قلبي ابو بكر لك كل التقدير والاحترم مره اخره

تقبل موتي اخي

عثمان رد على موضوعي !!
يا أهلآ بيك و مرحبا وغلا ونورت الموضوع ومشكور على كلامك الجميل أخي عثمان وهذا واجبنا وما عملنا شي ولو ..

بالنسبة لأسئلتك أخي عثمان فا المناخ هناك بصراحة بارد كثير يعني أنا على حسب ما سمعت إنو أحيانآ توصل درجة الحرارة 40 تحت الصفر والأجواء دائمآ باردة وأنا اجتمعت مع صديق أبي أصله سوري ولكن متجنس كندي وقال عن البرتا إنها مناخها قاسي بالبرد صراحة و الناس فيها قليل بسبب المناخ القاسي بس مع ذلك فرص العمل بالبرتا متوفرة بمقارنة بالمقاطعات الكندية الأخرى . وغير هيك الضرائب فيها تعد من أرخص المقاطعات يعني سبل العيش سهلة بس المناخ هو السبب الوحيد وهذا طبعآ رح يكون عائق على التدريب فقال لي المسؤال في الكلية إنو أفضل وقت للتدريب هو في شهر مارش لأنو بيكون فصل الصيف هناك ..
أخي عثمان راجع الرابط التالي وشوف الصور للجبال المدينة كيف وانت رح تعرف المناخ الأصلي

https://www.centennial.ca/photos/Out%...den/index.html

وفي صور أخى وكثيرة بالموقع أتمنى لو تشوفها

أما بالنسبة لمدة الدراسة فا على حسب ما قالو لي الكلية إنو في طلاب بيتخرجو بسنة وحدة فقط بس معظم الطلاب بيحتاجو وقت أكثر من هيك ونصحوني إذا بدي إجي على كندا للدراسة إنو تكون الفيزا مدتها 18 شهر من شان تكفي معاك فترة الدراسة . وطبعآ كل ما كان الطالب عنده خبرة بالطيران كل ما كان الفترة أقل .

أتمنى أن تكون العلومة وصلت أخي عثمان وإذا في أسئلة ثانية أنا حاضر
وتحياتي لكم

Capt-Abdullah · 04-05-2009, 01:41 AM

ماشاء تقرير رائع شكرا لكما
وبالتوفيق للجميع

تحياتي

alking911 · 04-05-2009, 01:59 AM

ماشاء الله تبارك الرحمن .....

تقرير رائع من شخص اروع ........

كل الشكر والتقدير ع هذا المجهود اخي ابو بكر

واتمنى التوفيق للجميع في دراسهـ الطيران وغيرها......

واتمنى ان تقبل احر تحياتي لك اخي الكريم

Cpt.Mohammed · 04-05-2009, 02:21 AM

تحية طيبة لك يا أبو بكر .... انت عارف ان الدنيا متقلبة , فما بالك بتفكير الأنسان , سريع التقلب ...

انا زودت على المبلغ الى كان معايا كتييييير .. يعني أقدر ادرس في أمريكا او كندا وانا مستريح .. طبعا كأكتساب لغة وخبرات أكتر من الفلبين ... والحمدلله المادة زادت وهتغطي التكاليف بعون الله .....

جزاك الله كل خير أخي أبوبكر ...

Abu Bakr · 04-05-2009, 12:59 PM

اقتباس: المشاركة الأصلية كتبت بواسطة Capt-Abdullah

ماشاء تقرير رائع شكرا لكما
وبالتوفيق للجميع

تحياتي

يا أهلآ بيك أخي عبدالله وشكر على مرورك الطيب .

اقتباس: المشاركة الأصلية كتبت بواسطة alking911

ماشاء الله تبارك الرحمن .....

تقرير رائع من شخص اروع ........

كل الشكر والتقدير ع هذا المجهود اخي ابو بكر

واتمنى التوفيق للجميع في دراسهـ الطيران وغيرها......

واتمنى ان تقبل احر تحياتي لك اخي الكريم

أشكرك أخي على كلامك الجميل هذا من ذوقك وأصلك .
وأسعدني مرورك . أخوك أبوبكر

Abu Bakr · 04-05-2009, 01:01 PM

اقتباس: المشاركة الأصلية كتبت بواسطة Cpt.Mohammed

تحية طيبة لك يا أبو بكر .... انت عارف ان الدنيا متقلبة , فما بالك بتفكير الأنسان , سريع التقلب ...

انا زودت على المبلغ الى كان معايا كتييييير .. يعني أقدر ادرس في أمريكا او كندا وانا مستريح .. طبعا كأكتساب لغة وخبرات أكتر من الفلبين ... والحمدلله المادة زادت وهتغطي التكاليف بعون الله .....

جزاك الله كل خير أخي أبوبكر ...

يا سيدي الله يكتب لك الخير في الدين والدنيا والأخرة .
وطبعآ كندا وأميكا تعد أفضل البلدان في الطيران
أسعدني تفاعلك بالموضوع أخ محمد ولك كل الشكر
أخوك أبوبكر

Horizon Raider · 04-05-2009, 01:46 PM

يعطيك الف عافية اخي أبوبكر
تقرير رائع

Abu Bakr · 05-05-2009, 01:57 PM

اقتباس: المشاركة الأصلية كتبت بواسطة Horizon Raider

يعطيك الف عافية اخي أبوبكر

تقرير رائع

الله يعافيك أخي الكريم وشكرآ على مرورك

wld-aldoha · 06-05-2009, 12:41 AM

جزاك الله خير اخوي على هالمعلومة الرووعة

اخوي الاسعار اللي انت حاطة بالدولار الكندي

فكم راح يكون الاسعار بالدولار الامريكي ؟؟

Abu Bakr · 06-05-2009, 01:36 PM

اقتباس: المشاركة الأصلية كتبت بواسطة wld-aldoha

جزاك الله خير اخوي على هالمعلومة الرووعة

اخوي الاسعار اللي انت حاطة بالدولار الكندي

فكم راح يكون الاسعار بالدولار الامريكي ؟؟

إذا بدك السعر لكامل الرخص على حسب البرنامج الي بتعطيه الكلية فا رح يطلع حوالي 31808 دولار أمريكي

بس انتبه هذا السعر يشمل عدد ساعات طيران قليلة
(على حسب برنامج الكلية ) ولا تؤهلك لدخول الإختبار للرخصة التجارية (CPL) فا يجب عليك أن تجمع ساعات أكثر وهيك طبعآ رح يزداد السعر عليك ولا تنسى إنو في 4 دولار كندي ( أي مايعادل 3.39 دولار أمريكي ) ثمن الوقود لكل ساعة طيران وااااااحدة .
وتفضل هذا الموقع تقدر من خلاله تعرف أسعار العملات
https://www.xe.com/

وأتمنى أن تكون وضحت المعلومة وإذا عندك أي سؤال ثاني أنا حاضر ..
تحياتي لك عزيزي
أبوبكر

FERNANDO · 06-05-2009, 02:05 PM

مرحبا
انا جاي متطفل عالموضوع حاب اضيف شوية معلومات عن ادمنتون
جمعتها لكم لزيادة الفائدة

إدمونتون هي خزان كندا النفطي. يوجد جالية عربية عددها كبير وأغلبها من اللبنانيين.

المناخ
يتصف بالشتاء القارس البرودة ، وتنخفض درجة الحرارة إلى ما دون الصفر بعشرين درجة مئوية ، وتتأثر المنطقة الغربية من الولاية برياح الشنوك الدافئة ، أما الصيف فمعتدل دافىء نسبياً ،

وادمنتون اهم مدينة بولاية البرتا بس بعد كالجاري وتعد خامس اكبر مدينة كندية
بلغ عدد سكان بلديتها 836،372 سنة 2006
عرفت المدينة في السنوات الأخيرة إزدهارا كبيرا بفضل الطفرة النفطية التي شهدتها المقاطعة

في شغلة بس ماني متأكد منها انو قيمة الضريبة هناك 7% ؟؟؟؟؟؟

Abu Bakr · 06-05-2009, 08:56 PM

اقتباس: المشاركة الأصلية كتبت بواسطة FERNANDO

مرحبا
انا جاي متطفل عالموضوع حاب اضيف شوية معلومات عن ادمنتون
جمعتها لكم لزيادة الفائدة

إدمونتون هي خزان كندا النفطي. يوجد جالية عربية عددها كبير وأغلبها من اللبنانيين.

المناخ
يتصف بالشتاء القارس البرودة ، وتنخفض درجة الحرارة إلى ما دون الصفر بعشرين درجة مئوية ، وتتأثر المنطقة الغربية من الولاية برياح الشنوك الدافئة ، أما الصيف فمعتدل دافىء نسبياً ،

وادمنتون اهم مدينة بولاية البرتا بس بعد كالجاري وتعد خامس اكبر مدينة كندية
بلغ عدد سكان بلديتها 836،372 سنة 2006
عرفت المدينة في السنوات الأخيرة إزدهارا كبيرا بفضل الطفرة النفطية التي شهدتها المقاطعة

في شغلة بس ماني متأكد منها انو قيمة الضريبة هناك 7% ؟؟؟؟؟؟

جزاك الله أخي الكريم على المعلومات الصحيحة .
بالنسبة للضريبة فا بعض الكليات تعطيك أسعار الرخص بدون ما تضيف أسعار الضرائب والوقود وأنا استفسرت عن هذا الشي بالكلية وقالو لي إنو الأسعار متضمنة الضرائب بس غير متضمنة الوقود يعني إذا بدك تطير ساعة بالكلية لازم تدفع أجار الطائرة إضافة إلى ذلك 4 دولار كندي كثمن الوقود
هذا شي أكيد ومافي خلاف عليه
وإذا في أي سؤال أنا حاضر
تحياتي لك عزيزي
أبوبكر

FERNANDO · 07-05-2009, 10:12 AM

تحية طيبة اخواني
والله شكلها الأكاديمية تمام وجزاكما الله كل خير اخوتي ابو بكر والكابتن احمد والله يجعله بميزان حسناتكم

بس لوسمحتوا عندي كم سؤال؟؟

هل بالإمكان عمل دورة مدرب وانك تبقى مدرب في الاكاديمية لزيادة عدد الساعات؟؟؟؟
هل تقوم الاكاديمية بإرسال من يحتاج للغة الانكليزية الي معهد ام ماذا؟؟
وبصيغة تانية؟؟لو بدي ساوي دورة انكليزي بكندا اقدم عالاكاديمية وبعدين اروح لشي معهد وبس خلص ارجع للاكاديمية وادرس ولا اقدم على معهد واطلع كندا على اساس ادرس انكليزي؟؟ ماني فهمان هالنقطة ابدا...ان شاء الله قدرت اوضح سؤالي

بخصوص الfrozen atpl عندك فكرة عالأسعار والمدة ؟؟

وشكراااا

Abu Bakr · 07-05-2009, 05:45 PM

اقتباس: المشاركة الأصلية كتبت بواسطة FERNANDO

بس لوسمحتوا عندي كم سؤال؟؟

هل بالإمكان عمل دورة مدرب وانك تبقى مدرب في الاكاديمية لزيادة عدد الساعات؟؟؟؟
هل تقوم الاكاديمية بإرسال من يحتاج للغة الانكليزية الي معهد ام ماذا؟؟
وبصيغة تانية؟؟لو بدي ساوي دورة انكليزي بكندا اقدم عالاكاديمية وبعدين اروح لشي معهد وبس خلص ارجع للاكاديمية وادرس ولا اقدم على معهد واطلع كندا على اساس ادرس انكليزي؟؟ ماني فهمان هالنقطة ابدا...ان شاء الله قدرت اوضح سؤالي

بخصوص الfrozen atpl عندك فكرة عالأسعار والمدة ؟؟

وشكراااا

للأسف أخي ما بتقدر تشتغل مدرب عندهم لأنو هي مدرسة طيران مو كلية والمدرسة عادة بيكون عدد الطلاب فيها قليل يعني مافي ضغط طلاب من شان تشتغل كمدرب . بس بإمكانك تاخذ الكورس المدرب وتشتغل بكلية ثانية وتعمل معهم عقد عمل بالمدة يلي أنت بتحددها أو هنن بيحددوها وإن شاء الله بكندا بتحصل شغل كمدرب لأنو كثير مرغوب فيه هنيك لكثرة مجال الطيران هنيك .
المدرسة وضعت كورس الإنستراكتر مو من أجل الوظيفة على ما أعتقد بس الفكرة إنو المدرسة بتعمل دورات تأهيلية للمدربين عندها بالمدرسة ومن شان يكون المدربين على مستوى عالي من التدريس والتدريب للطلاب وهذا التدريب يقوم للمدربين فقط

بخصوص الإنجليزي فا الكلية ماعندها دورات للمبتدئين مثل مو طالب حضرتك غير اللهم عندها من ضمن الجراوند سكول مصطلحات الطيران الإنجليزية فقط لا غير

بخصوص التقديم الفكرة يلي قلت عليها فكرة جيدة بس ما بعرف اذا بينفع تعملها مع الكلية ولا لأ . لأني ما سألتهم بهذي النقطة . على العموم أنت سألهم وشوف شو بيقولو لك إذا بدك تاخذ قبول من عندهم بعدين تتوقف فترة من شان تتدرس الإنجليزي .

أنا عن نفسي رح أخذ قبول من مدرسة لتعليم الإنجليزي بكندا وبطلع لكندا بدرس الإنجليزي وبعد ما أخلص بكمل الطيران بالكلية يلي بدي ياها أنا بس في شغلة مهمة وضرورية إنو لما بدك تاخذ الفيزا الكندية نصيحة مني خذها مدتها أكثر من ستة شهور من شان تقدر تمددها هنيك بكندا لأنو إذا أخذتها ستة شهور أو أقل بتكون فيزا سياحية و مارح تقدر تمددها وهيك لازم ترجع على سوريا إجباري عنك .

بخصوص frozen atpl
سعرها الدقيق ما بعرف كم بس هي تترواح بين 4000 دولار وبين 6000 دولار
أما بالنسبة للمدة فا هي تعتمد على الطالب وحسب البرنامج بس هي عامة شهرين والله أعلم

أتمنى أن أكون أفدتك وإذا عندك أي سؤال أنا حاضر

FERNANDO · 08-05-2009, 12:56 PM

اخي الكابتن ابو بكر ممنونك كتير ويعطيك الف عافية يارب

ذكرت انك بدك تاخد قبول من مدرسة انكليزي وتطلع على هالأساس
طيب حاليا بتقدر توصل لمدرسة طيران وتراسلها بس شو مشان معهد انكليزي؟؟
كيف بدك توصل لعنوان معهد انكليزي وتراسله وتاخد القبول
طبعا وبتصور انو يكون احسن لو المعهد بنفس المدينة اللي بدك تدرس فيها طيران
وكمان تقدر تروح عالأكاديمية بعدين وتتفاهم من راسك لراسهم صح؟؟؟
دوختك بأسالتي ههههه

Abu Bakr · 12-05-2009, 10:55 PM

اقتباس: المشاركة الأصلية كتبت بواسطة FERNANDO

اخي الكابتن ابو بكر ممنونك كتير ويعطيك الف عافية يارب

ذكرت انك بدك تاخد قبول من مدرسة انكليزي وتطلع على هالأساس
طيب حاليا بتقدر توصل لمدرسة طيران وتراسلها بس شو مشان معهد انكليزي؟؟
كيف بدك توصل لعنوان معهد انكليزي وتراسله وتاخد القبول
طبعا وبتصور انو يكون احسن لو المعهد بنفس المدينة اللي بدك تدرس فيها طيران
وكمان تقدر تروح عالأكاديمية بعدين وتتفاهم من راسك لراسهم صح؟؟؟
دوختك بأسالتي ههههه

يا أهلآ بيك أخي الكريم وأعتذر منك على عدم الرد لإنقطاع الإنترنت عندي .
بالنسبة لأسئلتك :
أنا إن شاء الله إذا اعتمدت على كندا بدراسة الطيران فارح اخذ قبول من مدرسة لتعليم اللغة الإنجليزية عن طريق مكتب سياحي مختص بالتعليم للغة الإنجليزية ومتعاقد مع معاهد إنجليزية بكل أنحاء العالم ورح يكون القبول مكتوب فيه كل التفاصيل حول الدراسة ومن ضمنه البرنامج يلي رح ادرس عليه والبرنامج رح يكون مدته 9 أشهر أي فيزا دراسية . والفيزا الدراسية بقدر أمدد فيها وقت بدي ألتحق بالكلية ورح يعطوني تمديد على حسب مدة دراسة بالكلية وهيك كل مابتخلص مدة الفيزا بمددها أكثر إنو على شرط مقابل أنو انا عم بدرس بالكلية يعني مو جالس فاضي مابعمل شي هنيك .
المهم لما بخلص من اللغة الإنجليزية بروح على الكلية يلي بدي ياها وباخذ من عندهم خطاب إنو أنا بدي أمدد الفيزا مقابل دراستي للرخص التالية
أو بالكلية نفسها بيكون فيه معقب مسؤل عن الطلاب وهوي مهتم بشؤون الطلاب من ناحية الفيزا وهو بيمددها وكل تمام ومافي أي مشكلة من هي الناحية . ولحتى طمنك من ناحية الفيزا وتمديدها أنا رحت على القنصلية الكندية عندي بجدة واجتمعت مع المسؤولة بالقنصلية وقالت لي إنو أهم شي أنت تطلع على كندا بفيزا دراسية وهنيك بتمدد فيها وتقدر تلعب فيها مثل مابدك ومافي داعي إنو ترجع لبلدك تممد الفيزا أو تاخذ فيزا جديدة .
ومو مضروري إنو يكون المعهد الإنجليزي بنفس الكلية عادي يعني مافي مشكلة بس مثل ما قلت حضرتك إنو أحسن لو كان بنفس المدينة . بعدين أنا وقت يكون عندي إجازة بالمعهد بروح للمدن يلي بدي ياه بكندا وبشوف الكليات بنفسي وبقرر وقتها يعني مثل ما قلت كلامك صحيح بشوف كل شي بعيني .
أعتقد الأمور وضحت أخي الكريم وإذا في أي سؤال تاني أنا حاضر ما تترد وأنا بالخدمة متى مابدك
وآسف مرة ثانية على الرد المتأخر
سلام عليكم

Hussein pilot · 17-07-2012, 07:38 PM

الله يجزاك الف خير

الذين يشاهدون محتوى الموضوع الآن : 1 ( الأعضاء 0 والزوار 1)

القائمة