[عاشق الماجيكو]

متزعليش يا مصــــــــــــر
اللي يغلط في البلد دي... واللي مش عارف قيمتها
يبقى مش عارف تاريخه...يبقى مابيقراش تاريخها
إسأل اللي قبله كانوا....مصر عملت إيه عشانو
ولا كل التضحيات دلوقت هانوا
آه أخويا وابن عمي.....بس بلدي مصر أمي
يعني عندي أغلى م العالم بحالو
آه يا غالية ....آه يا غالية آه يا غالية
يا حبيبتي يا بلدي... رايتك برضه عالية
ومتزعليش يا مصر... متزعليش
متزعليش يا مصر...حقك علية
هِنَا قامِت ثورة... حَرَّكِتِ العرب فاتحرَّروا
مدرسين .مهندسين ...ودكاترة راحو وعمَّروا
رسامين .أدباء ..وعُلَمَا.
.في السلام والحرب زُعَما
واللي ناسي كل دا ...دم الشهيد يفكَّرو
مصر من قبل التاريخ.. بتاريخ وهيّه
انكتب عليها تحمي ...الأمة ديه
إحنا أكتر شعب شال المسئولية
إحنا أكتر شعب حارب للقضية
لو هتنسوا..مش هتنسى مصر دورها
جمهورية مصر... تفضل عربية
آه يا غالية..آه يا غالية...آه يا غالية
يا حبيبتي هتفضل رايتك... برضه عالية
ومتزعليش يا مصر...متزعليييش
متزعليش يامصر ميهمكييييش
متزعليش يا مصر...حقك عليّه
.................... ....................
بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .



بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .



وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .



فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .



ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .



فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

بحبِّكْ .. بحبِّكْ .. بحبِّكْ .. يا مصرْ

____________________

احنا الفراعنة

احنا الاهرامات

احنا اللي بنينا

ورفعنا الرايات

احنا النهضات

احنا الحضارات

احنا الفراعنة

احنا اللي صنعنا

نيلنا واهرامنا

بنينا وصنعنا

نهضتنا وحضارتنا

عملنا وقدمنا
_______________________

[حور عين]

قال الله تعالى (( ادخلوا مصرإن شاء الله ءامنين))
كلمات جمييله جدا في حق هذه البلد الرائعه بناسها واهلها الطيبين
يكفي انها ام الدنيا
سلمت يداك اخي الكريم على الطرح الجمييل جدا

[أوتار ممزقة]

يقولوا فقيره ..

يقولوا أسيره ..
محمد من قال مصر فقيرة
كلنا يعلم خيرات بلدنا وبلدنا غنية بخيرات كثيرة عندنا الزراعة والسياحة والبترول وقناة السويس لكن سوء التخطيط من يهدر ثروات بلدنا وغير ذلك من ينهبون خيراتها وليس وحدها هناك أغلبية الدول العربية فئة معينة تنهب معظم دخل بلدها وهذا معروف للجميع
ومن يقول مصر أسيرة أقول المثل المصرى" لا تعايرنى ولا أعايرك الهم طايلنى وطايلك"
كل الدول العربية بالمصرى" كلنا فى الهوا سوا "
كلمات أكثر من رائعة لبلدنا الغالية مصر
مصر هى أمى ونيلها هو دمى
تسلم يامحمد دوما تأتينا بالجميل لمصر
تحياتى

[cpt.abdulkarim]

تحياتنا لك ولمصر الجدعان اشقاء الدين والعروبة
ولو نتكلم عن مصر بدون مجاملة لما كفت السطور هنا

[الطيار الجزائري]

شكرا لك ميدو
مصر الحبيبة …حقيقة كلمات رقيقة ..

مهما قلنا ..ومهما وصفنا لن يستطيع المرء التعبير عما في قلبه تجاه بلد يحبها من أعماق قلبه ..

حمى الله مصر ورعاها ..ورعى سائ بلاد المسلمين

اللهم آمييين


تحية لمصر و لابنائها الجدعان


و تحية خاصة الى ابناء مصر في هذا المنتدى من اعرفهم مثل محمد ابو اسماء و هيام عالم الطيران و حور عين و سمر و جوجو و كل الذين لا اعرفهم


شكرا لك مرة اخرى حبيبي ميدو و الله انت عزيز علي كثير

[PRINCESS OF FLYINGWAY]

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر.

مصر السما الفزدقي وعصافير معدية

والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر.

شفت الجبرتي بحرافيش الحسين وبولاق

بان البلد ماشي زي النمس في الأسواق

بالفلاحين ع المداخل من بعيد وقريب

بالأرنؤوط بالشراكسة بكل صنف عجيب

مترصصين سور رهيب مزراق في ريح مزراق

كأنهم لا بشـر ولا خلقـة الخـلاق

ومصر فلاحة تزرق بين رقيب ورقيب

من غير أبو الهول ما ينهض ناهضة شايله حليب

والصبح بدري الجبرتي ينام وقلمه يسيب

على اسم مصر.

مصر الرمال العتيقة وصهدها الجبار

والنيل كخرطوم حريقه وحيد في وسط النار

في إيدين بشر نمل رايحه وجاية ع الضفة

فيهم مطافي وفيهم كدابين زفة

وفيهم اللي تعالى وقال أنا حكمدار

وكل باب م البيبان مقفول على اسرار

وكل سر بحريقة عايزة تتطفا

من أهلي تندهلي وتقوللي تعا اتدفا

أنا اللي عمري انكتب إلى يوم ما اتوفى

على اسم مصر.

مصر اللي عمر الجبرتي لم عرف لها عمر

وطلع لقاها مكان مليان عوام وزعر

جعيدية غوغاء يجيبوا تملي وجع الراس

وخليط أفارقه هنادوة روم ملل أجناس

والترك في القلعة والمماليك خدودهم حمر

كان عمرها ستلاف سنة .. كلها سنين خضر

بس الزمان يختلف زي اختلاف الناس

ناس تبني مجد وحضارة وناس بلا احساس

وناس تنام لما يزحف موكب الأحداث

على اسم مصر.

النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

على اسم مصر.

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

اسمعها مهموسة والا اسمعها مشخوطه

شبكة رادار قلبي جوه ضلوعي مضبوطة

على اسم مصر.

[المعتز]

ابيات جميلة يابواسماء
تسلم عليها وفعلا مصر هتضل اميرة بعيونا جميعا
والاصل في شعبها الطيبة والعروبة
نفتخر فيها وفي وقرابتنا منها

[العميد]

ماشاء الله علي يا كابتن ابو اسماء .. ابيات جميلة .. شكرا لك على دعوتي الى موضوعك الرائع ..محبتي لك

[صقر الثمامه]

أعذب الكلام
وأبيات جميلة

لكل مواطن أن يفخر بوطنه .. ولكل عربي أن يفخر بوحدة الوطن العربي ...

يعطيك العافية أبو أسماء ...

[pilotk]

كلام جميل ورائع
كمان مصر مذكوره في القران واسمها من قبل اي اسم من البلدان وجيشها اقوي جيش الاسلام وكما قال سيدنا يوسف-------------ادخلو مصر ان شاء الله امنين---------------

[gogoo]

الصراحه اختيار اكتر من رائع وهل مهما كتبنا من سطور سنوفي ام الدنيا حقها
بجد والله مش علشان انا مصريه بس مصر دي اجمل بلد وشعبها مافيش زيه والله
الف شكر لك يامحمد على اختياراتك الاكتر من رائعه

[Mr.X]

:






:

الله الله على مصرر و شعب مصررر

ذكرتونآ أيامنا الحلوووه بمصررر

أشكركـ أبو أسمآء

على هذه القصيدهـ

و يعيش الشعب المصررري

,

[شاعرة الشمال]

القصيدة الأولى زي العسل

صادق في وطنيتك يا أبو أسماء

زجل منسوج بوقائع لا يجادلك فيها عاقل

جميل

جميل

جميل

أما الثانية

وقعت في غرامها مباشرة

مصرأم الدنيا

السباقة إلى كل الحضارة في المنطقة العربية

وانا والله كنت بشجعها

وحفضل اشجعها للأخر

معلش بقا خيرها فغيرها

يسلمو اديك يا رائع

[بنت الكويت]

عمااااااااار يا مصر من اكثر الدووول الي احب ازوورها و اعيش احلى ايام عمري فيها

ما كذب من سما العاصممه القاهره وفعلا هيا قاهره


تحياتي

[ك.أبو الندر]

تسلم ابو أسماء على الصور والمعلومات عل ى مين على مصر ام الدنيااا...يسلام الله يخليلكم مصر وشعب مصر الطيب الي فوقت الشده كلمته وحده...بارك الله فيك...والى الأمام يارب...تحياتي لك ولك شعب مصر الغالي...ك.أبو الندر...

[peetoo]

صج ابيات اكثر من رائعة
صج عماااااااار يا مصر على قولة بنت الكويت
صج مـــصـــر ام الدنيا
صج مصر المحروسة...( ادخلوا مصر إن شاء الله امنين )

وراح اقولك شغلة...كل رجال مصر من علماء و مثقفين و ادباء و علماء الدين الموجودون فى قبورهم الان مازال الناس تتعلم و تنتفع من علمهم الغزير و بالطبع الاحياء منهم

و بما انى كـــويتى ... بالنيابة عن شعب الكويت و هلى اوجـــه تحية عظيمة الى شعب مصر الشقيق و نقولهم



بالفعل مصر هى و ستبقى الى الابد ام الدنيا

[mohammed hassan]

الله عليكى يا بلادى و الله عليكم يا اهل يا بلادى حمى الله مصر و اهل مصر مشكور اخى ابو اسماء كلمات روعه روعه ان دلت على شى فهى تدل على اصاله و جمال مصر و اهل مصر
**** مصر ام الدنيا ****

[كبتن طيار]

مصر ام الدنيا

[Moon Flower]

مشكور أبو اسماء على الابيات التي تعبر عن مدى الحب الكبير الذي تكنه لبلدك

هذا البلد العظيم والغني بحضاراته واثاره الفراعنة والاهرامات والمتاحف والقصور

واطول نهر بالعالم نهر النيل .. انه بلد يستحق كل تقدير وقد ظهر منها اعظم المفكرين والادباء

والكثير منهم نال جائزة نوبل

شعب طيب ومتواضع وكان لي الفخر انني زرتها كثيرا بغرض العلاج والسياحة

الله يحفظها بسلام لقادتها وحكومتها وشعبها

[الحلوة]

كلمات عنجد رائعة ومصر بتستاهل هالكلمات وزيادة وبتمنى زيارتها باقرب وقت

[عاشق الماجيكو]

مشكورين علي المرور ونورتم الموضوع

[m7mad]

كلمات رائعة جدا

وطبعا لو قولنا كل الكلام الي في الدنيا مش حيقدر يوفي حق مصر

اشكرك اخي ابو اسماء كثيييييرا

واكييد تم التقييم

[عاشق الماجيكو]

اقتباس:     المشاركة الأصلية كتبت بواسطة m7mad  

كلمات رائعة جدا

وطبعا لو قولنا كل الكلام الي في الدنيا مش حيقدر يوفي حق مصر

اشكرك اخي ابو اسماء كثيييييرا

واكييد تم التقييم

شرفت الموضوع

[سمر1]

مصر فوق الجميع وليذهب الحاقدين الي الجحيم

[..»F.a.h.a.d«..]

والله العظيم اذا شفت مصري و سمعت سواليفه ,, استانس ,,

المصريين خفيفين دم لدرجة كبيررررررررررررررررررررررررررررررة ,,


احبك يامصر وآخر مرة زرت مصر يمكن قبل 3 سنوات ,, وان شاء الله لي زيارة لها قريب ,,

يازين الجلسة على مقهى في النيل و تشوف الناس رايحه و جاية و يجلس معي مصري و اقوى سواليف ,,


دمتي بحب يامصر ,, و تبقين ام الدنيا

سلام من سعودي لكل المصريين