[جهنية مزورة]

الـســـــــــــــــــــلام عليكم ورحمتة اللة وبركاتة....

تقول وحده :
انه يوم جاء يشوفني خطيبي كنت لا بسه تنوره ضيقه ونصحتني أمي إني ما البسها ولكني عاندت وقلت ألا بلبسها ويوم دخلت وسلمت وجلست ولا اسمع صوووووت تششششششششششش وإلا التنوره انشقت من ورا

يالله وش أسوي ؟؟

جلست وأنا أقول لنفسي يالله وشلون بقوم ؟؟!!

وخطيبي جالس ماقام (( مستانس وش وراه )) وأبوي يناظرني والشرر يتطاير من عيونه وياشرلي عشان أقوم وأنا خلااااااااص لازقه في الكرسي وما اقدر أقوم لو قمت بتطلع بلاوي ..

وطبعا أختكم في الله جالسه ومنزله عيونها في الأرض وكنها ما تدري عن أبوها ذا ألي يأشر صارله ساعة وفي الأخير قام أبوها وقال للخاطب بطريقه لبقه انتهت الزيارة حياك الله ويوم طلع

فشششششششششششششش على غرفتي قبل لا يشوفني أبوي ويأدبني ....


والثانية تقول :

أن يوم دخلت بالعصير وقدمته وتأخر خطيبي في مد يده عشان ياخذ العصير فظنيت انه مايبي فمشيت مســـــــــرعه بالصينية وهو يقول ( لحظه .. لحظه .. أبغى واحد لو سمحتي )) ..

والثالثة تقول :

يوم دخلت أشوف خطيبي ومعي صينيه العصير تفجأت فيه يصرخ بقوه ( مشاء الله مشاء الله ) وقام وقف قدامي وهو يردد(( مشاء الله مشا الله)) أنا ارتعت وش ذا المهبول قمت أصارخ وطلعت أصيح وجاء أبوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي (( مشاء الله مشاء الله ))


والرابعة تقول :

أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش

وناداني (( يامنيييييييييييييره تعالي شيلي الأغراض ))

جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة ميب في ملابسي ولا في كشتى المصيبة إني جيت افحط بالعربية

واخوي يحاول يهديني ويقول : (( يامنــــــــــيره أعقلي , بشويييييييييييييييش )) وأنا ماعطيته وجه جالسه افحط وفي الأخير قال الرجال ما ابي ألا هذي لأنها خفيفة دم ..


وتقول أخرى ,,

جا خاطب ودخلت وابوي جالس قدامي وعشاني اناظر بالارض جت عيني على جزمة ابوي الله يكرم السامعين والا ابوي الله يخليه لابس كل وحدة شكل لا واللون ما يقرب لبعض ويمسكني الضحك وعاد لما يمسكني انا خلاص الدنيا كلها ما تسكتني

طبعا ابوي انصدم والخاطب انصدم اكثر ولولا ما ابوي احب اب بالدنيا كان اكيد عطاني مية كف بساعتها بس انا طلعت وابوي طلع وراي وقلتله ليش اضحك وسامحني ورجع اضطر يقول للخاطب ليش اضحك عشان مشاعره مسكين الرجال يمكن حسب اني اضحك عليه

انا توقعت الخاطب ما يرجع بس رجع و انا رفضت

بكيفي ما عجبني



وهذا موقف لأحد الشباب ,,يقول أخونا ,,مسمي نفسه آفاق ,,

أنا أذكر في أحد المرات جيت أخطب عند واحد وطبعا" كل واحد فينا يجيه تصور إنه بيقعد في مجلس كنب وبتجي بنت الحلال وبتقعد قدامه وعاد تتم الشوفه ........

المهم جاء أبوها وقعدني في الملحق

طبعا" الملحق شبابي جلسه أرضيه وما إلى ذلك ,, المهم مااااااش أنا منيب مرتاح وتوقعت بيقولي كلمتين ثم ندخل داخل لأني توقعت إنه ماراح أي بنت في الشوفه بتقعد على الأرض .......

المهم شوي ويطلع من عندي وأقوم أنا اللي أشخص بالشماغ وأزين السكبه <<<<< واحد بيعلم الناس إنه مملوح

المهم مادريت إلا وأنا جالس ويجي أبو المخطوبه ويمسك بنته من يدها ويوقف عند الباب ,, طبعا" تخيل المنظر باب الملحق صغير والبنت مستحيه وواقف ورى أبوها

ويوم يجي أبوها ويقول : إسمعي يابنيتي هذا آفاق المزيون

ويجي يقولي هاذي بنتي فلانه ,,, أنا طبعا" قاعد أناظر فيه لأني ماأشوف إلا هو .....!!!

المهم ماكمل كلمته إلا وهو فاك هالشي اللي كان ماسكه ومخبيه وراه ويقول لها : خلاص روحي

المهم عاد أنا كبرت في راسي وقلت له : على مين تلعبها يابوووووووووووو

تراني ماشفت إلا إنت ,, وقلت خلني أذب عليها وأقلبها مزح عله يطلعها مره ثانيه ,, سوى نفسه ماسمع <<<<< مسوي فيها هيئة سوق المال

قلت في نفسي مابدهاااااش ,,, وأرفع السماعه على الغاليه الله يطول لي عمرها ,, وقلت لها إسمعي يمه ,, قالت لي : لبيه ياآفاق

قلت لها : يمه ترى الذيب ماجاء يم القليب ولاشفته <<<< عاد أنا والغاليه بيننا بعض الرموز أوقات الفزعه ......

قالت لي : إبشر والله بالسعد ,,, المهم ياعيال ثواني ويجي ابو المخطوبه خط ساخن من أم المخطوبه مفاده إن آفاق ماشاف شي ولامانع حسب التعليمات <<<< واحد متأثر بأمور البيروقراطيه في الدوائر الحكوميه ,,,

ويقوم عاد أبوها ويطلع من عندي ,,, وأقول بنشوة المنتصر : كان من زمااااان يابووووووووو ,, من اليوم يلمح آفاق ولاأحد يمه وبإتصال ساخن تزين الأمور <<<< هذا دليل على إن الواسطه عندنا نافعه في كل الأمور والمجالات ........

المهم يا بنات وقت الرؤيه الشرعيه فتحى عيونك زين

والله يوفقكم جميعا"


الآن نبي نشوف ردود الأفعال وأطرف المواقف ....

تحــيــاتــى....

[A.T.M.Pilot]

مشكورة اختي
ويعطيكي العافية

[صمت الليل]

مشكوره على الطرح الظريف اخت جهنيه مزوره.
الغالب عندنا لا شوفه ولا حتى لمحه شرعيه.
بس كل شي وله حل زي ما سوا واحد من الربع يوم جاء يخطب وطلب الشوفه الشرعيه قال له ابو البنت اذا ملكت يصير خير ,,اخونا بالله اتحطم وخايف يطب له بوحده جيكره على قولت اهل الخليج, المهم فكر الرجال وفكر الين طلع بحل : قال لأمه اعزمي البنت عندنا بالبيت وبشوفها بدون هي ما تحس بشي, تمت العمليه بنجاح ووفق الله بينهم واتزوج الرجال:iconloli: .

[a340qr]

ههههههههههه والله قصص حلوا وجميله بارك الله فيكي يأختي جهنية مزورة

[B772]

ههههههههه
مواقف طريفة ألف شكر

[جناح جده]

ههههههههههههههه

قصص فيها من الطرافه الشي الكثير

من سماحة الاسلام ومن هدي النبي صلى الله عليه وسلم ان امر بشوفة الخاطب لمخطوبته كما ورد في الاحاديث الصحيحه واجماع الائيمة الاربعه رحمة الله عليهم

العيب في العادات والتقاليد التي تحل ما حرم الله او تحرم ما اباح الله

قصص جميله خاصةً في مثل هذه المرحله العمريه من بدايت حياه اسريه جديده

** في واحد راح يشوف خطيبته بس يوم جلس على الكنبه كان مكبوب عليه مويه وهو اساساً مرتبك والمصيبه لبس ثوب ملون بني فاتح جداً
ويم قام يشوف العروسه في غرفه داخليه لاحظ اخوه وابوه البلال على ثوبه
وسار موقف له لا يحسد عليه
والعهده على الراوي

.. بصراحه صار موقف معي في زواج اخوي في ورع صغير اخو زوجته بس انه مطفوق:customsmile2:
اول ما نزلت من السياره لابس ومكشخ على قولتهم احنى ظيوف على العشاء
المصيبه شاتني بالكوره على صدري والكوره غرقانه مويه ومطينه
وطبعت الكوره على ثوبي بشكل كامل الاستداره اضافةً الى الطرطشه الطينيه

وكان موقف صعب خصوصاً اني خلال فترت جلوسي افكر في الورع المطفوق

[Abo zeyad]

مشكورة اختي .. مواقف مثل هذي حساسة .. ولا تخلو من الطرائف ..

[.::قوية بربي::.]

no Coment

[a340qr]

اقتباس:     المشاركة الأصلية كتبت بواسطة جناح جده  

.. بصراحه صار موقف معي في زواج اخوي في ورع صغير اخو زوجته بس انه مطفوق:customsmile2:
اول ما نزلت من السياره لابس ومكشخ على قولتهم احنى ظيوف على العشاء
المصيبه شاتني بالكوره على صدري والكوره غرقانه مويه ومطينه
وطبعت الكوره على ثوبي بشكل كامل الاستداره اضافةً الى الطرطشه الطينيه

وكان موقف صعب خصوصاً اني خلال فترت جلوسي افكر في الورع المطفوق

هههههههههه والله هدا مو موقف هدا باركينج بحاله .. ...شكله أخوك صار من عشاق المستديره

[baby pilot]

مشكورة اختي
وبصراحة انا صار معي موقف يوم ما طلبنا لأخوي رحنا للجماعة وانا لابس و اللي يشوف يقول اني العريس المهم ان عمي هو اللي كان بطلب يد البنت لأخوي اللي صار انو طلبها لي بدل ما يطلبها لأخوي و صرت انا واخوي بموقف لأ نحسد عليه الناس يقولون مو هذا اللي جا يطلب البنت و يا حبيبي .

مشكورة

[عاشق الطائرات]

ههههههههههههههههههههههههههههههههههههه

من جد سوالف والله تقطع الواحد من الضحك
هههههههههههههههههههههههههههههههههههه


ومشكورين على المشاركات الرائعه

[صقر الثمامه]

اقتباس:     المشاركة الأصلية كتبت بواسطة جهنية مزورة  

[FONT="Droid Arabic Naskh"]

والرابعة تقول :

أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش

وناداني (( يامنيييييييييييييره تعالي شيلي الأغراض ))

جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة ميب في ملابسي ولا في كشتى المصيبة إني جيت افحط بالعربية

واخوي يحاول يهديني ويقول : (( يامنــــــــــيره أعقلي , بشويييييييييييييييش )) وأنا ماعطيته وجه جالسه افحط وفي الأخير قال الرجال ما ابي ألا هذي لأنها خفيفة دم ..


تحــيــاتــى....

[.::قوية بربي::.]

صقر الثمامه لا تطنز ترى الدور جايك و قريب أوي

وأخاف الله يبلاك ويصير لك موقف ى تحسد عليه

[جهنية مزورة]

مشكوووووووووورين جميعاااا على الردود

[Anmar]

الله يعطيكي الف عافية اختي على مجهودك الحلو

[عمر1]

رائعععععععععععععععععععععععععععععع

[Hassn166]

مشكوووووووووووووووووره اختي

[أنثى دافئة]

كله في ناحية واللي تنورتها فششششششش ناحيه ثانية ههههههه
يعطيك العافية :)