لنشكل فريق ونصنع طائره بدون طيار

9 مشاهدات وولا رد
هل ده القسم المناسب للموضوع

جاختي انا فني مهندس لكن قسمي غير مناسب انا اشتغل في المضخات والفيول الي جوا مكائن الطائرة وانا اسف لكن لو عملتي لاتبخلي علينا كلمينا او في طائرات للبيع للتوفيق

انا والله مكنتش اعرف القسم المناسب وشكرا لنقل الموضوع
--
استاذ عبودي اهلا بحضرتك .. وباذن الله كله هيكون عالمنتدي لتعم الفائده
والمطلوب دلوقت حد يفهم في الايرودايناميكس وكده يفيدنا ولو حتي بتصميم قديم ننفذه او نعدل فيه

ايه رايكم تكون هليكوبتر اظن يكون افضل لمهام التصورير الجوي ؟ .. انا المشكله عندي انه تخصصي الكترونيات وكده بس

اهلاً و سهلاً بكِ في خط الطيران

انا بعتلك رسالة خاصة متهيألى موصلتش ..

بصي يا مريم انا بحب اتكلم بصورة مباشرة و بوضوح , مشروع زي ده ف مصر هيترصد من اجهزة الدولة على انه أداة تجسس , و هتدخلى نفسك في متاهات انتى و اهلك في غنى عنها بالذات في الأيام دي اللى بندعى ربنا يسترها و تعدي على خير ..

صارحيني بوضوح زي ما صارحتك عشان نقدر نفيدك , انتى عايزة تعملى المشروع ده ليه ؟ هل هو مشروع بحثي ولا مشروع تخرج ولا مشروع تجاري ؟

انا عن نفسي عندى كل المعلومات المرتبطة بالإيروديناميكا و نظريات الطيران اللى هتخلى اي تصميم يطير و بالـ performance اللى انتى عايزاه من واقع خبرتي كهاوي نماذج طائرات و ملم بالطيران بحكم الوظيفة, و فيه هنا مهندسين و هواة نماذج طائرات يقدروا يساعدوكي .. طول ما المشروع بعيد عن المسائل المتعلقة بتهديد الأمن القومي المصري او الأمن القومي لأى بلد ..

بس دا يتطلب منك انك تكوني صريحة معانا عشان نقدر نفيدك و نوجهك و الأهم من ده كله يا مريم , احنا عايزين نعرف الهدف من التصميم ايه ...

منتظر ردك

تمام ورديت علي حضرتك وقلتلك اهلا بكل اجهزه الدوله وممكن نروح لاي حد مطلوب منه تصريح لاي حاجه انا مستعده احنا مجرد هواه وناس عايزه تعمل حاجه او تشترك في تصميم كويس

ومش مشروع تخرج ده .. انا رديت علي كل اسالتك انا لسه عالتخرج لسه بدري

بس حضرتك مانع ان حد يرسلك رساله فمعرفتش ارد علي رسالتك الا بارسالها للبريد الالكتروني

-------------

ده كان ردي ::


لا والله انا لسه عالتخرج كتير
بخصوص اجهزه الدوله وما الي ذلك متخفش من ده فيه طلبه عملوا الاكتر من كده واتكرموا عادي والتصوير الجوي اصبح متوفر للجميع الان وممكن اي حد يشتري طياره ويركب كاميرا او يشتريها بكاميرا و بيتهيالي الجمااعات والحركات والكلام ده الامن بيبقي متابعهم خلقه وعموما انا ممكن اروح بنفسي لاي جهه استاذنها ان استدعي الامر ولكن ده شئ عادي وشغل علمي وهندسي ومفيد للبلد ان الطلاب ينخرطوا في مشاريع زي دي
حتي لو حاجه صغيره
ومتقلقش والله ما مشروع تخرج لسه بدري واتمني التواصل مع حضرتك وان شاء الله اول واحد ينضم للفريق الحمد لله

علي فكره كلمه طائره بدون طيار خلت الناس تفهم غلط
هي طياره صغيره زي اللي بتعملوها

الطائرة بدون طيار كمفهوم أمنى مش بحجمها , بالغرض منها و بالتكنولوجيا اللى عليها ..

اولاً يا مريم خلينا نكون متفقين على حاجة , انا بنصحك مش بكسر طموحك ..

انا عملت نماذج كتيير و كنا بناخد بيها تصاريح و بيتوافق عليها من غير كاميرات , واحد معرفة اشترى طيارة من أميريكا مجهزة بكاميرا الريزوليوشن بتاعها مش كبير اوي ( لأن كل ما زادت الدقة , زاد التهديد الأمنى ) , الكاميرا غرضها انها بتتوصل لاسلكياً بأي باد و بيتحكم فيها كأنه طيار عليها .. اتوقفت ف الجمارك و جاله محضر ضبط و احضار على البيت , و اتحقق معاه اسبوع كامل , و انتهى الموضوع على انهم هيخلوا سبيله لو وافق على منعهم لدخول النموذج مصر .. و لو مصمم على دخوله هيتحقق معاه تحقيق عسكري ..

موضوع التصاريح و الكلام ده من الهيئة القومية للأتصالات السلكية و اللاسلكية و من المخابرات العامة, المشروع لو بغرض التصوير الجوي ( مشروع تجاري يعني ) , بتصدر لشركات متخصصة , مش لأفراد ..

شكرا لنصيحتك
بخصوص طموحي هو انكسر خلاص
طب لو عايزين نعمل حاجه علي قدنا ولو حتي بدون كاميرا لازم تصاريح ؟ امال الناس اللي بتعمل طيارات في كل حته دي بتاخد تصريحات ؟

انا هشوف موضوع التصريحات ده وهي اه بغرض التصوير الجوي لكن مش تجاري ولا حاجه مجرد حاجه ومشروع بحثي



زي كده

تصاريح مش امنية .. اولاً بيكون فيه اشتراك ف الأتحاد المصري لنماذج الطائرات , بتكون فيه موافقة على انك تطيري النموذج بعد تدريب بيتاخد , دا لو بيطير بمحرك نيترو .. لأنه لو خرج عن السيطرة ممكن يدمر ممتلكات او يقتل حد .. لو بيطير بمحرك كهربا و سرعته مش عالية , دا عادي من غير تصاريح .. بس عامل زي الطيارة الورق ..

ولو الموضوع كدا .. انا أنضم لفريقك و هساعدك في كل حاجة ..

احنا ممكن حتي نديهالهم في الاخر بس نكون احنا عملنا حاجه

لالالا من حقك يكون عندك نموذج و تطيريه في اي مكان فاضي .. بس موضوع تركيب كاميرات او دواير نقل أشارة , او اي حاجة من القبيل ده مش مسموح بيها في مصر و معظم الدول العربية , ممكن يكون مسموح بيها في دول تانية .. بس عندنا لاء للأسف ..

طب يا كابتن محمد احنا نعمل حاجه بمحركات كهربيه واهو نبقي خلصنا من معظم الميكانيكا اللي معقداني
معانا ؟ حد تاني عنده استعداد يشارك ؟ كده 3 انا وكابتن محمد وواحد مهندس زميلي احمد .. بس كده اظن مش هنعمل حاجه قويه هيكون زي كل الطيارات بتاعه المنتديات دي مش هيكون فيه ابتكار كابتن محمد ايه رايك في النموذج ابو 3 مراوح او نخليه 4 اللي وضعت صورته

سؤال كمان رخم لو عايزه اطلع عالقانون المنظم للحاجات دي الاقيه فين ؟

وياريت نتواصل بشكل افضل استاذ محمد انا ايميلي

[email protected]

بالنسبة لمحركات الأحتراق الداخلى فهي متوفرة في السوق و بقدرات مختلفة , يعني متقلقيش مش هتضطرى تصممي محرك بمواصفات معينة ..

بالنسبة للمحركات الكهربية .. فانا هحتاج مساعدتك كمهندسة ألكترونيات , هل فيه محرك قادر على الدوران بسرعة تفوق 5000 لفة في الدقيقة ؟؟ - حسب معلوماتى المتواضعة في الكهرباء و الألكترونيات ان سرعة المحرك الكهربي بتتناسب طردياً مع شدة المجال المغناطيسي اللى بيولده اما مغناطيس طبيعي او مغناطيس كهربي .. و طبعاً المغناطيس الكهربي افضل .. بس كل ما كنا عايزين عدد لفات اعلى , وزن المغناطيس الكهربي بيزيد بسبب زيادة عدد لفات الملف الكهربي ..

و ده معناه ان وزن المحرك هيكون تقيل , و زي ما انتى عارفة التقل عدو الطيران الأول ..

فايدة محركات الأحتراق الداخلى انها بتتصمم من سبائك خفيفة , بالأضافة لأنها بتولد قدرات اعلى بكتير من محركات الكهرباء .. فأنا شايف انها عملية من ناحية الأختيار للتصميم .. و زي ما قلتلك متوفرة في السوق ..
بس عيبها هو زيادة تكاليف التشغيل عشان بتعتمد على مواد عضوية كوقود ..

بالنسبة للوائح انتى ممكن تروحي الأتحاد المصري لنماذج الطائرات في وسط البلد .. في شارع عماد الدين , هبقي اجيبلك رقم العمارة عشان انا واخدها بالشبه او متتعبيش نفسك , ليا زميل هناك ممكن يجيبها صورة اسكانر و ابقي ابعتهالك ..

التصاريح بسيطة جداً و مش معقدة , بس لما كنت بتكلم عن صعوبة الأمر كنت بتكلم عن تصاريح امنية عشان موضوع الكاميرا ..

احنا ممكن نطور نموذج اقتصادي و بخامات مصرية و بأقل تكلفة ممكنة و نعرض الفكرة على وزارة الداخلية و الهيئة العربية للتصنيع , ممكن يستفيدوا من النموذج ده في مراقبة الحدود او المراقبة الجوية للسيولة المرورية و تعقب الجرائم جواً .. و ممكن نطلع مرة واحدة على الرئيس مرسي في القصر و نعرض عليه الفكرة

بس فكرة انك تمتلكى نموذج مجهز بكاميرا و لأستخدام شخصي ده اللى ممكن يحطك في مشاكل ..
متابع معاكي و قوليلي ايه افكارك ؟؟

طب محرك الاحتراق الداخلي ده غالي ؟ ثمنه كام ؟ ووزنه والتعامل معاه ؟ والتحكم فيه وكل ده

بخصوص اننا نعمل حاجه محترمه ونقدمها للهيئه العربيه للتصنيع ده والله يمثل اعلي طموحاتي