أريد معلومات عن اكاديميات تكساس وكندا

السلام عليكم .. أنا تخرجت طيران تجاري من تكساس مدينة اسمها دينتون في مدرسة هناك كبيرة و كويسة . دلتا كواليفشن مدرسة تبعد تقريبا ساعة ونص بالسيارة عن مدرستي . في عندي بعض الاصحاب فيها ولكن لا املك المعلومات الكافية عنها . الي اعرفه انو هي واقعة في مدينة Fort worth المنطقة حلوة جدا للطيران و قريبة من مطار الدولي DFW .. صاحب المدرسة واحد من ليبيا عربي الجنسية اسمه ملود وهو ايضا طيار و مختبر يعمل checkride للطلاب . الطيارات يلي عندهم معظمها بايبر سنجل انجن و ملتي . ما اظن لو عندهم سسنا مو متاكد والله . الاسعار يلي رح تلاقيها في هذه المدرسة تشبه الاسعار في بقية المدارس الي في تكساس. في بعض المدارس في دالاس ولكنها غالية . انت شوف الارخص لانو في النهاية كلها رخص امريكية والطيران واحد بس الاختلاف انو بعض المدارس الغالية بتكون عندهم افرع في كل امريكا متل ATP or American Flyers
على فكرة لو حبيت تدرس في كواليفشن لازم يكون عندك سيارة لانو المدرسة بعيدة شوي عن السكن . ولا يوجد تكاسي ولا قطارات في تلك المنطقة . ممكن تحصل تاكسي بس غالي لو رح تاخده كل يوم يعني لو تاخد سيارة حوالي 2500 دولار ترتاح اكتر . لو احتجت اي مساعدة اعلمني انا من سكان دالاس حاليا .. وللابد :(

مشكور اخي ابو بكر بس بتقصد انك بتدرس بنفس المدرسة يلي راستلا انا لانو المدرسة تقع في تكساس واسما وعنوانا وموقعا على النت Delta Qualiflight, 151 Meacham Airport Circle, Building 4 North, Fort Worth, TX 76106 phone: (817) 626-6300


وياريت اذا انت بنفس المدرسة تعطيني معلومات اكتر عنا لانو ناوي اطلع وبلش فيها من ppl حتى atpl لانو راسلتن وبعتولي تفاصيل الدراسة وموجود بالموفقات
مع العلم اخي ابو بكر انا جنسيتي فلسطيني سوري ممكن هل الشي يأثر على الدراسة او على التوظيف مستقبلاً
وشكرااا كتير الك والله يعطيك العافية

انا مدرستي غير مدرسة Delta يلي انت شايفها . مدرستي تبعد عن دلتا حوالي ساعة ونص بالسيارة . انا ما رحت شخصيا وشفت المدرسة بس كان في اصحاب لي درسو فيها وما سمعت اي شكوى منهم عن المدرسة .. انا شفت الملف يلي بعته برنامجهم حلو وسعره رخيص بالنسبة PART 141
انا ما عندي معلومات كافية عن المدرسة . لو احتجت اي اسئلة كتيرة وتفاصيل دقيقة قولي هون وانا بتصل عليهم وبسالهم لك. بالنسبة للجنسية والله ما بعرف انا اخدت الفيزا من سنتين على جوازي السوري من العاصمة السعودية بالرياض بحكم اقامتي كانت في السعودية . إن شالله ما يكون عليك مشاكل انت توكل على الله.

شكراا كتير كابتن ابو بكر وكتر الله خيرك والله فضلت وعنجد خجلان منك كتير .حابب استفسر منك عن هل الامور
شو الفرق بين ال part 141 و part61 لانو part 61 اغلى فهل بيكون افضل
وبدي اعرف عن هل الاكاديمية

عندن برنامج كتير حلو مدتو من 6-8 شهور وباقي الاكاديميات مدة الدراسة فيها سنة او اكتر فهاد بيأثر وبالنسبة لسعر الدراسة بيكون شامل اسعار الطيران....بدي نصيحتك كابتن بلأفضل كونو عندك خبرة بدارسة الطيران وشكراااا كتير وبارك الله فيكي
Cessna 172S Garmin 1000 230 hours (15 Solo & PIC)(185 PIC)(70 Dual) Piper Seneca (Multi Engine) 20 hours (20 PIC)(20 Dual)

أولا انا جدا اسف على تعليقاتي المتأخرة لانو والله مشغول هذه الايام بين دراسة وشغل .. أنا مستغرب من هذه المدرسة Suprem aviation كيف لحد الان شغالة . هذه المدرسة يا أخي بإمكانك تقول أكتر مدرسة معفنة في امريكا. لو بدك اقول لك قصتي معها ما رح أخلص بس باختصار شديد لا تفتح موقع المدرسة هي ابدا . دلتا كواليفيشن تعتبر افضل منها بمليون مرة. يمكن الشي الوحيد يلي عملته لي مدرسة سوبريم هو انها ساعدتني للحصول على الفيزا الامريكية اما لما رحت المدرسة و شفت بعيني انصدمت جدا جدا والمدير صاحب المدرسة قاعد يعملي فيها انو مدرستو مافي احسن منها بكل تكساس. حتى بالاخير رحت مدرسة
US Aviation Academy و كملت تدريبي والف الحمد لله.

Part 141 هي عبارة عن دراسة رخصة طيران تشمل دراسة نظرية بمدة معينة في المدرسة يوميا لفترة معينة شهر او اسبوعين حسب الكورس و ايضا الطيران الفعلي . ( هذا ما يفضله الخطوط الطيران )
Part 61 وهي عبارة عن دراسة رخصة طيران فقط الطيران الفعلي . توضيح أكترر .. أنت إنسان ما عندك وقت للدراسة اليومية في المدرسة من الساعة الفلانية للساعة الفلانية بحكم شغلك اليومي ولكن تريد دراسة الطيران. في نظام بامريكا يقلك ادرس المواد النظرية مع نفسك في البيت عن طريق كتب او عن طريق فيديوهات و عن طريق اونلاين ولما تخلص الدراسة كلها تروح تختبر بالمدرسة اختبار اسمه
FAA Written Exam هذا الاختبار يشمل كل المواد يلي درستها مع نفسك . و أثناء دراستك للمواد تقدر تباشر طيرانك وعادي . النظام 61 غالي لانو في ساعات زيادة على الطالب يعني لحتى تاخد الرخصة البرايفيت بدك عدد ساعات معينة اما نظام 141 عدد ساعاته اقل.
هذا كل مافي الامر و السلام عليكم

شكر ا الك كتير وكتر الله خيرك والله يوفئك وينجحك كابتن ابو بكر واشنالله منشوفك احسن كابتن وطلب اخير اخي ابو بكر هاد ايميلي على الفيس بوك اذا حبيت ضيفني لما تكون فاضي بدي اخد رايك بمدرستك لانو انت مجربا لانو انا وضعي صعب اني ادرس طيران واتوظف على الخطوط السورية وانت بتعرف شو ترتيب الخطوط السورية
[email protected]

مرحبا اخي ابو بكر انا فتت على موقع المدرسة تبعك في عندن برنامج 500Hour Professional Pilot Program

الله يسمع منك يارب أخي الكريم وأنا ما عملت الا الواجب .. بس عنجد انا اسف بس لانو ما عندي حساب على الفيس بوك حاليا. بامكانك تتواصل معي هون او على ايميلي :
[email protected]


أنت قصدك على هاد البرنامج :
Professional Pilot Programs, Become a Commercial Airline Pilot | 866-383-2400 | US Aviation Academy | 4850 Spartan Drive, Denton, TX 76207

اول شي انت بامكانك تدرس كل الرخصة من البداية للنهاية ولكن حط ببالك انو الاسعار يلي حاطينا انو ممكن تزيد بالسهل جدا وهذا بسبب طيرانك المتزايد لاسباب عديدة جدا. يعني هنن قالو في البرنامج البرايفت 35 ساعة ولكن الطلاب يلي بالمدرسة عم يخلصو على 60 ساعة او 50 ساعة وهذا شي عادي جدا اما 35 ساعة هاد الحد الادنى للرخصة.
تاني شي بالنسبة لرخصة المدرب CFI AND CFII بصراحة بقلك ياها انو رح تاخد معك طويل شوي لانو بالمدرسة عندي بيدققو على كل صغيرة و كبيرة وما بدهم اي طالب بيدرس رخصة التدريب ومو فاهم شي . بدهم يعملو لك اختبارات كتيرة شوي منشان لما يجي وقت الاختبار النهائي تنجح بسهولة وهذا الشي بيفضله بعض الطلاب و يرفضه بعض.

لو درست رخصة التدريب وبدك تشتغل معاهم لازم يكون معاك work permit. أما لو ما معك فا تقدر تطير معاهم من غير راتب يعني بس تجمع ساعات.

لو حابب تجمع ساعات من غير دراسة رخصة التدريب بامكانك تستاجر طيارة من المدرسة انت وطالب تاني تطير فيها انت وياه وكل واحد يدفع نصف ثمن الرحلة يعني لو طرتو ساعتين انت تدفع ساعة والطالب الاخر يدفع ساعة وانتو الاثنين تقدرو تسجلو في اللوج بوك انو كل واحد منكم طار ساعتين كاملين. هاد الشي حلو ورخيص. هذا متل حل أخر عم قلك عليه وانت بكيفك . انا حاليا بدي ادرس رخصة التدريب مع المدرسة ان شالله ولكن بعد فترة شهر او شهرين . حتى تتسهل السيولة المالية

مشكورر كتير اخي ابو بكر على هل المعلومات وكتر الله خيرك انا بعتلك اضافة على المسنجر و منتواصل انشالله و راح اطلع على لبنان اعمل الفحص الطبي تبع ال FAA

ياريت الاسعاررر