انطلاق اول نادي طيران في ليبيا

**imazighene** · 21-10-2013, 09:28 PM

السلام عليكم انا ادريس من صبراتة لدي عدة مواضيع ودروس منزلها فالمنتدى يمكنك الأطلاع عليها منها ما هو مترجم وما هو غير مترجم لدي خبرة لابأس بها درست عدة كتب في هدا المجال
وانا دارس الكترونات وأشتغل في صيانة الهواتف والحواسيب
لازلنا نعاني من نقص القطع الازمة لهاته الهواية لاكننا نحتاج الأن الى يطاقة أئتمان(visa card) فقط هل يمكنك المساعدة؟
وستأخد ما تحتويه البطاقة من رصيد
وشكرا

**مجدي المجدلي** · 22-10-2013, 02:01 AM

وعليكم السلام اخي ادريس
بالنسبة لطريقة استعمال الفيزا من ليبيا اعتقد مفيش مشكلة الا العنوان . مستعملتش الفيزا داخل ليبيا في الواقع سافرنا الي الشركة المصنعة جبنا البضاعة كلها دفعة وحدة افضل لكن تاكد من البريد فقط وتقدر تشري من الانترنت . بالدات جهاز الارسال والاستقبال والسيرفوهات اهم شي .
اما مواد اتصنيع مبدئيا تقدر تستعمل مواد من داخل ليبيا زي الفوم انقولوله احني الخفاف وهوا انواع مختلفة تقدر تصنع بيه النمودج الاول لو احتجت مساعدة في كيفية التصنيع انساعدوك عندنا خبرا سوا
في طائرات بدون طيار . سكيل . او طائرات استعراض الخ... المهم انت توكل علي الله .

**imazighene** · 26-10-2013, 01:10 AM

شكرا جزيلا لدي عدة تصاميم بالفيوم أو الفلين وتصاميم بخشب البالزا وصممت طائرة سيسينا بالفلين المنزلي أي بتاع مواد منزلية خفاف رديء ومروحية عاطلة وعلاقة ملابس للعجلات وسيرفوات من محرك ألعاب مع التروس
أي طائرة من القمامة كأول تحدي وكان محركهاينتج التراست بنسبة 75في المية لاكنها كانت تدور يسارا قبل الأقلاع
فتخرج عن مسار ها اي من الطريق لتصتدم بالأعشاب كنت حينها لا أعرف قاعدة مهمة وهي ضرورة حرف المحرك يمينا ب3درجات كي لا تؤتر المروحة في أنحراف الطائرة فحاولت أصلاح نضام الباور فأفسدت الجير بوكس ثم توقفت عن العمل في دالك لفترة طويلة

**abu_abdalah** · 26-10-2013, 06:20 AM

ما شاء الله تبارك الله ..

مبرووك والله يوفقكم ويساعدكم ويسهل اموركم ..

الصراحه اذا عندك اي خلفيه او مساعده من ناحية الجمارك السعوديه نكون لك من الشاكرين ,, وشكرا لك :) :)

اتمنى لك التوفيق

**مجدي المجدلي** · 26-10-2013, 07:40 PM

كويس خطوة ممتازة مش مهم انها اطير من اول مرة . الاهم انك تعلمت منها دروس . دكرتني زمان اول طيارة كانت بي عجلات كروسة والمحرك امتع منشار قص الاشجار . لحد الان الطائرة محتفظ بيها ك دكري . المهم ان شاء الله الان افضل . صحيح زاوية المحرك اتكون ميول لنفس اتجاه حركة المروحة . انفضل لو انك قدفت طائرتك افضل من roll up علي الاقل تتاكد من CG حتي لو ركبت المحرك مستقيم اطير عادي لكن دوران لليمين فقط . لكل فعل رد فعل مساوي له في المقدار ومعاكس له في الاتجاه هدا اللي ايصير للمحرك راهو حتي الطائرات الكبيرة نفس الشي . حاول مرة تاني . ايه نبي نسئلك شنو جهاز التحكم اللي جربته ؟
بالنسبة للاخ معنديش فكرة عن الجمارك في السعودية اكيد فيه شباب من السعودية عندهم خلفية اكتر .

انطلاق اول نادي طيران في ليبيا

انطلاق اول نادي طيران في ليبيا

تعليق

تعليق

تعليق

تعليق

تعليق