هل الطيران مثل الإعلام !! الجيد يأخذ فرصته ( للنقاش )

في البداية معروف ان شركة بوينغ عندها احصائية بخصوص عدد احتياج شركات الطيران للطياريين خلال العشرين سنة المقبلة و هو 460 ألف طيار. محسوب من سنة 2011 الى 2031.

لو نقسم عدد الطياريين على السنوات بيكون المعدل السنوي 23000 طيار في السنة. طبعا هذا الاحصائية على مستوى العالم.

الان بنتكلم عن عدد الخريجين. حاليا في اكثر من 1800 اكاديمية طيران في انحاء العالم, بعضها صغيرة و تستوعب طلاب اقل و بعضها كبيرة و تستوعب طلاب اكثر مثل اوكسفورد. عدد الخريجين في اكاديمية اوكسفورد سنويا 2000 طيار خريج و ايضا في اكاديمية CTC نفس العدد. طبعا هذا الاكاديمتين تعتبر في القمة و الاكبر لكن اغلب الاكاديميات تخرج عدد اقل بكثير

اذا حسبنا عدد الطياريين اللي اتخرجو من الاكاديميتين اللي ذكرتهم فقط على مدى العشرين سنة بيكون 80 ألف طيار.

أظن ان الصورة اتوضحت, لكن في نقاط مهمة ايضا.
1-خريجين الاكاديميات الشهيرة مثل اوكسفورد, CTC, FTE JEREZ, Flight Training Adelaide, ATLANTIC FLIGHT TRAINING, FLIGHT SAFTEY ACADEMY و غيره يكون لهم الاولوية في التوظيف.
2- خريجين نظام الJAA لهم فرص عمل اكثر من الFAA بنسبة متوسطة.
3- عدد الاكاديميات و الطلاب في ازدياد مستمر.


احب اوضح ان هذا الكلام ليس للتحبيط لكن هذا هو الواقع و ارقام و احصائيات من شركات تعمل في مجال الطيران منذ البداية و المصادر موجودة في حال الطلب او تقدرون تبحثون عنها في النت. بالنسبة لي اذا العالم كله قرر انه يصبح طيار ما بتنازل ابدا و بستمر بأذن الله في تحقيق هدفي, انا ان شاء الله بدرس نظام الFAA و بشتغل مدرب و اجمع ساعات و خبرة حتى اتوظف في شركة طيران.

اخيرا لا ننسى ان الارزاق بيد الله و كل شيء مكتوب.

هذي اخر احصائية واتوقع اي شخص بيحط قدامه هدف ما راح يتوقف حتى يحقق هدفه

الاحصائية اللي اتكلمت عنها موجودة في صفحة 3 http://www.boeing.com/assets/pdf/com...ianOutlook.pdf

يسلمو اخوي على الموضوع الاكتر من رائع وكل شيء قسمه ونصيب وربنا ما حيدينا الا الي فيه الخير

مع شكري وتقديري..
محمد.

والله شئ مفرح لما الواحد يشوف الإحصائيات هذي ،،،،


ويا رب ما يضيع تعب أحد إخوانا اللي درسو وتعبو

يعطيك العافية اخوي

مافيه احلى من ان شركه الطيران هي التي تتكفل بدراستك وبعد ماتخلص تشتغل معاهم ،،

اما الطيران بصراحه مستقبله مجهول تدفع اموال باهظه وفي الاخير لا تدري اين تكون فايجب ان تحسب حساب لهذه النقطه ، والاخذ بالاسباب واللي كاتبه رب العالمين ياخذه ،،