تويت
رحلتي القصيره الي الشارقه ودبي
الوجهه مدينة الشارقه ومنها الي دبي
تاريخ الرحله 5- 12 - 2007 م
يوم الاربعاء مساء .. الساعه السادسه تقريبا ...
نرحب بكم في دوله الامارات
بصراحه انا أحبذ السفر على طيران الامارات ، لكن للأسف لم نجد الا مقعد واحد ، فاضطررنا الي حجز على العربيه للطيران ...وهذي أو ل مره نسافر عليها ،،وكنت متخوفه المهم طبعا لاخدمات ،ولاشي وبسبب اسعارها الرخيصه ،،، عموما الرحله قصيره وقلنا يالله عليها
سأبدأ بدايه عن مدينه الشارقه حيث حطت طائرتنا هناك
نزلنا في مطار الشارقه انا وصاحبتي ،
هذي نبذه عنها
الشارقه مدينه هادئه جدا مافيها ضوضاء
تجولنا فيها بالسياره انا شيفتها من كم سنه بس صاحبتي أول مره تزور الامارات ،
طبعا مرينا على البحيره ، ويسمونها بحيرة خالد ....جميله ونظيفه ،،، ورحنا سوق الشاره روعه كأنه قطار ...معمار أسلامي تحفه ...والشوارع منظمه ومافيها أزدحام ،وبعدهارحنا مطعم بر وبحر ....الاقال فيه حجز ، توني باقول لالالالالالا الا صاحبتي هههههههههه قالت حجزنا بالتلفون ....المهم دخلنا والمكان يصلح للعوائل في كبائن حلو ....عندهم أكلات هنديه وصينيه وكل مالذ وطاب ، أكلنا ومشينا ، ماعندنا وقت لأن يوم واحد فحبينا نستقله
نرجع لمطار الشارقه
على فكره المطار بسيط جدا فرق شاسع بينه وبين مطار دبي .... وماعجبني لكن مرغم أخيك لابطل ...
المهم خلصنا الاجراءات ، ولا تفتيش ولاغيره ..ههههههههه شخصيات
طلعنا ننتظر تاكسي ، قال معاكم رجل قلت لا ....قال في تكاسي حريم روحوا هناك
الملفت والي عجبني ان فيه تكاسي السائقات بنات ، يعني شي حلوووو .... للي مثلنا رايحين بروحهم ، بصراحه نتظرنا كثير وكان لازم نحجز لتكسي البنات ، حسيت بالملل ...شفنا عايله بحرينيه وقلنا لهم احنا تعبانين وبنطلع وراكم بالتاكسي علشان يوافق يركبنا...المهم اخذنا تاكسي مشينا ....ورحنا اشترينا بطاقة اتصالات 150 درهم ، أوفر من استخدام جوالنا ...وتفادي لفواتير المكالمات الخارجيه ...بعد ساعه اشتغلت البطاقه ، كلمنا أهلنا .... وبعدين رحنا الفندق الي حجزناه وهو المها للشقق الفندقيه
الليله 400 درهم مع الافطار
والنت الساعه 10 دراهم واليو م 35 درهم والاتصال تعبان
وهذي بعض الصور عن الفندق
الاستقبال
المدخل ....
الصاله
المطبخ
وهذا وانتوا بكرامه الحمام
المهم انا من وجهة نظري الفندق حلو ليوم واحد استراحه ، لأني ماحجزت بدبي ، قلنا نرتاح وبالنهار أفضل نروح نشوف فندق يعجبنا ،
عيبه ان المطعم للأفطار بالمدخل ...، والخدمه عندهم مش ذاك الزود
طلبنا شاي نطرنا ساعه وطلعنا وماشفنا الشاي ، ومن اول ماحجزت في نت قالوا نعم لما وصلنا ، قالوا انتظروا للصبح الباسورد والواير بالاستقبال ،، انتظرت الصبح كلمتهم قالوا بعد الساعه تسع ... المهم دفعت ومااستفدت منه كلها نصف ساعه وطلعنا ، انتظرنا تاكسي يمكن ساعه علشان يوصلنا دبي ... والنكته انا راعي التاكسي
مايدل دبي ههههههههههه انتوا قولوا وانا باوصلكم خخخخخخخخخخ
المهم انا كنت خذت من النت رقم عرب لنك ....رحنا المكتب ومن هناك حجزنا على ستار بوتيك ، المكتب عن طريقه تحصل على تخفيض،
الي هنا سأتوقف وانتظروا عن تفاصيل حلوه عن دبي ...أجمل المدن
تعليق