الاحترام المتبادل بيننا و بين الخطوط السعودية. ارجو الدخول

تبداء القصة من سفري من الدمام الى الرياض على خطوط ناس يوم الجمعة مساءً وكانت رحلة جيدة وبلا متاعب . وعند العودة يوم السبت مساءً بداءات المتاعب . عند وصولي لمطار الملك خالد بالرياض للعودة الى الدمام ذهبنا للحجز الساعة 5 بعد العصر من مبيعات التذاكر بالمطار. ذهبت لاسئل الموضع هل يوجد رحلة للدمام فقال قف في الطابور ثم اجيب عليك. ما اروع الرد.و الطابور ما شاء الله طويل عريض و هو موظف مافي ابرد منه . طيب انت رد في او لا مش اوقف في الطابور ولما اوصلك تقول مافي علشان اشوف خطوط تانيه . المهم و قفت في الطابور. ولما وصلت يقولي الدمام انتظار و الرحلة 9:30 قلنا مو مشكلة ممكن نلقى مكان رحنا سجلنا في الانتظار ارقام . جأت الساعة 9 قام ينادي ع الارقام طلعت تقريبا 8 مقاعد فارغه و ذهب اصحاب النصيب لها و قال الموظف انتظرو للرحلة القادمة الساعة 10:30 انتظرنا و لما يكون عليها سوى مقعد واحد فقط و كل شوي يتغير موظف و يجي موظفين اخلاق ما عندك احد يرد عليك غصب . توجهة لمكتب المبيعات لكي ارجع التذكرة واذا بموظف اعوذ بالله على اخلاقه اللي هو مشرف المبيعات اقول له ابي ارجع التذكرة يقول ما ترجع الا من مكتب البلد.(مكتب البلد) لا اله الا الله ايش يفكرو هالموظفين الناس بس تروح و تجي و خلاص. شئلت موظف تاني قال روح للمشرف التنفيذي ابو جاكيت اصفر رحنا له يقول ما ادري كيف ترجع ما اعرف ما عندي فكرة ماشاء الله ما عنده فكرة و مشرف تنفيذي ايش خلى للموظفين العاديين.ارجع للمبيعات طلع صاحب المبيعات معصب علينا واحنا اللي ودنا مو بس نضربه الا ندفنه من رده يقول روحو لمدير المطار التنفيذي رحنا و ما اجمل المدراء حق الخطوط . يقول روحو للمشرف التنفيذي حق المبيعات ابو جاكيت اصفر و ياشر على الطاوله حقه الصفراء يفكرنا ما نعرف الالوان. قلنا له رحنا يقول ما يدري وانت ما تدري ايش هالمدراء و كل واحد يرسلنا للثاني . فرضنا واحد ما عنده غير فلوس التذكرة اللي حجزها و مافي رحلات ايش يسوي مافي تقدير للمسافر في الخطوط. المهم رحت لطيران السما الرائع و حصلت رحلة الساعة 12:15صباحاً و حجزنا عليها و رجعنا و لله الحمد . الخطوط السعودية شركة كبيرة و مسافرينها كثر رايحه تاخذ طائرات امبرير 60 راكب علشان ما احد يسافر تنظيم فاشل و ادارة فاشلة.

اتمنى التوفيق لشركة طيران سما و طيران ناس . و ان شاء الله يفكونا من الخطوط و معاملتهم السيئة للركاب.