تقديم شركة السلام

**يارب يقبلوني** · 24-06-2008, 04:07 PM

رد: تقديم شركة السلام

سبقتني بها يازعيم

وهذا ان دل والله انه يدل على طيبك وحبك الخير للجميع

بيض الله وجهك ورايتك بيضا وان اخوك

عندي سؤال يا زعيم

انت من اي منطقه ؟

**زعيم الفاشلين** · 24-06-2008, 04:08 PM

رد: تقديم شركة السلام

طيب وش المقصود

اختبار المرحلة الأولى

ELT TEST

بين هذا وهذا

اختبار المرحلة الثانية

SHL / IELTS

انا من الرياض

**يارب يقبلوني** · 24-06-2008, 04:15 PM

رد: تقديم شركة السلام

ابسألك يالزعيم

وش الاختبارات عنه

انجليزي ولا وشو ؟؟

**مضيف جوي** · 24-06-2008, 04:35 PM

رد: تقديم شركة السلام

يا شباب و الله سبقتوني بها و كفيتوووفيتوا
بس تكفووووووووووووووووووووووووووووووووووووووووووووووو ووون
يا عيال الرياض نخيتكم علومومنا و ش ذي الاختبارات ويا
mechanic
تكفى علمنا يا راع العلوم الزينه

**يارب يقبلوني** · 24-06-2008, 04:45 PM

رد: تقديم شركة السلام

السلام عليكم

يا شباب جبت لكم العلوم الزينه

عن الاختبارات

اولا ELT TEST :

هذا اختبار انجليزي عام مثل اي اختبار تحديد مستوى

ثانيا SHL :

هذا اختبار تحديد مستوى وقدرات الطالب

وهذا رابط يتكلم عن هذا الاختبار بالتفصيل وبالعربي بعد

http://www.shldirect.com/ar/index.html

ثالثا IELTS :

هذا المرادف لاختبار التوفل الامريكي

يعني اختبار توف بس انه بريطاني
واللي قريت عنه انه اسهل من التوفل الامريكي

وهذا موقع يشرح الاختبار ومدته وفاعليته

http://arabhardware.net/forum/showthread.php?t=47995

اسأل الله التوفيق لنا ولكم

**ibrahim-2999** · 24-06-2008, 05:09 PM

رد: تقديم شركة السلام

السلام عليكم يأخي يارب يقبلوني

صراحة نشكرك على ماقدمت لنا من مواضيع

والله يوفقك ان شاء الله

صراحة بشكل عام اصعب اختبار هو IELTS

صعب فهمه ولاكن بحاول ادور عن مواضيع اخرى عنه وعن امثلته

وبالتوفيق للجميع

**يارب يقبلوني** · 24-06-2008, 05:12 PM

رد: تقديم شركة السلام

ابراهيم الله يسلمك

والله ما حبيت احطم الشباب عن الاختبار الاخير

قريت عنه بكذا منتدى متخصص

لقيتهم يقولون انه اصعب من التوفل

وانه اصبح مطلوب اكثر من الامريكي

لكن الله معنا ان شااء الله

**اكرام ركان** · 24-06-2008, 05:17 PM

رد: تقديم شركة السلام

شباب الله يعطيكم العافيه

اتمنى التوفيق للجميع

**ملك الوحده** · 24-06-2008, 05:22 PM

رد: تقديم شركة السلام

السلام عليكم ورحمة الله وبركاته
بعد بحث عن معلومات عن الشركه حصلت المنتدى هذا
أنا أول مره أشارك فيه
الله يعطيكم العافيه يارب على هذى المعلومات
والله أنكم كفيتوا وفيتوا
طيب أنا جتنى رساله منهم
تقول شيك على موعد ووقت الأمتحان
والموقع مغلق مافتح معى
يالليت اللى ظاهر معه الجدول يزودنى فيه
أنا أقرب شى لى الرياض
تقبلو تحياتى

**ibrahim-2999** · 24-06-2008, 05:27 PM

رد: تقديم شركة السلام

اخوي ملك الوحده بالنسبة لمدينة الرياض:

اختبار المرحلة الاولى (ELT TEST) :
غداً الأربعاء من الساعة 8 صباحاً إلى 3 عصراً
في فندق ماريوت

أختبار المرحلة الثانية (SHL / IELTS) :
يوم السبت القادم من الساعة 8 صباحاً إلى 3 عصراً
في فندق ماريوت

**ibrahim-2999** · 24-06-2008, 05:32 PM

رد: تقديم شركة السلام

انا بالنسبة لي ان شاء الله المرحلة الاولى واختبار سي أتش إل

ان شاء الله نتوفق فيه لانه فيه موقع إلي حطه الا ياريت يقبلوني

وفيه تدريب .

بس المشكلة الصغير اختبار IELTS هو إي انا خايف منه
والمشكلة انه ماخبرونا من اول يعني فجئه خبرونا
الواحد مايلحق يتدرب عليه ولايسئل عنه

بس اني ابي اعرف المرحلة الثانية للجميع

حتى خرجين الثانوية والدبلومات ولا كيف؟

**ibrahim-2999** · 24-06-2008, 05:38 PM

رد: تقديم شركة السلام

وأهم حاجة شباب تكفه ياأهل الرياض

لاتنسونا بعد ماتختبرون ياريت لو تجون هنيه وتعلمون

وش لون الاختبار.

**يارب يقبلوني** · 24-06-2008, 05:54 PM

رد: تقديم شركة السلام

شباب لا تخافون

ان شااء الله الامور متيسره باذن الله

وما عليكم الا التركيز والتدقيق في السؤال

وان شااء الله تحلون صح

**ملك الوحده** · 24-06-2008, 07:49 PM

رد: تقديم شركة السلام

أخوى ibrahim-2999
الله يعطيك العافيه
بس أختبار المراحل محدد بالمستوى
يعنى المرحله الاولى مثلاً لدبلوم والثانيه لثانوى
أو لابد من الدخول فى المرحلتين جميعها
وإذل طالبين أوراق أو أى شى ياليت تخبرنى
لانى فى حفر الباطن
وبمشى الليله
والله يوفق الجميع ..
شباب اللى عنده أى معلومات يفيدنا فيها..

**ibrahim-2999** · 24-06-2008, 08:06 PM

رد: تقديم شركة السلام

أيه اخوي ملك الوحده فيه طلبات وهي:

1- صورتين شمسية 3 x 4
2- أصل بطاقة الأحوال الشخصية مع صورة لها
3- أصل شهادة الثانوية العامة أو صورة مصدقة لها
4- شهادة حسن سيرة وسلوك

**ملك الوحده** · 24-06-2008, 08:11 PM

رد: تقديم شركة السلام

الله يعطيك العافيه أخوى
وما قصرت
وإن شاء الله بكره أعطيكم الزبده بعد مطلع من الأختبار
دعواتكم لنا بالتوفيق

**الاول909** · 24-06-2008, 08:50 PM

رد: تقديم شركة السلام

كيفكم شبااااب
الحمد لله وصلتني الرسالة وان شاء الله نتوفق فيها .
بس ياشباب لقيت روابط وانا ابحث في قوقل عن شركة السلام بصراحة خوفتني مرة.

هذا الرابط الاول>>> http://www.atiaf.com/vb/atiaft15678.html

هذا الرابط الثاني>> http://www.aljoood.com/forums/showthread.php?t=1697

تكفون ياشباب وياخبرات المنتدى اللي عنده خلفية عن تعامل الشركة وهل مازال كما في الروابط تعامل سيء ام هناك استقرار وظيفي؟

ولكن ياشباب لاتنسون دعاء الاستخارة/ اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (وظيفة شركة السلام ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (وظيفة شركة السلام ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ .

**يارب يقبلوني** · 24-06-2008, 09:26 PM

رد: تقديم شركة السلام

اخوي الاول

الله يصلحك تاكد من تواريخ المواضيع

هذي كلها قبل 5 سنوات واكثر والشركه كانت في طريق التطوير

الحين الوضع تغير

الله يهديك

تاكد من المعلومات قبل تنشرها

**mechanic** · 24-06-2008, 10:27 PM

رد: تقديم شركة السلام

المشاركة الأصلية بواسطة الاول909

كيفكم شبااااب
الحمد لله وصلتني الرسالة وان شاء الله نتوفق فيها .
بس ياشباب لقيت روابط وانا ابحث في قوقل عن شركة السلام بصراحة خوفتني مرة.

هذا الرابط الاول>>> http://www.atiaf.com/vb/atiaft15678.html

هذا الرابط الثاني>> http://www.aljoood.com/forums/showthread.php?t=1697

تكفون ياشباب وياخبرات المنتدى اللي عنده خلفية عن تعامل الشركة وهل مازال كما في الروابط تعامل سيء ام هناك استقرار وظيفي؟

ولكن ياشباب لاتنسون دعاء الاستخارة/ اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (وظيفة شركة السلام ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (وظيفة شركة السلام ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ .

حياك الله اخوي

شفت الراوابط

واحب اطمنك ان المواضيع هذي قديمة هذا واحد

والشئ الثاني وهو المهم

المشكلة هذه في شركة من من مجموعة شركات السلام

وهي شركة متعاقدة مع القوات الجوية لفترة محددة

ويسمى " برنامج "

البرنامج يكون مدته حوالي خمس سنوات

وممكن القوات الجوية تجدد العقد او تلغيه

وانت اذا كنت موظف في هذا البرنامج

راح تكون عارف هذا الشئ

وايضاً يكون عقدك معاهم سنوي او كل سنتين

وانت ايضاً عارف هذا الشئ

ممكن تستغرب .... طيب ليش ال500 او 400 واحد

هذولي اساساً توظفوا في الشركة وهم عارفين

ان اي وقت من يجي انهاء خدماتهم؟؟؟

الجواب هو الرواتب المرتفعة !!!

موضوعنا ماله شغل بهذي السوالف

توظيفكم ان شاء الله راح يكون في نفس مقر الشركة في الرياض

على الطائرات المدنية

وهذا العمل ماله اي علاقة بعقود!!!!

اتمنى اكون وضحت الصورة

وبالتوفيق للجميع

ولا تنسونا يأهل الرياض باكر

الله ييسر اموركم جميعاً

**ملك الوحده** · 24-06-2008, 10:35 PM

رد: تقديم شركة السلام

أبشروا والله ياشباب بكره من أطلع من الأختبار
أعطيكم كل شى (( الخيط والمخيط )) يعنى الزبده..
بس لاتنسونا من دعائكم ..
الله يوصلنا بالسلامه ..والله يكتب لنا اللى فيه الخير يارب..
((وشكر خاص لكم ياخوان على الجهد المبذول ))

**mur2004** · 24-06-2008, 10:57 PM

رد: تقديم شركة السلام

الله يوفقك يا شباب

بس ابي اعرف اختبار SHL هذا راح يكون بالعربي ولا بالانجليزي

وبعد وش سالفة من الساعة 8 -3 كل هذي الفتره اختبار ولا على دفعات

ولكم خالص تحياتي

**اكرام ركان** · 24-06-2008, 11:20 PM

رد: تقديم شركة السلام

الله يكتب الي فيه الخير ياشباب

بس كنت ابغى اسال عن موقعهم الي في جده

(فندق قولدن توليب)

بالضبط وين في اي شارع ترى ما ادله زين

**mechanic** · 24-06-2008, 11:38 PM

رد: تقديم شركة السلام

المشاركة الأصلية بواسطة اكرام ركان

الله يكتب الي فيه الخير ياشباب

بس كنت ابغى اسال عن موقعهم الي في جده

(فندق قولدن توليب)

بالضبط وين في اي شارع ترى ما ادله زين

مكتوب في رابط الشركة

فندق الكعكي سابقاً

هذي ارقام الفندق

6312201

6311350

اتمنى تتصل فيهم وتأخذ العنوان

واحسن تتأكد ان اختبارات الشركة بتكون عندهم

وبالتوفيق ان شاء الله

**mur2004** · 25-06-2008, 01:45 AM

رد: تقديم شركة السلام

الله يوفقكم يا شباب

بس ابي اعرف اختبار SHL هذا راح يكون بالعربي ولا بالانجليزي

وبعد وش سالفة من الساعة 8 -3 كل هذي الفتره اختبار ولا على دفعات

ولكم خالص تحياتي

**الاول909** · 25-06-2008, 02:18 AM

رد: تقديم شركة السلام

المشاركة الأصلية بواسطة يارب يقبلوني

اخوي الاول

الله يصلحك تاكد من تواريخ المواضيع

هذي كلها قبل 5 سنوات واكثر والشركه كانت في طريق التطوير

الحين الوضع تغير

الله يهديك

تاكد من المعلومات قبل تنشرها

الله يسمع منك ويصلحنا ويهدينا جميعا ,اانا متاكد ياخوي اني قريت التواريخ قبل ماانشر الروابط ولا بالله عليك ليش انا سالت وقلت هل مازالت الشركة مثل اول ولا صا فيه استقرار وظيفي اللحين؟؟؟؟؟
يعني بالله عليك وش هدفي من نشرها تتوقع؟؟؟؟!!! ترى ياخوي انا راح اختبر معك وانا وانت اللي راح نتضرر لو كان نفس نظامها الاول علشان كذا لازم تعرف وش انت عليه في هذي الشركة.

تمنيت انك قبل ماترد انك قريت انا وش كاتب بالظبط علشان ماتتسرع وتحسب اني ابي اضر احد من نشري للروابط. وان شاء الله انهم يقبلونك فيها.

بس تصدق!!!! مستغرب منك انك رديت على الشيء السلبي الروابط وماتكلمت الشيء الايجابي على صلاة الاستخارة. بس برضه في الاول والاخير الله يوفقك دنيا واخرة.

**الاول909** · 25-06-2008, 02:27 AM

رد: تقديم شركة السلام

المشاركة الأصلية بواسطة mechanic

حياك الله اخوي

شفت الراوابط

واحب اطمنك ان المواضيع هذي قديمة هذا واحد

والشئ الثاني وهو المهم

المشكلة هذه في شركة من من مجموعة شركات السلام

وهي شركة متعاقدة مع القوات الجوية لفترة محددة

ويسمى " برنامج "

البرنامج يكون مدته حوالي خمس سنوات

وممكن القوات الجوية تجدد العقد او تلغيه

وانت اذا كنت موظف في هذا البرنامج

راح تكون عارف هذا الشئ

وايضاً يكون عقدك معاهم سنوي او كل سنتين

وانت ايضاً عارف هذا الشئ

ممكن تستغرب .... طيب ليش ال500 او 400 واحد

هذولي اساساً توظفوا في الشركة وهم عارفين

ان اي وقت من يجي انهاء خدماتهم؟؟؟

الجواب هو الرواتب المرتفعة !!!

موضوعنا ماله شغل بهذي السوالف

توظيفكم ان شاء الله راح يكون في نفس مقر الشركة في الرياض

على الطائرات المدنية

وهذا العمل ماله اي علاقة بعقود!!!!

اتمنى اكون وضحت الصورة

وبالتوفيق للجميع

ولا تنسونا يأهل الرياض باكر

الله ييسر اموركم جميعاً

الله يعطيك الف عافية اخوي على ردك الجميل والحمد لله اني استفدت اللحين من وضعي للروابط وان البرنامج هو اللي كان فيه المشاكل اهم شي مو الشركة نفسها اللحين وضحت الامور.

الله ييسر عليه وعليكم الاختبارات لاني شاااااايل هما والله , بس ان شاء الله ان الحلم يتحقق وان شغلي يكون في مجال الطيران.

**ملك الوحده** · 25-06-2008, 07:27 AM

رد: تقديم شركة السلام

صباااااااااااح الخير شباب
أبشركم وصلت بالسلامه الرياض
الساعه الان 7.20 ونا مواصل مانمت صار لى يوم وليله
مسافة الخط
بس نبى دعواتكم ...
بدخل بعد نصف ساعه الفندق..
وبعد ماخرج أوافيكم بالاخبار أول باول إنتظرونى..
يارب توفقنا يارب....

**ibrahim-2999** · 25-06-2008, 09:37 AM

رد: تقديم شركة السلام

يالله الله يوفقكم يااهل الرياض

بس انا عندي سؤال :

بعد التدريب إلي هو في مدينة الرياض ممكن الواحد بنتقل إلى مدينة جدة؟

ولا اقعد طول عمري في الرياض يعني طالما انا اشتغل عندهم؟

**ykoheel** · 25-06-2008, 10:11 AM

رد: تقديم شركة السلام

احبائي بارك الله فيكم تذكروا دائما بأن على الانسان ان يسعى ويجتهد وان لايتكل الا على الله سبحانه وتعالى

عن ابي العباس عبد الله بن العباس رضي الله عنه قال
كنت خلف النبي صلى الله عليه وسلم يوما فقال(ياغلام اني اعلمك كلمات احفظ الله يحفظك احفظ الله تجده تجاهك وأذا سألت فاسأل الله وأذا استعنت فاستعن بالله واعلم ان الأمه لواجتمعت على ان ينفعوك بشي لم ينفعوك الأ بشي قد كتبه الله لك وان اجتمعت على ان يضروك بشي لم يضروك بشي الأ قد كتبه الله عليك رفعت الأقلام وجفت الصحف)

وفقكم الله وسدد خطاكم

**DESERT EAGLE** · 25-06-2008, 10:19 AM

رد: تقديم شركة السلام

السلام عليكم شباب
أنابعدوصلتني الرساله
واختباري بيكون يوم الثلاثاءوالاربعاء
في فندق الميرديان
في احديدل موقعه

تقديم شركة السلام

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق