-
-
رد: تقديم شركة السلام
اخي العزيز
المكتوب مكتوب وهذا من الله تعالى
اصبر وتحمل واحتسب الاجر
وكل تأخيرة فيها خيرة ان شاءالله
لكن انا مااشوف فيها واسطات ولا شي
غير واسطتي الله تعالى
واذا كان فيها خير فالله يكتبها لي
وانا حتى ماااكون ظالم لك او لغيرك
ترا كل الاختبارات كانت بتوفيق من رب العالمين
ويومها جاني اتصال من اخي العزيز محمد القحطاني يبشرني بالاتصال
وكنت جدا سعيد :)
وعندي مقابلة يوم الاثنين الجاي ان شاءالله
واسأل الله لي ولكم التوفيق
تعليق
-
رد: تقديم شركة السلام
اخوي وحي الخاطر يعطيك الف عافية ياليت تخبرنا بعد المقابله وش اسئلتهم وطبيعه المقابله عشان نستفيد ويستفيد الجميع
تحياتي لكتعليق
-
رد: تقديم شركة السلام
السلام عليكم
انا كنت مسافر الاسبوع اللي راح وماقدرت ادخل النت
ابششششركم جاني الاتصال الاسبوع اللي راح والحمد الكثير لله
وقالولي مقابلتك يوم الاحد اللي هو بكرا ومن بعدها محد كلمني
فيه احد معي يختبر الاحد ولا لا
وفيه احد اختبر اليوم ؟
اتمنى التوفيق لجميع اللي انقبلوا
واتمنى الحظ الاوفر للباقين
شكراتعليق
-
رد: تقديم شركة السلام
ابشر اخوي اندرلاين
كلمت الشركة قبل شوي وسألت الأخ محمد القحطاني بعض الاسئلة ومنها
انه فيه كم اختبار بسيط وبعده المقابله
والمقابله مكونه من لجنة بريطانيين وسعوديين ماقال العدد
ةقال انه اللي تأهلوا من الـ 75 بالرياض وجده والدمام 21 شخص فقط
والمطلوب بعد المقابله 10 أشخاص فقط فقط فقط ((قووووية))
يعني نسبة النجاح على الله فيه 11 شخص برى اللعبه
الله يستر ويوفقنا جميع
وان شاء الله بكرا بعد المقابله بعطيكم الزبدة
بس ادعووولي تكفووون
الشكر للجميعتعليق
-
رد: تقديم شركة السلام
بالتوفيــق ان شاءالله
واتمنى انك تساعدنا في كيفية الاختبار وياكتعليق
-
رد: تقديم شركة السلام
هل هناك من اختبر اليوم الســبت ؟
اتمنى الافــادة لكل الموجودين
وشكرا لكمتعليق
-
رد: تقديم شركة السلام
السلااام عليكم
انا توي جاي من شركة السلاام
وبنااام الحين لان الليلة عندي طيارة مسافر اذا لقيت انترنت في الديرة اللي
انا رايح لها اوكي واذا مالقيت الله يعينكم راح تعرفون التفاصيل بنفسكم
اتمنى لكم جميعا التوفيقتعليق
-
رد: تقديم شركة السلام
ههههههههههههههههههههههههههههه
<==== على باله يمزح معكم
معليكم جالس فالرياض (بالحر) ماراح اروح مكان
<===== بيقص قصه حياته
والله توي جاي من السلام وبعطيك التفاصيل
اول شئ انتظرنا عند البوابه تقريباً اكثر من ساعه
بعدين دخلونا قسم التدريب (الشركة السعودية للتطوير والتدريب)
وحطونا في فصل واعطونا اختبار اسمه (اكتشاف الخلل الكهربائي) على ما اعتقد
الاختبار تقدر تقول سهل وتقدر تقول يلحس المخ شوي
طبعا اختيارات
مدته 18 دقيقه وهو مكون من 36 سؤال
طبعاً راح يبدون المقابله مع واحد يعني فيه واحد ماراح يختبر الاختبار هذا مع زملاه عشان يوفرون الوقت ويختبرونه بعدين بعد ما يخلص المقابله يختبر لحاله
بعد الاختبار هذا
الاختبارات العملية وهي اثنين
اختبار الفاندكس واختبار الماندكس
الاول جهاز تركب فيه اعواد حديدية وتحط فوقها المسامير وتشدها بالسكروب الاختبار سهل بس يبيله اصابع صغيرة شوي مو مثل اصابعي كنه اصياخ كباب طبعا مدة الاختبار 7 دقايق فقط
والماندكس مدته 15 دقيقه يعطونك شرايح حديدية ومسامير وبراغي وعده كامله
وفيه نموذج من الشرايح هذا مركبة فوق بعض ومترابطه بالمسامير وجاهزه يخلونه قدامك تشوفه وتركب مثله يبيله تركيز شوي انتبهوا من اللخبطه
بعدها المقابله الشخصية (اسهل شئ)
كلها سوالف في سوالف واحد بريطاني واثنين سعوديين المقابله بالانجليزي واذا فيه شئ تبي تقوله وماتقدر بالانجليزي تقوله بالعربي والسعوديين يترجمون للبريطاني مافيه اسئلة صعبه كل الاسئلة عن حياتك ودراستك وشغلك وشغلات زي كذاا
ادعووليي تكفووون
والله يوفق الجميعتعليق
-
رد: تقديم شركة السلام
يعطيك العافية اخوي مشكور وماقصرت والله يوفقنا وياك ...اخوي ماقالوا لك متى راح يردون عليكم بعد كم يوم وهل استلمو الي طلبوه من صور شخصية وصور الشهادات
وياليت اخوي توصف لنا المكان تراني غشيم ماادل زين
تحياتيتعليق
-
رد: تقديم شركة السلام
سعيد للمشاركه معكمتعليق
-
رد: تقديم شركة السلام
الله يعافيك اخوي
قالوا حنا راح نرد عليكم وماحددوا وقت معين
واستلوا كل الاوراق اللي طلبوها مع صوره شخصية وحده لكن كل واحد ياخذ معه صورتين احتياط
وصف المكان
وانت رايح للمطار تجيك لوحة مكتوب فيها الطيران الخاص والمنطقة الصناعية تروح معه يمين مع اتجاه اللوحه وتروح تجيك لوحه مكتوب الطيران الخاص يسار تتعداها تجيك لوحه مكتوب المنطقة الصناعيه يسار تروح معها يسار تمشى مسافه تجيك شركة السلام للطائرات على يدك اليسار
بالتوفييق للجميعتعليق
-
رد: تقديم شركة السلام
يعطيك الف عافيه مشكووور وماقصرت
بالتوفيق للجميعتعليق
-
رد: تقديم شركة السلام
هلا والله اخـووي
بصراحة كان امس الاختبــار في غاية السهولة
طبعا وصلنا الساعه سبعه ونصف عند البوابة
وكما تفضلت اخوي سابقا انتظرنا الاخ محمد القحطاني وبعد كذا
بدا عملية شرح المهام لهذا الاختبار
ثم كان عندنا اول اختبار عن اكتشاف الاخطاء
والحمدالله كان ابسط من البسيــط نفســه
طبعا الاختبار كان عن اختيارات من 36 سؤال في 18 دقيقة
ثم جاء الاختبار الثاني اللي هو الماندكس
وكان عباره عن مجسم مثل البيت مركب قطعه قطعه
عليك بالضبط انك تركب هالاجزاء مع بعضها البعض
وهي مكونه من مسامير وقطع حديدية وورده بعبارة اصح عدة كاملة
وكان مدة الاختبــــار 15 دقيقة
ثم كان الاختبــار الفاندكس
وهي عبارة عن اعمدة حديدة طويلة طولها بحاول 15 الى 20 سم
مع مسامير مع سكروب
وعليك تثبت الاعمدة بداخل القطعه ومدة الاختبار 7 دقايق
امــا االاختبار الاخيــر
فكان عن المقابلة الشخصية
فكان شخص بريطاني الجنسية
صراحة كان عسـل
كانك تعرفة من زمان اخذتنا السوالف بصراحة
ماتحسك انك في اختبار ابد
وكانت المقابلة في نصف ساعه
وكان هذا الاختبــاربصفة عامة
واللهم لك الحمد ع كل شي
واتمنى التوفيق لكلتعليق
-
رد: تقديم شركة السلام
وحي الخاطر
اتمنى لك التوفيق
وللشباب الى معنا كلهم
اندرلاين بشررنا وش سويت اليوم
وهل قالولكم شئ عن موعد الرد على المقبولين نهائياً ولا لا
الله يوفقنا جميعاًتعليق
-
رد: تقديم شركة السلام
5 سنواااات
:twaret::customsmile2::customsmile2::customsmile2: :customsmile2:تعليق
-
رد: تقديم شركة السلام
حياكم الله جميعاً
والف مبروك للأخوان
وعقبال القبول النهائي
يا حبايبي الرجاء الرجاء الرجاء
قراءة عقد التدريب عدة مرات وافهم مضمونه صح
دور على الشروط الجزائية وخطة البرنامج التدريبي
امس تكلمت مع مجموعة من الزملاء القدمى
المتواجدين حالياً في الشركة
ويقولون ان الشركة في تطورات جيدة
والاوضاع في تحسن مستمر
وبالتوفيق ان شاء الله للجميعتعليق
-
رد: تقديم شركة السلام
السلام عليكم
انا رحت للمقابله الشخصيه يوم الثلاثاء وما لنا الى ننتظر الرد منهم على حد قولهم من اسبوع الى اسبوعين ولكن الدوره يمكن بعد شهرين الى ثلاثه
الله يوفق الجميعتعليق
-
رد: تقديم شركة السلام
عشان ماتنسون ردي
اللي عنده جواب يردتعليق
-
رد: تقديم شركة السلام
هاه يا شباب بشروا فيه احد دقوا عليه
انا سويت مقابلة بوم الاحد وما ردوا علي حتى الان
ردووووووووووووووااااااااااااااااااتعليق
-
رد: تقديم شركة السلام
اخوي الصقر باقي بدري على كلامهم من اسبوع الى اسبوعين وحنا باقي في نص الاسبوع الاول ... الله يوفقنا جميعـأتعليق
-
رد: تقديم شركة السلام
استغفر الله العظيم
استغفر الله العظيم
استغفر الله العظيم
استغفر الله العظيم
استغفر الله العظيم
استغفر الله العظيم
استغفر الله العظيم
استغفر الله العظيمتعليق
-
رد: تقديم شركة السلام
اكثر من الاستغفار
ولا تنسوه!!تعليق
تويت
يعمل...
👍
😀
😘
😎
😂
🥰
☕
🤢
😞
😡
👎
تعليق