التكاليف...

رد: التكاليف...

شوف يا طويل العمر

من وجهة نظر شخصية

شوف الموضوع كله يعتمد عليك انت وبس

يعني انت ممكن تاكل كل يوم برة وممكن تاكل في البيت

تاكل برة متوسط سعر الوجبة في ماك وجاك ان ذ بوكس وبرقر كنج وهذي الخرابيك حدود 5 دولار

وممكن تعبي الثلاجة طال عمرك اكل يجلس معاك اسبوعين وتعزم عليه الناس مو لوحدك ب 150 دولار واحلى طبخ يوم رز يوم مكرونه وعلوم طيبه


طبعا حتى لو قررت انك تاكل برة راح تتطفش فراح تاكل في البيت بعد فترة غصبن عنك

اما السكن ارخض شي طبعا انك تشترك في السكن

اما شقة لحالك انت وخويك والشقق اسعارها في رخيص وفي غالي حسب فلوسك
طبعا كل ما زاد المبلغ كل ما كنت في حي ارقى او منطقة ارقى او حتى مجمع سكني او كمبلكس بطران

يعني من صفات البطرة في الكمبلكسات انا كنت ساكن في كومبلكس طبعا بوابات مافي اي احد يدخل غير السكان
24 ساعة سيكيورتي انواع الخدمة المميزة عندهم

اول ما يخرب شي يصلحوة ولو ياخذ وقت يعطوك غرفة في اطقع فندق وعلى حسابهم وهذا الشي حصل لي شخصيا تعطل عندي التكييف وكانوا يحتاجوا يومين للتصليح واحلى هوليدي ان سكنت فيه لمده يومين


طبعا زي ما ذكرت حسب كل حجرة ولها اجرة

ارجع اعطيك تفاصيل اخرى لي عودة

رد: التكاليف...

اشكرك يا عزيزي TCAS بشدة على معلوماتك و مشاركتك في الموضوع .

و انتظر باقي ملاحظاتك القيمة .

رد: التكاليف...

نكمل ما بداناه

طبعا المواصلات تفرق معاك ايضا

طبعا حسب الولاية في ولايات باصاتهم ممتازة وفي ولايات ما عندك احد

واحسن واضمن شي انك تلحق عشان ما يضيع وقتك يوم فاتك الباص ويوم مدري ايش سار

تشتري سيارة

السيارات هناك طبعا اتكلم عن سيارة مشي حالك بحدود 4 الى 5 الاف دولار

تاخذ لك فورد تورس الشباب السعوديين هناك طايحين فيها رخيصة وشكلها معقول وسعرها كمان معقول طبعا مستخدمة تاخذ مديل 2004 او 2003 حسب المكان يعني الولاية وحسب نضافة السيارة

واذا تزود شوية كمان مو كثير تاخذ كامري قديم ترا الياباني هناك لوا وزنوا حتى لو كان قديم

الحين نتكلم شوية بلغة الارقام

شوف ممكن تلاقي سكن بحدود من 600 الى 800 هذا طبعا اتكلم لو تبغا لوحدك

اما مشترك بحدود ال 400 الى 600 دولار شهريا

طبعا لانتسى الكهرباء والموية والكيبل والنت هذا كلوا غالبا عليك

ممكن تسكن عند عائلة بهذي الحدود كمان ب 500 او 600 دولار

طبعا المصاريف الشخصية اكل وشرب تكفيك حدود 400 دولار يادوي يعني هذا بس اكل

اذا ماعاك موتر احسب حسابك على ابو 300 دولار شهريا ما بين بنزين 50 دولار في الاسبوع لسيارة متوسطة ومشاوير قليلة واحسب كمان التامين حق السيارة تقريبا كلها تطلع عليك ابو 300 دولار والتامين يفرق حسب سنك وحسب وحسب بس في مليون شركة تامين ما عندك مشكلة كبيرة

يعني نحسبها الان
600 سكن +300 سيارة +400 اكل = 1300 دولار هذا طبعا مافيها حسبة دخان اذا انت مدخن ولا حسبة فلة اذا تحب تطلع في الويك اند

وعلى فكرة لازم تطلع تغير جو حتى لو من ابو بلاش تروح مثلا بارك حديقة او تروح سينما او نهر او شي يعني الفلة احسبها في الموضوع لازم لانك راح تزهق ونفسيتك لو ما خرجت ما راح تكون مرتاحة واهم شي العامل النفسي

ونسينا مصاريف التلفون والاتصالات شهريا احسب لها 100 دولار مع مكالمات السعودية + 100 دولار نخليها في الويك اند حسب الطفرة عشان الفلة

المجموع

كده المجموع حوالي 1500 دولاررررررررر

هذي تعيشك عيشة طيبة كل شي على القد مافيها بطرة في نفس الوقت كل شي عندك ومرتاح

اتمنى اني افدتك وبالتوفيق

رد: التكاليف...

الاسعار اعلاه من تجربة معيشة في ولاية اريزونا

وعلى فكرة الفرق في الاسعار مو كبير بين اريزونا وتكسس

رد: التكاليف...

جزاك الله خير وان شاء الله الاخوان الي ناوين على امريكا راح يستفيدوا

رد: التكاليف...

والله اخوي انا اقولك
السكن خاص غرفتين وصالة وحمام تقدر تلقاها ب 600 دولار
اما بالنسبة بالكهرباء والماي في عز الحر يوصل 100 دولار
بالنسبة للسكن المشترك من 300 تقدر تحصل والفواتير بالنص

طيب الاكل حسب الشخص لكن تقدر تحط لك 250 دولار

افضل وسيلة للتنقل في تكساس هي السيارة بس الله يعينك على البنزين حط لك 200-300 دولار بنزين بالشهر

وطلاب البعثة يحصلون 1000 دولار والحمدالله امورهم ماشية

رد: التكاليف...

يعني اجمالي الرحلة بالتعليم الطيران بكلة يوصل كام 45 الف$

رد: التكاليف...

يمكن اقل ويمكن اكثر يعتمد

اولا كم ساعة انتا راح تاخذ هل بس الساعات حقت امريكا 250 ساعة وبس ولا حتزيد

في كم حتخلص دراسة طيران الي يخلص في 6 اشهر اقل من مصاريف الي يدرس في سنه او سنتين

حسب المدرسة تختلف من مدرسة الى مدرسة

بس انت احسب حق المدرسة + 1500 دولار شهريا وتطلع لك الحسبة

عموما المبلغ ما راح يكون بعيد عن ال 45 الف دولار يزيد وينقص حسب المدة والساعات

رد: التكاليف...

شوف انتا في اي خطط تبغا تشتغل وشوف هما يبغوا كم وزبط امورك بالتوفيق