نصائح للمبتدئين في الفاتسيم

طيب دلوقتى انا اشتركت ف الفاتسيم ونزلت البرامج وكل حاجة تمام بس عاوز اعرف ازاى اجيب ال Call-sign بتاعى ؟؟ ومنين

لاحظت في الفتره الأخيره زياده عدد الطياريين العرب الجدد ، مما زاد من فرحتي وأحسست إنه العرب هيزيدوه وده هيزود الترافيك في المنطقه العربيه:iconloli: ، ولكن في نفس الوقت لاحظت نسبه كبيره منهم لا يعرفون الطيران والتحدث مع المراقبيين .

لذلك انا اليوم أضع هذه النصائح الثمانيه بين أيديكم ، من واقع خبرتي في الفاتسيم ، وأنا مش عضو قديم ولا حاجه:iconloli: أنا إشتركت في آخر شهر يناير 2008 ، بس والحمد لله إكتسبت خبره مش بطاله

المهم نرجع للنصائح بقه :iconloli: :
1- بعد تسجيلك وإستلام رقم العضويه المعتمد ، توجه إلي مركز معلومات الطياريين ، إقرآه كله ، شباب منكم هيقوله ليه يعني ده مش مقرر علينا ، هقولكم قرآته هتساعدكم من المخالفه في الطيارن :redcart: ومعرفه كيفيه التحدث مع المراقبيين كمان ، وجزء كبير منه هتلاقه سهل ومش محتاج ، واللغه الإنجليزيه إلي فيه سهله وهما مراعيين إنه نسبه كبيره من القرآء لسه متحدثين اللغه الإنجليزيه بشكل بارع .

2- عند الطيران أول رحله ، طر في مطار يكون فيه مراقبه ويفضل أن تكون مراقبه مكتمله (يعني تاور أبروتش كنترول) علشان تعرف إزاي تتحول من موجه للتانيه ، بس الشرط الأهم إنه المطار يكون فاضي علشان يقدر المراقب يساعدك كويس ،و علشان يقدر يساعدك كويس إكتب في الـRemarks أو الملاحظات للفلايت بلان بتاعتك " New pilot " أو "Newbie".

3- مش عيب إنك جديد بس عيب إنك مش عاوز تتعلم من اخطائك ، يعني في كثير من الشباب لاحظت إنهم بيتوجه لعمل شيء معين ويكونه إقتنعه بيه ، ألاقيهم المره الجايه عمله نفس الشيء بطريقه ثانيه :protest:

4- الصبر على المراقب ، وهذا طبعاً في المطارات المزدحمه ، يعني الراجل عنده عشر طيارات تحت إيديه مثلاً هيبص على ميين ولا مين ، لا تطلب الشيء أكثر من مره.

5- لو في أمر مش عارف تنفذه أو متلخبط فيه عندك حليين ، يا إما تبلغه بإنه يفهمك الأمر وده طبعاً في حالة إذا كنت في مطار مفيهوش زحمه ، أو إنك تقف مكانك لاتتحرك لغايه ما يفضه وتسأله ، طيب لو أنا في الجو ومع الأبروتش أو الكنترول ==> هيه ده فياده بقه مركز معلومات الطياريين :iconloli: ، الأوامر إلي في الجو غلبيتها لف يمين\يسار ، إطلع فوق\تحت .

6- اللغه المستخدمه وطريقه التحدث ، مهم أوي معرفه طريقه التحدث أو إلي بيطلقوها عليها Phraseology ، وهيه العبارات أو الكلمات المستخدمه للتعبير عن النوايه او التحركات أو الأوامر الصادره من المراقبه الجويه باللغه الإنجليزيه ، وللامانه في منهم السهل وفي منهم الصعب ، بس مش مستحيله ومش مطلوب منك تعرف كل حاجه ، ولكن إلي عاوز الأساسي هيلاقه في مركز معلومات الطياريين ، وإلي عاوز التعلم الكامل إضغطوا هنا لتحميل الفصل الثاني عشر من كتاب الATM وهوه كتاب من مناهج المراقبيين الجويين في الحقيقه* .

7- الصوتيات ، مهم جداً يكون عندك سماعات ومايك ، والموضوع مش مكلف ، أنا مقلتش روح إشتري حاجه بـ100$ مثلاً ، ولكن على الأقل إشتري سماعات ومايك يكونه كويس علشان الصوت إلي يوصل يكون واضح والصوت إلي يوصل للمراقب يكون أوضح

8- تذكر إن المراقب مش عاوز يزعلك ولا يستهون بيك ، أساساً لو مفيش ترافيك الراجل هيكلم نفسه ، بس برضه خلي عندك الأدب وحسن الرد ، وإذا أساء إليك فيه كزه طريقه للرد عليه رسمياً .

وفي النهايه،،
الكثير من الشباب يجدوه الموضوع لعبه زيها زي أي لعبه أخرى ، في الحقيقه السيميولاتر لعبه ماشي بس مش زي أي لعبه ، يعني بالله عليكم في لعبه تخليكم تقراه وتذاكره أشياء(الخرائط) ، في لعبه مثلاً تخيلكم تحضروا لشيء بالساعات ( الرحلات) ، أظن كوانتر إستريك ولا بتل فيلد مفيهومش الكلام ده ، فعلشان تستمتع صح خليك صح ، وحاول إنك تكون شغوف للتعلم ، فالسيميولاتر نفعت ناس كثيره أوي أوي لما حبه يتخصصه في الطيران أو المراقبه الجويه ،لأنهم ببساطه كانه محترفيين طيران اولانين شغوفيين جداً للتعلم.

أرجو إنك الموضوع يكون حاز على إعجابكم ، وأتمنى أشوف التعليقات

* تم توفيره من قبل القسم المصري في الفاتسيم

مع تحياتي ،،،