الخطوط الجويه الكويتية والمتطلبات فيها لعملك كطيار فيها

**Q8JetBlast** · 22-06-2010, 09:33 PM

رد: الخطوط الجويه الكويتية والمتطلبات فيها لعملك كطيار فيها

والله كلامه نوعا ما, يبرد الجبد, بس يبيله على يوم تفر المطار كله, خو كل مكاتب الشركات حوالين المطار, و اخذ الخبر اليقين منهم.

مبنى الكويتية صاير قبل المطار الاميري, انا اعرف واحد راح يبي يسأل, وقف عند الجك بوينت مال الامن لما قالهم يبي يسأل عن التوظيف و ماخلوه يدش, اشكره يعطونه بو "من غير مطرود" ههههه

**s-a-l-e-m** · 22-06-2010, 11:02 PM

رد: الخطوط الجويه الكويتية والمتطلبات فيها لعملك كطيار فيها

المشاركة الأصلية بواسطة Q8JetBlast

والله كلامه نوعا ما, يبرد الجبد, بس يبيله على يوم تفر المطار كله, خو كل مكاتب الشركات حوالين المطار, و اخذ الخبر اليقين منهم.

مبنى الكويتية صاير قبل المطار الاميري, انا اعرف واحد راح يبي يسأل, وقف عند الجك بوينت مال الامن لما قالهم يبي يسأل عن التوظيف و ماخلوه يدش, اشكره يعطونه بو "من غير مطرود" ههههه

لوووول لازم يكون معاك فيتامين واو عشان تصير واو و يمشونك لكن تعال لهم الصبح ههههه

**Hassn166** · 23-06-2010, 05:04 AM

رد: الخطوط الجويه الكويتية والمتطلبات فيها لعملك كطيار فيها

المشاركة الأصلية بواسطة Q8JetBlast

أشكرك اخوي موسى بس ماقلت الحين شنو وضعك ؟ طالب ثانوية ولا جامعي ؟ و شنو خططك ؟

والله ياخوي انا حالي من حالكم خطتي قاعد اركز على شغلتين النسبه والانجليزي
اتوقع انه بعضكم اتجاهل هل شغله لانهم يبون انجليزي بنسبه قويه ومثل ماتشوفون يبون حوالي 500 درجة بتوفل وهاذه مو شويه
ولا انها تصير بيوم وليلة ولا تنسون اختبارات الباجيه والمقابله كلها بل انجليزي
اتوقع بعضكم ماهما هل شغله علباله انه مو مشكله تنحل انا اقوله لا ماتنحل واثبتلك انه ماتنحل اشترلك فلم مو مترجم واتحداك اذه فهمت شي وهاذه شغله خطره اذه ياك واحد بل مقابله وماتقدر تتفاهم وياه وشافك اتاتا بل انجليزي او اتقطع شنو راح يكون موقفك معاه شي اكييد راح يدور الاحسن منك ويقبله قبلك طبعن انا مااتكلم عن الى عنده خبره بل انجليزي هاذه الله يوفقه لعبها صح من البداية بس انا قاعد اتكلم حق الى خسرها ومالعب صح
وعلى فكره حبيت اوضح حق الكثير انه ترا اكثر الشباب الى قدمو حق الكويتية السنين الماضيه ترا مافيهم قاااصر وعندهم النسبه وعندهم الفلوس بس شنو الى وقفهم عن طريجهم ماقدرو يتقدمون في الاختبارات اللغه وعدم المقدره لانه ياشباب لا تستهينون باختبارت القدرات يعني انتو لا عبالكم انه خلصت من الثنوية خلاص عندي نسبه وافتكيت من الدراسه لا بل عكس خلصت من المدرسه راح ترجع مره ثانيه باختبار القدرات منها الرياضيات والفيزياء والكيمياء تختبرهم بشكل اكبر ومابي اصدمك انه اكثرها بل انجليزي معه انك دارسها بل عربي بس شتقول اشكوه للله

المشاركة الأصلية بواسطة s-a-l-e-m

يا جماعه انا امس رحت مكتب طيران الامارات ولقيته مسكر و كلمت مراقب المطار قعدت اسولف معاه شوي قالي جنه الكويتيه تبي 80 واذا تبي تروح على حسابك تدفع لهم 20 الف و ما يبون نسبه ولا شي و قلت له صحيح انه موفل بالكويتيه التوضيف قالي منو قالك لا يبى ماعمرنا سمعنا مفول و انا اعرف كابتن بالكويتيه امه تعرف امي امه تقول اصلا هم يدورون طياريين مو يطردونهم والله مادري انا باقيلي اسبوع اتخرج انشالله والله كريم

الكويتية ماتطرد الكويتية عقب ماطلعت الشركات الجزيره والوطنية اكثر الطيارين قدمو استقالتهم او تقاعدو وراحو الجزيره والوطنية

المشاركة الأصلية بواسطة s-a-l-e-m

وسألته قلت له بستفسر من الكويتيه لا هو قالي انه كلامه مو اكيد جنه دلاني المكتب مكتب الكويتيه بالضجيج يقول روح هناك وانشالله الله يوفقك عاد بروح هناك و بشوف شيبون و ما يبون و اذا كلش كلش اشوفلي واسطه لوول

الله يفوقك انشالله وبضبط شركتهم مو مكتبهم بعد اذه ماني غلطان انها بضجيج المبنا العود

**s-a-l-e-m** · 27-06-2010, 11:38 AM

رد: الخطوط الجويه الكويتية والمتطلبات فيها لعملك كطيار فيها

ها شباب ماكو اخبار ؟

**s-a-l-e-m** · 03-07-2010, 02:34 AM

رد: الخطوط الجويه الكويتية والمتطلبات فيها لعملك كطيار فيها

السلام عليكم
شباب انا نجحت بالثانويه العامه ولله الحمد تخصصي علمي ونسبتي 71.37%
لكن الحجي مو هني الحجي الكويتيه تقبل بهل النسبه و حتى لو اروح على حسابي

**Hassn166** · 03-07-2010, 02:43 AM

رد: الخطوط الجويه الكويتية والمتطلبات فيها لعملك كطيار فيها

المشاركة الأصلية بواسطة s-a-l-e-m

السلام عليكم

شباب انا نجحت بالثانويه العامه ولله الحمد تخصصي علمي ونسبتي 71.37%
لكن الحجي مو هني الحجي الكويتيه تقبل بهل النسبه و حتى لو اروح على حسابي

اهلن اخوي اول شي الف مبروك لتخرج وثاني شي مايمنع انك تاخذ من وقتك وتروح لهم في الضجيج وتدش عند المدير بعد وتشوف مستقبلك مافيه شي ولا اهي سالفت عيب
وقولنا شنو يصير معاك

**s-a-l-e-m** · 03-07-2010, 12:29 PM

رد: الخطوط الجويه الكويتية والمتطلبات فيها لعملك كطيار فيها

المشاركة الأصلية بواسطة mossa

اهلن اخوي اول شي الف مبروك لتخرج وثاني شي مايمنع انك تاخذ من وقتك وتروح لهم في الضجيج وتدش عند المدير بعد وتشوف مستقبلك مافيه شي ولا اهي سالفت عيب
وقولنا شنو يصير معاك

والله اخوي ارووح بس ما احصل احد هناك وين بالضبط ادل الضجيج لكن في اكثر من مكان للكويتيه

**s-a-l-e-m** · 08-07-2010, 02:45 PM

رد: الخطوط الجويه الكويتية والمتطلبات فيها لعملك كطيار فيها

السلام عليكم
غامرت و رحت مبنى الكويتيه و صعب دخوله بصراحه مو اي واحد يدخل انا دخلت بواسطه هههه بس عشان ادخل المهم دخلت واستفسرت قالي لا ما نبي 80% علمي 70% علمي يمشي قلت انا 71% قالي اي بس الكويتيه مو بحاجه طياريين قلت ما يصير قال انا اقولك القصه الي صارت كان في طلبيه 37 طياره راحو افتحو باب التسجيل و ادخلو الناس على حساب المؤسسه المهم مجلس الامه وهقهم راح لغا الصفقه ( الطلبيه ) والحين يقول عندنا طياريين متخرجين و كل شي نعطيهم معاش و ما يشتغلون يقول قاعد نخسر يقول انا ادري انك تحلم طيران قلت ايه والله قال من بس انت غيرك وايد كويتيين قالي املك 1% قلت طيب اوكي ابي اشتغل بطيران الامارات ولا القططريه قالي ما يصير كل دوله تبعث مواطنينها قلت انزين انا ليش انحرم من الطيران الكويتي بشكل عام ليش ينحرم من حلم قال شنو نسوي الشغله مو بيدنا قلت انزين يصير اخلص تكنلوجيا او اي تخصص جامعه وارجع قالي اي بس لازم ما يتعدا عمرك 21 و تخلص شهاده جامعيه انا بدخل معهد تكنلوجيا و بضغط على نفسي وقالي نصيحه لا تنطر يمكن 3 سنوات او 4 نفتح باب القبول بالله هذا كلام شباب اذا شهاده الثانويه عدا عليها سنه تسقط عشان جذي بدخل تكنلوجيا

**s-a-l-e-m** · 10-07-2010, 06:44 PM

رد: الخطوط الجويه الكويتية والمتطلبات فيها لعملك كطيار فيها

؟؟؟؟؟؟؟؟؟؟؟؟؟؟

**أبوسليمان** · 10-07-2010, 11:59 PM

رد: الخطوط الجويه الكويتية والمتطلبات فيها لعملك كطيار فيها

السلام عليكم
اشلونك شباب شخباركم أنا اليوم واصل من لندن الحمدلله
بشروا شنو الأخبار فيه أمل ولا لأ ولا نغسل إيدنا ؟؟

**s-a-l-e-m** · 11-07-2010, 02:35 AM

رد: الخطوط الجويه الكويتية والمتطلبات فيها لعملك كطيار فيها

اولا الحمد لله على السلامه .. اغسل ايدك بماي و صابون بعد

انا قبل جم يوم
غامرت و رحت مبنى الكويتيه و صعب دخوله بصراحه مو اي واحد يدخل انا دخلت بواسطه هههه بس عشان ادخل المهم دخلت واستفسرت قالي لا ما نبي 80% علمي 70% علمي يمشي قلت انا 71% قالي اي بس الكويتيه مو بحاجه طياريين قلت ما يصير قال انا اقولك القصه الي صارت كان في طلبيه 37 طياره راحو افتحو باب التسجيل و ادخلو الناس على حساب المؤسسه المهم مجلس الامه وهقهم راح لغا الصفقه ( الطلبيه ) والحين يقول عندنا طياريين متخرجين و كل شي نعطيهم معاش و ما يشتغلون يقول قاعد نخسر يقول انا ادري انك تحلم طيران قلت ايه والله قال من بس انت غيرك وايد كويتيين قالي املك 1% قلت طيب اوكي ابي اشتغل بطيران الامارات ولا القططريه قالي ما يصير كل دوله تبعث مواطنينها قلت انزين انا ليش انحرم من الطيران الكويتي بشكل عام ليش ينحرم من حلم قال شنو نسوي الشغله مو بيدنا قلت انزين يصير اخلص تكنلوجيا او اي تخصص جامعه وارجع قالي اي بس لازم ما يتعدا عمرك 21 و تخلص شهاده جامعيه انا بدخل معهد تكنلوجيا و بضغط على نفسي وقالي نصيحه لا تنطر يمكن 3 سنوات او 4 نفتح باب القبول بالله هذا كلام شباب اذا شهاده الثانويه عدا عليها سنه تسقط عشان جذي بدخل تكنلوجيا

**أبوسليمان** · 11-07-2010, 06:01 PM

رد: الخطوط الجويه الكويتية والمتطلبات فيها لعملك كطيار فيها

السلام عليكم
هلا اخوي صح كلامك الكويتية من زمان اغسل إيدك ابروحها الحين قاعده تفنش موظفينها وماعندها ميزانية حق المعاشات .
بس انشاله في امل من الجزيرة والوطنية
عاد وانا رايح لندن على الكويتية حاولت ادش على الكابتن بسولف معاه ما خلوني قالولي المظيفين ممنوع احد يدش على الكابتن وحتى بالرده

**KUWAIT ATC** · 11-07-2010, 06:43 PM

رد: الخطوط الجويه الكويتية والمتطلبات فيها لعملك كطيار فيها

والله ما وراهم خير.........نصيحتي ياجماعه واحد من اثنين

بالنسبه لكم بعضكم وصل ال20

دورولكم على كليات على حسابكم بس يكون فيها نظام ضمان وظيفي.......موجوده بالصين وحتى بكندا وغيرها..........طبعا انا اتكلم عن واحد من صج يحب الطيران

اما عن اللي توهم خلصو الثانويه او السنه اليايه<<مثلي>> احسن شي بالنسبه لي انا اني باذن الله بطلع بنسبه فوق ال80 ولو بشوي وبعدها بدخل هندسة طيران على حساب الحكومه سواء برا او اهني <<الكليه الاستراليه>>

وعلى حسب كلام الكليه الاستراليه انه اكثر المهندسين طيران اللي خلصو منهم حاليا يدرسون طيران لحساب الخطوط الجويه الكويتيه

وبالنسبه للي يقووووووول مافي قبوووول..........لايقصون عليكم.........معاك واسطتك؟.......تدش قصبن عنهم مو برضاهم بعد

رفيجي توه مخلص الثانويه.......بدون ذكر اسماء عطاهم شهادته......وقالوله ابشر بعزك

وهذا فيديو باليوتيوب لطيار يتدرب علما اظن انه تابع للكويتيه من عنوان اليوتيوب<<<الطيار كويتي رشيدي ماعليه كلام>>

http://www.youtube.com/watch?v=RPM5qMSA6_U

وفي له عدة فيديوات

**s-a-l-e-m** · 11-07-2010, 07:28 PM

رد: الخطوط الجويه الكويتية والمتطلبات فيها لعملك كطيار فيها

اي اخوي الواسطه تسوي شغل بس انا بتاكد لو معاي شهاده جامعيه او معهد اقصى حد للعمر 21 ولا 24 ابي اجابه اكيده وماشاء الله هذا الرشيدي عمره 17 شلون دخلوه ؟

معناتها الباب مفتوح هذا توه مخلص من دفعتي انا عمري 17 و جم شهر و بدون سقوط ؟

وعلى فكره الوطنيه رحت لهم و الجزيره هم قالولي احنا ما نودي لا بعثات ولا على حسابك الخاص تحت اشرافنا احنا نبي طيار جاهز معاه 5000 ساعه من وين اجيب ال 5000 لووول

**FOX40** · 11-07-2010, 08:07 PM

رد: الخطوط الجويه الكويتية والمتطلبات فيها لعملك كطيار فيها

انا شخصيا لو عندي فلوس ادرس علوم الطيران واصير طيار بس ما اروح للكويتية اللي عندها هالطائرات سكراب ومتهالك اروح للدول الخليجية مثل الامارات وقطر
او شركات المحلية مثل الجزيرة او الوطنية

**Q8JetBlast** · 11-07-2010, 08:51 PM

رد: الخطوط الجويه الكويتية والمتطلبات فيها لعملك كطيار فيها

انا بقولكم خطتي الي بسويها, قدمت بعثات التعليم العالي, اروح ادرس جامعة اربع سنين, و خلال هالفترة عاد كيفهم الشركات, غصبا عليهم يتعدلون >> جنه الديرة ديرة ابوه :ANSmile15:

KUWAIT_ATC يبيلك تشبك مسنجر خل نتباحث آخر أمور و شئون الدولة السياسية و الاقتصادية, وييييينك ؟

**s-a-l-e-m** · 11-07-2010, 09:38 PM

رد: الخطوط الجويه الكويتية والمتطلبات فيها لعملك كطيار فيها

المشاركة الأصلية بواسطة FOX40

انا شخصيا لو عندي فلوس ادرس علوم الطيران واصير طيار بس ما اروح للكويتية اللي عندها هالطائرات سكراب ومتهالك اروح للدول الخليجية مثل الامارات وقطر
او شركات المحلية مثل الجزيرة او الوطنية

علي ايدك !! القطريه ما يبون كويتيين يبون قطرين و الامارات نفس الشي وكل الدول نفس الشي تقدر تشتغل بحاله وحده لكم تكون عندك الليسن atp و معاك 5000 ساعه طيران يعني انت لما تتخرج من الاكادميه لازم تكون تحت اشراف شركه كبيره و كل شركات دول العالم ما تدرب غير مواطنينها وبما انك كويتي .. تغسل ايدك بماي وصابون لان للاسف لا نملك خطوط مثل الناس

**s-a-l-e-m** · 11-07-2010, 09:39 PM

رد: الخطوط الجويه الكويتية والمتطلبات فيها لعملك كطيار فيها

المشاركة الأصلية بواسطة Q8JetBlast

انا بقولكم خطتي الي بسويها, قدمت بعثات التعليم العالي, اروح ادرس جامعة اربع سنين, و خلال هالفترة عاد كيفهم الشركات, غصبا عليهم يتعدلون >> جنه الديرة ديرة ابوه :ANSmile15:

KUWAIT_ATC يبيلك تشبك مسنجر خل نتباحث آخر أمور و شئون الدولة السياسية و الاقتصادية, وييييينك ؟

ههههههه ضيفوني معاكم

[email protected] فعلا انا بحاجه الي اشخاص كويتيين يبون طيران مثلي لكي اساعدهم ويساعدوني

**أبوسليمان** · 12-07-2010, 12:50 AM

رد: الخطوط الجويه الكويتية والمتطلبات فيها لعملك كطيار فيها

السلام عليكم
يا شباب شنو هذا الأحباط عطونا امل شوي ترى قامت تصك فيني الدنيا

**s-a-l-e-m** · 12-07-2010, 04:05 AM

رد: الخطوط الجويه الكويتية والمتطلبات فيها لعملك كطيار فيها

المشاركة الأصلية بواسطة أبوسليمان

السلام عليكم
يا شباب شنو هذا الأحباط عطونا امل شوي ترى قامت تصك فيني الدنيا

الله يعينك اخوي انا صاكه فيني الدنيا ووالله اهلي يقولون لي ليش وجهك قلب اصفر وما قمت اكل صرت ضعيف هههههه مو احباط ولا شي استغفر الله حضنا جذي شنسوي بعد !! لكن الي باط جبدي ليش يصير جذي والله لو الكويتيه تشتري 100 طياره و تسوي مطار اكبر مطار بالعالم ما راح يأثر ولا شي بمزانيه الدوله هي ترا شباب المسئله مسئله قله طيارات و طياريين واجد

**KUWAIT AIRWAYS** · 12-07-2010, 06:12 AM

رد: الخطوط الجويه الكويتية والمتطلبات فيها لعملك كطيار فيها

الوضع صج صج صج ياحبيبي عليه
مالنا امل شكله
الله يستر عالايام الي بتيي
مقاله بجريده الانباء قريبا
تتناول الموضوع ان شاء الله

**KUWAIT ATC** · 12-07-2010, 06:30 AM

رد: الخطوط الجويه الكويتية والمتطلبات فيها لعملك كطيار فيها

شكلها اخرتها ياحسون ويا باقي الشباب ;)

التجــــــــــــــــــنيد

**KUWAIT AIRWAYS** · 12-07-2010, 06:35 AM

رد: الخطوط الجويه الكويتية والمتطلبات فيها لعملك كطيار فيها

لاحقين عليه

**KUWAIT ATC** · 12-07-2010, 06:35 AM

رد: الخطوط الجويه الكويتية والمتطلبات فيها لعملك كطيار فيها

شباب عدلو كلامكم شوووي لوووول في عدة اعلاميين كويتين راح يدخلون الصفحه هذي

**s-a-l-e-m** · 12-07-2010, 08:01 AM

رد: الخطوط الجويه الكويتية والمتطلبات فيها لعملك كطيار فيها

ههههههههههه لا انشالله انشالله تتخصخص وياخذها واحد و يضبطها مع انه ما ايد الخصخصه
ياخي اشترو طيارات و افتحو باب التسجيل وفكونا عاد ملينا

**KUWAIT ATC** · 12-07-2010, 11:49 AM

رد: الخطوط الجويه الكويتية والمتطلبات فيها لعملك كطيار فيها

ههههههههههه مانبي طياراتهم...........نبيهم اهم او الحكومه تدزنا ندرس طيران وبعدها نرجع ناخذ ريتنج من القراوند السكول مالت الكويتيه بالكويت

ذيج الساعه حتى لو مايبونا عادي احنا راح نكون طيارين مع شهايد قويه وجاهزين......أي شركه راح تاخذنا.

وبعدين طيران الجزيره والوطنيه المفروض يكووون عندهم شوي مستحى و ذووق.....ويعطون الكويتين الاولويات يعني لو مثلا يجي الكويتي ومعاه شهادة طيران وعدد ساعات حتى لو صغير.......ياخذونه

بما انه كويتي والشركه كويتيه.

مو حاطين الكويتي حاله حال غيره كانهم ماهم كويتيين

**s-a-l-e-m** · 12-07-2010, 02:58 PM

رد: الخطوط الجويه الكويتية والمتطلبات فيها لعملك كطيار فيها

ايه والله هاذي المشكله نبي ناخذ دوره عندهم يقبلونا بعدين اروح القطريه او مكان ثاني عادي و ما راح تكلفهم شي دراستي انا بدفع كل التكاليف ... تعرف انا لما رحت سئلت دخلت داخل شفتهم شلون يتعلمون ع السميليتور و شفت مجسمات طيارات وفيه حوض سباحه وقاعد يتعلمون مع المضيفين هبوط اضطراري يفتحون الباب و تطلع سفينه هههههه والله استانست هع حقيقا الكابتن ما قصر معاي قالي تعال شوف قلت لا انا بشوفكم من فوق ههه

**حمود سعد حمود احمد** · 12-07-2010, 04:06 PM

رد: الخطوط الجويه الكويتية والمتطلبات فيها لعملك كطيار فيها

شكرا اخوي على الجهد

**أبوسليمان** · 15-07-2010, 12:20 AM

رد: الخطوط الجويه الكويتية والمتطلبات فيها لعملك كطيار فيها

السلام عليكم
شباب أجلو الخصخصة

**s-a-l-e-m** · 15-07-2010, 11:11 AM

رد: الخطوط الجويه الكويتية والمتطلبات فيها لعملك كطيار فيها

الكويتية في طريقها الي المقبره اخوي لا خصخصه ولا بطيخ

الخطوط الجويه الكويتية والمتطلبات فيها لعملك كطيار فيها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق