مؤهلات العمل فى مصر للطيران كطيار

رد: مؤهلات العمل فى مصر للطيران كطيار

شكرا على الاجابه لكن السؤال الى انا بسال عليه مش فى اللينك ده

رد: مؤهلات العمل فى مصر للطيران كطيار

ايه ياجماعه محدش عارف ولا ايه

رد: مؤهلات العمل فى مصر للطيران كطيار

شكرا كابتن مؤمن لكن انا طرحت الموضوع ده لان فى واحد قالى انا من ابناء العاملين فى مصر للطيران وهما هناك مش بيقبلوا كل المؤهلات العاليه ماعدا الهندسه والطب والصيدله والعلوم الكلام ده صح ولا ايه
ثانيا ايه هو (السرى) انا سمعت ان الطيارين بعدما يتم قبولهم فى شركة الطيران بيعدوا فيه لحد مايجيلهم شغل الكلام ده صح ولا ايه
ثالثا انت بتقول فى امتحانين انجليزى الاول فى مصر لو حتدرس فى مصر طيب بالنسبه للى حيدرسوا بره مصر ؟

رابعا هو امتحان أختبار الـ Airline Basic Course غير امتحان الانجليزى الاول وهل هو صعب


وشكرا ياكابتن مؤمن
وياريت تبقى تعرفنا اخبارك من وقت لاخر انت وحشتنا بصراحه ....

رد: مؤهلات العمل فى مصر للطيران كطيار

ايه حكايه معادله رخصه الطيار التجاري دي لحامل موهل عالي يامؤمن يعني الموهل بيقي اسمه ايه في وزاره التعليم العالي ؟

من بعد امضاء العقد مع مصرللطيران انت لست طيار بالشركه ومن حق الشركه الاستغناء عنك في اي وقت كان دون ابدا الاسباب وانما تعامل كمتدرب وليس حتي طيار تحت التدريب وبالمناسبه للمرتب هو بيكون 200 دولار فقط

رد: مؤهلات العمل فى مصر للطيران كطيار

السلام عليكم كابتن مؤمن عايزة اعرف الانترفيو بيكون ازاي ؟ يعني الاسئلة بتكون ازاي ؟ وبعد الانترفيو بيكون الكورس الخاص بمصر للطيران سهل ولا صعب ؟ والمدة بتأخذ قد اية لغاية الاختبار ؟ سامحني في الاطالة

سن أقل من 30 عام
رخصة طيار تجاري مصرية ICAO
+
Instrument Rating و ATP Frozen لمن هم فوق الـ 21 عام
علي الأقل 190 ساعة طيران
اختبار اللغة الأنجليزية ICAO English Proficiency Test درجة 4 علي الأقل مع التجديد كل 3 سنوات أو 5 و التجديد كل 6 سنوات أو درجة 6 و عدم التجديد
يكون الأختبار الأول في الجامعة الأمريكية اثناء الدراسة (في حالة الدراسة في مصر) و الأختبار النهائي الذي يتوجب عليك الحصول فيه علي 4 أو 5 أو 6 يكون في مركز تدريب مصر للطيران تحت أشراف الـ ICAO

الحصول علي لياقة طبية درجة أولي و أجتياز أختبارات التركيز و الأختبارات النفسية و العصبية من وزارة الطيران المدني

أجتياز أختبار الـ Airline Basic Course أو الـ ABC بدرجة فوق الـ 80% علي ما أظن لست متأكد قبل ان يتم الموافقة عليك كطيار بالشركة

علي ما أظن, هذه هي كل المتطلبات
أتمني ان اكون أفدت

-------------------
بخصوص السؤال الأول الخاص بالمؤهلات العليا, فأنا و نصف دفعتي خريجي الكلية المصرية للطيران حاصلين علي الثانوية العامة أو ما يعادلها (الدبلوما الأمريكية) فقط لا غير
الموضوع و بأختصار هو ان بعد الحصول علي رخصة طيار تجاري و الـ Instrument Rating من الكلية بتروح تعادلهم من وزارة التعليم العالي بمصر الي شهادة عليا و بيتم معاملتك حتي في التجنيد معاملة شهادات عليا (9 أشهر فقط)

السؤال الثاني : كلام خاطأ بكل المعاني, الي قال كدا ما بيفهم في البقدونس ! بمجرد قبولك في الشركة, يعني بمجرد ان تمضي عقد عمل انت رسمياً طيار في الشركة ولا يصح لك العمل في أي مكان ثاني, كل ما يحصل هو انك بتنتظر دورك في السيموليتر لتتدرب علي طراز الطائرة المخصص لك (و بيكون علي حساب الشركة) و بمجرد الأنتهاء بتبدأ عمل علي طول
و يااااا ريت يكون كلامك صح, لو كده, يبقي انت بتأخد مرتبك من دون عمل هههههه
انت بمجرد ان تمضي عقد بينك و بين الشركة, انت بتبدأ بالحصول علي راتب شهري و بالتالي الشركة بتكون عايزة تستفيد منك في اسرع وقت لأن هي فعلاً طالما قبلتك, يبقي هي محتاجة لطيارين

السؤال الثالث, هو بيكون الأمتحان الأول للكلية في مصر فقط, غير كده مبيبقاش في أي أختبارات لكن متنساش ان الدراسة في الخارج هتكون كلها و التعاملات كلها بالأنجليزي, لكن هنا أغلب الدراسة بتتحول بقدرة غريبة الي العربي و ده بيني و بينك مريح جداً حتي لو انت ممتاز في الأنجليزي

السؤال الرابع, الـ ABC مش موجود في أي مكان غير مصر للطيران و هي الي بتدرسهولك قبل الأختبار و بعد الأنترفيو

يعني الموضوع بيكون

الكلية أو الدراسة في الخارج
أصدار الرخصة أو معادلتها لرخصة مصرية
أضافة اللغة الأنجليزية علي الرخصة المصرية لكلا من خريجي الكلية و المعادلات
التقديم في مصر للطيران مع نزل أعلان طلب طيارين (عادة أعلان واحد كل عام)
أنترفيو
ABC
أختبار ABC
سيموليتر طراز طائرة محدد لك
أمتحان في السيموليتر
أضافة الطراز علي الرخصة
Line Training و بيكون 200 ساعة طيران فعلي علي الطائرة بوجود ركاب و كل شئ مع وجود الكابتن و مشرف أو مفتش من الوزارة لتقييم عملك كمساعد طيار
First Officer Release و بتكون المرحلة النهائية لتصبح مساعد طيار رسمياً
سيموليتر ثانياً أو ثالثاً, يتم تغير الطرز الي بتطير عليها (و دي ميزة كبيرة لأنط تحصل علي طرز كثيرة علي رخصتك من دون أن تدفع أي شئ)
أكثر من 1500 ساعة طيران, عادة 4000 أو أكثر قليلاً و تصبح كابتن علي طراز من طرز الشركة


1- بتروح وزارة التعليم العالي و تعادل الرخصة الي مؤهل عالي (و ده لخريجي مصر فقط لأننا دلوقتي كلية و ليس معهد) - غير كده معاملتك في التجنيد بتكون معاملة المؤهلات المتوسطة

2- كلامك صح, الشركة ممكن تستغني عنك لحد ما تضيف لك طراز بعد كده بيتم التحويل من متدرب الي طيار و من هنا ماينفعش تستغني عنك الا بمخالفة قوانين و شروط العقد

3- المرتب اثناء السيموليتر(أي متدرب) بيكون 500$ و 600 جنيه مصري
دي أجدد حاجة وصلوا لها لحد دلوقتي

و شكراً علي توضيح النقطة

الأنترفيو عادة لكل الدفعات الي فاتت كان أسئلة عامة و أسئلة في الطيران (خاصة الـ Meteorology)

الكورس الي بعد الأنترفيو بيكون بأختصار عبارة عن دراسة شبه كاملة للطائرات النفاثة و الفروق الي بينها و بين الطائرة الصغيرة الي تم التدرب عليها أثناء الدراسة
أول جزء في الكتاب بيتكلم تقريباً بس عن تاريخ الطيران و الباقي بيكون

كثير من الـ Jet Performance
Meteorology
Jet Transport Characteristics
Aerodynamics
Aircraft Systems عن بعض الطرازات الي اتملكتها الشركة منها البوينج 737
و Weight & Balance

مدته المفروض بتأخد حوالي 3 شهور و بيكون في مركز تدريب مصر للطيران
ممكن المدرة تزيد لو في أجازات أو رمضان و مناسبات

و مفيش أطالة ولاحاجة

رد: مؤهلات العمل فى مصر للطيران كطيار

لو لسه عايز معلومات اسئلني انا مريت بجميع الاختبارات في مبني وزارة الطيران بالمطار القديم

رد: مؤهلات العمل فى مصر للطيران كطيار

ياجماعة أنا كنت مقدم على وظيفة ظابط حركة وكالة وأتقدمت للأنترفيو والنتيجة طلعت وأخدوا 6 أساسى و 20 أحتياطى وأنا رقمى 7 فى الأحتياطى

هل كدا فى أمل أنى أقبل فى الوظيفة ولا إيه ؟؟

ياريت اللى يعرف يقول

وجزاكم الله خيراً

رد: مؤهلات العمل فى مصر للطيران كطيار

2- كلامك صح, الشركة ممكن تستغني عنك لحد ما تضيف لك طراز بعد كده بيتم التحويل من متدرب الي طيار و من هنا ماينفعش تستغني عنك الا بمخالفة قوانين و شروط العقد

3- المرتب اثناء السيموليتر(أي متدرب) بيكون 500$ و 600 جنيه مصري
دي أجدد حاجة وصلوا لها لحد دلوقتي

و شكراً علي توضيح النقطة دي

لا حتي بعد اضافه الطراز تقدر تستغني عنك وتدفع ان فلوس السيمليتور لو استنفذت 3 مرات رسوب في كل الامتحان سواء نظري او عملي كذلك لاتعامل معامل طيار تعامل طيار تحت التدريب

رد: مؤهلات العمل فى مصر للطيران كطيار

مشكووور كابتن مومن

رد: مؤهلات العمل فى مصر للطيران كطيار

شكرا يا كابتن مؤمن

رد: مؤهلات العمل فى مصر للطيران كطيار

ياريت يا جماعه بعد اذنكم انا عايز اعرف عشان ادخل كليه الطيران المدنى اعمل ايه بالضبط واروح فين وانا اسف على طول السؤال

رد: مؤهلات العمل فى مصر للطيران كطيار

السلام عليكم يا كابتن مؤمن انا عمرو من القاهرة و فى الصف الثانى الثانوى و عايز اعرف كل حاجة لو سمحت عن شركات الطيران فى مصر و ما هى الاختبارات التى تمر على الطيار فى الكشف الطبى و مازا افعل بعد انتهائى من الثانوية و هل يجب ان اكون علمى ارجو الرد ضرورى و شكرا على اهتمامك يا كابتن

رد: مؤهلات العمل فى مصر للطيران كطيار

ارجو الرد ضرورى من احد فى موضوعى ؟؟

رد: مؤهلات العمل فى مصر للطيران كطيار

السلام عليكم انا شاب عندي 32 مصري بتكلم إنجليزي كويس هل ينفع ادرس طيران وهل دراسة كندا أحسن ولا مصر أيهما سمعته قويه في العمل بعد الدراسة والاسعر كأم لو سمحت جزاك الله خير وهل العمل مضمون بعد الدراسة ولا هتبقي شاهده وخلاص

رد: مؤهلات العمل فى مصر للطيران كطيار

السلام عليكم انا شاب عندي 32 مصري بتكلم إنجليزي كويس هل ينفع ادرس طيران وهل دراسة كندا أحسن ولا مصر أيهما سمعته قويه في العمل بعد الدراسة والاسعر كأم لو سمحت جزاك الله خير وهل العمل مضمون بعد الدراسة ولا هتبقي شاهده وخلاص