تويت
ستفسار مهم عن إنترفيو فى القطريه لوظيفه فى الدوحه
أنا عندى interview لوظيفه Senior Reservations & Ticketing Agents فى القطريه يوم الخميس 6/1/2011 أرجو من لديه أى خلفيه عن الإنترفيو أوعمل إنترفيو معاهم قبل كده يقوللى إيه هى طبيعه الأسئله وممكن هأعمل الإنترفيو مع مين ...ملحوظه الإنترفيو فى فرع الشركه اللى فى جامعه الدول ولكم جزيل الشكر
-
-
رد: ستفسار مهم عن إنترفيو فى القطريه لوظيفه فى الدوحه
قدمتى ازاى يا ايمان بالوظيفة هل من خلال الانترنت ولا بزيارتك لمكتبهم الرئيسى ولا لفرع ممكن الافادة وللعلم انتى لو دخلتى على موقعهم هتلاقى تفاصيل الوظيفة المطلوبة يعنى مطلوب منك ايه علشان تنفذه
منتظر ردك لانى مقيم بالرياض مش مصر للعلم
[email protected] -
رد: ستفسار مهم عن إنترفيو فى القطريه لوظيفه فى الدوحه
عن طريق موقع الخطوط القطريهتعليق
-
رد: ستفسار مهم عن إنترفيو فى القطريه لوظيفه فى الدوحه
انا كمان عايزة اعرف قدمتى ازاى وكان ايه اللى مطلوب - وهل فى ايميل ممكن اراسله لخطوط القطرية ولا شرط من على الموقعتعليق
-
رد: ستفسار مهم عن إنترفيو فى القطريه لوظيفه فى الدوحه
انا قدمت انهاردة بس مش عارف كدا انا اتأخرت ولا ايه ..تعليق
-
راتب موظف حجوزات بالخطوط القطرية بالدوحة
انا اسفة ردي جاي متأخر بس لسه شايفة الموضوع من شويه
هارد عليكي من تجربتي الشخصية
لاني اشتغلت نفس الوظيفة في الدوحة من مايقرب سنة ونص
وأقدر أقولك معلومات كتير تساعدك
الراتب
الاساسي 4066 ريال قطري
بدل مواصلات 450
السكن عليهم من حقك single bedroom
طبعا كل هيقولك يابختك القطرية مرة واحدة بس الحقيقة مش كده
الشركة بالنسبه للعملاء ممتازة جدا
بس بالنسبة للموظف صفر
اعتبري نفسك دخلتي الجيش كل حاجة اوامر واذا اعترضتي
هتلاقي عصابة بتحاول توقعك في اي غلط عشان يبعدوكي
في الاول هتشتغلي في الكول سنتر بعد كده
لو نزلتي مكتب انتي وحظك المواصلات عليك حتى لو تدفعي نص مرتبك ماعندهمش اي مشكلة
ولأن الجو العام في الشركة دايما في ضغط ومافيش زيادة ف الرواتب
ماتستغربيش من نفسية الناس اللي معاكي حاولي تكوني ف حالك وماتستغربيش من اي حاجة
ده مختصر تجربتي مع الخطوط القطريه
بجد اتمنالك كل خير والمكان ان شاء الله اللي تروحيه ترتاحي فيهتعليق
-
رد: ستفسار مهم عن إنترفيو فى القطريه لوظيفه فى الدوحه
وانا برضو اتصل بيا اليوم وقاللى معاك انترفيو
ياريت ياجماعة اى حد عنده خلفية عن المقابلة يفهمنا ايه اللى بيحصل فيهاتعليق
-
رد: ستفسار مهم عن إنترفيو فى القطريه لوظيفه فى الدوحه
المقابلة مش صعبة ولا حاجة هي انترفيو عاديه جدا أسئلة بسيطه طبعا بالانجليزية وعن الخبرة وعلى فكرة هما بيخدوا ناس خبرتها بسيطة عشان الراتب ضعيف تاني حاجة هيعملوا امتحان اللي هو basic passenger tarrif
أسئلة بسيطة عادية بس اللي خد الكورس يراجع شويه فيه وانا بأكد ان هم بيخدوا ناس معندهاش خبرة كبيرة بالكتير سنه او اتنين وربنا يوفقكمتعليق
-
رد: ستفسار مهم عن إنترفيو فى القطريه لوظيفه فى الدوحه
انا كمان اتصلوا بيا من 3 ايام سألنى شوية اسئلة شخصية وقالى حيبعت تفاصيل المقابلة وميعدها على ايميلى ومفيش حاجة اتبعتت هو قالكم كدة بردو ولا قالكم على ميعادتعليق
-
رد: ستفسار مهم عن إنترفيو فى القطريه لوظيفه فى الدوحه
انا اليوم بعتلى ايميل
يا ريت يااخوانا حد يفيدنى اقرا فاية واركز على ايه لانى ابيض خالص كل الى عندى انكلش وكمبيوتر
بلييييييييييييييييز
مساعدة
وكنت بس عاوز اعرف هو باذن الله لو ربنا وفقنا مكان العمل هيكون فالقاهره والا الدوحة مع انى لما قريت الاعلان كانوا طالبين للقاهره
ياريت ياخوانا حد يفيدنا
وجزاكم الله خيراتعليق
-
رد: ستفسار مهم عن إنترفيو فى القطريه لوظيفه فى الدوحه
ايه يا اخوانا محدش قادر يفيدنىتعليق
-
رد: ستفسار مهم عن إنترفيو فى القطريه لوظيفه فى الدوحه
انا اتصلوا بيا يوم الاتنين اللى فات وقالى هبعتلك ايميل على الانبوكس وبعدها بعتلى فعلا خلال يومين واتصلوا مرتين بيا مره من مصر ومره بعدها من قطر بياكدوا على المعاد الساعه 9 صباحا فى الفرع شارع جامعه الدول العربيه يوم الاتنين 24/1/2011 بس انا مش عارف طبيعه الشغل ولا الانترفيو بس الواحد بيحاول وربنا يسهلتعليق
-
رد: ستفسار مهم عن إنترفيو فى القطريه لوظيفه فى الدوحه
زي ما قلت في بعض الاحيان مش بياخدوا حد بيفهم في الحجوزات لانكوا هتتعلموا كل حاجة بس المهم خبرة بسيطة في مجال السياحة او الطيران عموما وبالنسبة للحجاب مسموح بيه وناس كتيرة لابسه الحجاب وفي المطار كمانتعليق
-
رد: ستفسار مهم عن إنترفيو فى القطريه لوظيفه فى الدوحه
ياجماعة في ناس بعتتلي وخافت من كلامي عن القطرية بس والله والله ياجماعة أنا ما أقصدش انا ممكن افهمكوا حاجة مهمة جدا من تجربتي معاها سياسة الشركة فعلا صعبة ولازم تعرفوا ده كويس وبالنسبة للراتب الراتب مش كبير زي ماقلت
بالنسبة للشباب المتزوج ينسى موضوع ان أسرته ممكن تنتقل وتعيش معاه ودي مشكله كانوا زمايلي كانوا بيشتكوا منها
بالنسبة للبنات طبعا مش مسموح الزواج الا بعد تقريبا 3 سنين
موضوع نقل الكفاله يكاد يكون مستحيل يعني لو لقيت شغل في مكان تاني براتب أفضل انسى انك تقدر تنقل
لكن هاقول ليكم لو خدتوا شغلكم ف القطرية خطوة مجرد خطوة لان ممكن تقدروا بعدها تقدموا في شركات تانية كبيرة بعد ما تاخدوا خبرة ف القطرية ولو تلاحظوا دايما اللي ف القطرية ممكن يشتغل ف الاتحاد او الاماراتية بس دايما العكس ما بيحصلش لان فعلا شركة صعبه جدا
لازم تحطوا الكلام ده في بالكم كويس وتبقوا عارفين ده وتفكروا فيه قبل أي خطوة مش مجرد سفر وخلاص؟تعليق
-
رد: ستفسار مهم عن إنترفيو فى القطريه لوظيفه فى الدوحه
لو سمحتم انا عملت المقابلة وبعدين مليت الابلكيشن
فهل دا معناه انى وفقت والا دى خطوة عادية بيعملوها مع كل المتقدمين
شكراتعليق
-
رد: ستفسار مهم عن إنترفيو فى القطريه لوظيفه فى الدوحه
كل اللى هناك عمل ال application
ربنا يوفق الجميع
انتا عملت مقابله مع مين من التلاته اللى كانوا هناك
تعليق
-
رد: ستفسار مهم عن إنترفيو فى القطريه لوظيفه فى الدوحه
واحد قطرى والتانى شكله هندىتعليق
-
رد: ستفسار مهم عن إنترفيو فى القطريه لوظيفه فى الدوحه
انتا عملت الانترقيو كام مرة ؟؟تعليق
-
رد: ستفسار مهم عن إنترفيو فى القطريه لوظيفه فى الدوحه
حد رد عليك منهم؟تعليق
-
رد: ستفسار مهم عن إنترفيو فى القطريه لوظيفه فى الدوحه
السلام عليكم ممكن تفهمونى التقديم على مضيفين ولا موظفى حجوزات عايزه افهم بالظبط من فضلكم ؟تعليق
-
رد: ستفسار مهم عن إنترفيو فى القطريه لوظيفه فى الدوحه
يا جماعة انا عملت المقابلة دي.. محدش يعرف هما اختاروا ولا لسة؟؟؟
انا في اخر المقابلة قالولي انهم هياخدوا قرار في خلال اسبوعين.. بس انا حاسس انهم ممكن يكونو اتأخروا بسبب الاحداث في مصر...تعليق
-
رد: ستفسار مهم عن إنترفيو فى القطريه لوظيفه فى الدوحه
الحمد لله اختروني.. و قبلت في الوظيفة دي.. يا ترى مين تاني نجح في المقابلة؟؟تعليق
-
رد: ستفسار مهم عن إنترفيو فى القطريه لوظيفه فى الدوحه
هما بعتولك على الميل ولا إزاى ؟تعليق
-
رد: ستفسار مهم عن إنترفيو فى القطريه لوظيفه فى الدوحه
سورى ..نسيت أباركلك ...ألف مبروك وبالتوفيق إن شاء الله ....:)تعليق
-
رد: ستفسار مهم عن إنترفيو فى القطريه لوظيفه فى الدوحه
الله يبارك فيكم جميعا.. و ربنا يوفقكم ان شاء الله
انا قدمت عادي زي اي حد.. و بعدين اتصلوا بيا و عملوا معايا Telephone Interview سألوني اسئلة شخصية من بيانات ال C.V بتاعي . و في اخر المكالمة بلغوني بميعاد الانترفيو.. و بعتولي ايميل فيه كل التفاصيل
و في المقابلة كان معايا حوالي 22 زميل.. قسموهم لمجموعتين.. وكان فيه 3 ممتحنين...و كل مرشح بيمتحنه واحد بس من التلاتة ..
و الاسئلة بصراحة انا كنت شايفها عادية و متوقعة.. بس بتكون وراها مغزي.. يعني بيكون عايز يشوف رد فعلك اية؟ و بتتصرف ازاي.. اسلوبك في الكلام.. استخدام الفاظك.. و مدى تواصلك و كل ده باللغة الانجليزية طبعا..
لدرجة انه ممكن يستفزك مثلا بسؤال عشان يشوفك هتنفعل ازاي..و عشان يختبر مدي صبرك... و ده اللي حصل معايا بالظبط
بالاضافة الى اسئلة تصاعدية خاصة بفنيات الشغل..عشان يقدر يقيم خبراتك.. يعني مثلا: بتعرف تحسب الاسعار مانيوال؟؟ طيب ازاي؟؟بتعرف تعمل MCO؟ ازاي؟ بتعرف تعمل REFUND؟ ازاي؟ و هكذا...
انا بصراحة طول معايا جدا و سألني في تفاصيل صغيرة جدا مايعرفهاش غير حد متمرس.. بس الحمد لله ربنا كرمني و جاوبته على كل الاسئلة.. لأني الحمد لله بشتغل في المجال بقالي 3 سنين في شركة كبرى ومعايا دبلومة الاياتا
و في الاخر قالي هناخد قرار في خلال اسبوعين..
و من كام يوم كده بعتولي على الايميل و قالولي اني نجحت و بعتولي العقد..
اتمني التوفيق للجميع ..تعليق
تعليق