[طيار حائلي]

سلام عليكم ورحمه الله وبركاته

ياجماعه انا قالوا لي ان اكادميه باريس اير افضل اكادميه هي واكادميه اوبيك يعني ممكن هم المظمونات ان شاء الله ومعتمدات اعتماد كويس من قبل FAA بس مادري لاني ابغى اسجل ولا اعرف كيف مع العلم ان الانجليزي عندي وسط مو ذاك الزود

ف كيف اسجل وكيف احجز موعد من السفاره الامريكيه بالسعوديه وهل فيه مكتب بالسعوديه يسجل ويخلص الاوراق ويجيب لي قبول من اوبيك او باريس ف اتمنى انكم تفيدونني تكفون لضروره لان راح علي الوقت ف بانتظاركم ياكباتن

[teeto]

وعليكم السلام، حبيبي راسل الاكادميامية وقولهم انك تبغى قبلول، وبعد ما يجيك القبول قدم على السفارة الامريكية عشان تاخذ فيزا طالب

نعم حبيبي في مكاتب كثييير تجيب لك القبول وتزبط لك اوراقلك وتسوي لك الفيزا

[عبدالله بايعشوت]

https://www.alnakaha.com/?gclid=CjwKE...!us-visa/c1dei

هذا الرابط يساعدك على إجراءات التأشيرة الأمريكية ..

https://ceac.state.gov/genniv/

وهذا الرابط تعبئة نموذج طلب تأشيرة تعبية وتروح للسفارة وتحجز موعد حاملاً هذه الإستمارة ..

لا تقلق .. كن عند حسن الظن بالله وعلق أملك به .. والأمر بسيط بإذن الله ..
وأنصحك بأخذ خبرات بعضاً من الأخوة الذين سبقوك ،

هناك أسئلة يجب الإهتمام بها قليلاً :
1/ ما غرضك من الدراسة .؟
2/ هل لديك ضمان بنكي .؟
3/ اسم المدرسة وفي اي ولاية تقع .؟
4/ من سيتكفل برسوم دراستك .؟
5/ وغيرها ...

وأتمنى أن تتأكد أن المقابلة ليست إجبارياً التحدث باللغة الإنجليزية ،
لأنه التحدث باللغة العربية والله أعلم مسموح ولكن باللعربية الفصيحة وأرجو أن تتأكد من هذا الأمر ..

أسئل الله أن يوفقك ويفتح عليك فتوح العارفين ..

[طيار حائلي]

شكرا لمساعدتي اخوتي

[القائــد]

اقتباس:     المشاركة الأصلية كتبت بواسطة طيار حائلي  

سلام عليكم ورحمه الله وبركاته

وعليكم السلام ورحمة الله وبركاته


ياجماعه انا قالوا لي ان اكادميه باريس اير افضل اكادميه

في فلوريدا تقريبا هيا الافضل لكن سعرها ايضا اعلى بقليل عن باقي المدارس

هي واكادميه اوبيك

لا هذه الاكادمية ابعد عنها الافضل


يعني ممكن هم المظمونات ان شاء الله ومعتمدات اعتماد كويس من قبل FAA


ان شاء الله اذا نويت في فلوريدا تدرس ادرس في بارس او في سن رايس


بس مادري لاني ابغى اسجل ولا اعرف كيف مع العلم ان الانجليزي عندي وسط مو ذاك الزود

ما يحتاج تسجل او شئ في البداية راسلهم واعتمد على نفسك استخدم برامج الترجمة مثل جوجل وخد منهم اسعار الدراسة وبلغهم انك لمى توصل ان شاء الله تبى تدرس لغة انجليزية قبل الدراسة

اعتمد على نفسك الامور سهلة ان شاء الله

ف كيف اسجل وكيف احجز موعد من السفاره الامريكيه بالسعوديه وهل فيه مكتب بالسعوديه يسجل ويخلص الاوراق ويجيب لي قبول من اوبيك او باريس ف اتمنى انكم تفيدونني تكفون لضروره لان راح علي الوقت ف بانتظاركم ياكباتن

انته اول شئ استخير الله عز وجل في المدرسة الي تبغاها بعد ما تراسلهم وخلاص تكون جاهز انك تسافر وفلوسك معاك

بعدها تطلب منهم انهم يرسلو لك الاي توني وبعدها تروح لاي مكتب يرتب لك امورك مع السفارة والموعد وكل شئ وما يكلفك الا 1500 ريال تقريبا الامور سهلة ان شاء الله زيما قلتلك

لكن انته الان ابدا خطوة بخطوة لا تشطح !!

الان قرر اي مدرسة تبغاها وبعدها انا اقولك ايش تسوي

وبالتوفيق يا كابتن

[Capt.Mouath]

1- Flight Safety
2- Paris Air
3- Sunrise

هيا أفضل 3 أكاديميات في أمريكا وبالترتيب .. أتمنى اللي عندو خلفية أكثر في الموضوع يصوت على أفضل أكاديمية .. بالتوفيق ،

[عبدالله بايعشوت]

نعم أكاديمية :

فلاي سيفتي و باريس إير .. ممتازة جداً
بالإضافة لأكاديمية أنا أفضلها ( دلتا ) وتقع في تكساس

الموقع الإلكتروني للمدرسة : https://www.deltaqualiflight.com/

[RIM90]

1- اعمل الفحص الطبي للfaa بالسعودية
2-اختار الاكاديمية اللي تبي تدرس فيها و تجنب ايبيك + صن رايز ( نصيحة اخوي ومجرب )
3-راسلهم و اطلب الاي توني راح يطلبون منك صورة من جوازك و ضمان بنكي او كشف حساب
4-بعد مايوصلك الاي توني سدد رسوم الـ sevis
5-بعد الحصول على الاي توني و سداد رسوم السيفس احجز موعد في السفارة الامريكية و خذ معك الاي توني + كشف الحساب او الضمان البنكي + صورتين 5*5 + ورقة تسديد رسوم sevis
6-بعد المقابله ياخذون اوراقك وجوازك و تنتظر فترة اسبوع الى عشر ايام انت وحظك وتاخذ جوازك